పవన్ కల్యాణ్ మూడో రోజు 'చలో చలో చలోరే' ప్రజాయాత్ర కొనసాగుతోంది. ఈ రోజు ఉదయం తన అభిమానులతో కలిసి ఆయన కొత్తగూడెం నుంచి ఖమ్మం ర్యాలీగా బయలుదేరారు. మార్గమధ్యంలోని దంతాలపల్లిలో కాసేపు సేదదీరారు. పవన్ ఆగిన విషయాన్ని పసిగట్టిన స్థానికులు ఆయన్ను చూసేందుకు ఎగబడ్డారు. ఆయనతో సెల్ఫీ దిగేందుకు ఉత్సాహం చూపించారు. కాగా పవన్ వారితో పవన్ కాసేపు మాట్లాడి సెల్ఫీలకు ఫోజులు ఇచ్చారు. ఈ సందర్భంగా ఓ స్థానిక యువకుడు పవన్ తో మాట్లాడుతూ..అన్న తెలంగాణలో మీకు భారీగా అభిమానులు ఉన్నారని చెప్పడంతో చిరునవ్వు నవ్వారు. అనంతరం పవన్ కల్యాణ్ తన ప్రయాణాన్ని తిరిగి ప్రారంభించారు.
రాజకీయాలకు పూర్తి సమయం కేటాయించాలని భావిస్తున్న జనసేన చీఫ్ పవన్ కల్యాణ్ ..ఆ దిశగా అడుగులు వేస్తున్నారు. రాష్ట్ర వ్యాప్తంగా తమ పార్టీ కార్యాలయాలను ఏర్పాటు చేయాలని నిర్ణయించారు. కాగా గతంలో చెప్పినట్లుగా జనసేన తొలి పార్టీ ఆఫీసు అనంతపురంలో ఏర్పాటు చేస్తామని పవన్ ప్రకటించారు. గుత్తి రోడ్డులో రెండెక‌రాల విస్తీర్ణంలో కార్యాల‌యం ఏర్పాటు కాబోతుంద‌ని పవన్ తెలిపారు. తన పార్టీ ఆఫీస్ విజ్ఞాన భాండాగారం తీర్చిదిద్దుతానని..అది మేథావుల చర్చలకు కేంద్రంగా తీర్చిదిద్దుతానని వెల్లడించారు.
జనసేన పార్టీలో పార్లమెంటు స్థాయి సంఘాలను ఏర్పాటు చేస్తున్నట్టు ఆ పార్టీ రాష్ట్ర ఉపాధ్యక్షుడు బి.మహేందర్‌రెడ్డి తెలిపారు. ఈ కమిటీల ఏర్పాటును డిసెంబర్ నెలాఖరుకల్లా పూర్తిచేస్తామని చెప్పారు. కాకినాడలో జరిగిన పార్టీ కార్యక్రమంలో ఆయన మీడియాతో మాట్లాడారు. జనసేన పార్టీలో కొత్తవారికి ప్రాధ్యాన్యత ఉంటుంది. ఏపీ, తెలంగాణల్లోని 42 లోక్‌సభ స్థానాల పరిధిలో 848 మందిని ఎంపిక చేశామని, వీరి శిక్షణ డిసెంబర్లో అయిపోతుందని తెలిపారు. అసెంబ్లీ నియోజకవర్గ, మండల స్థాయి కమిటీలను రెండు విడతలుగా ఏర్పాటు చేస్తామని ఆయన ఈ సందర్భంగా చెప్పారు.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
