హైదరాబాద్ మణికొండలో విషాదం చోటుచేసుకుంది. ఓ యువతి ల్యాంకో హిల్స్ భవనంలోని 15 అంతస్తు నుంచి కిందకు దూకి ఆత్మహత్య చేసుకుంది.
దీంతో ఆమె అక్కడికక్కడే ప్రాణాలు కోల్పోయింది. కృష్ణాజిల్లా నందిగామ మండలం కమ్మవారిపాలెంకు చెందిన వీరవల్లిక.. కొద్ది రోజులుగా హైదరాబాద్ లో పని చేస్తోంది. ల్యాంకోహిల్స్లోని ఓ సాఫ్ట్వేర్ ఉద్యోగిని నివాసంలో పనిచేస్తోంది. ఈ మధ్యే తల్లిదండ్రులకు ఫోన్ చేసి ఇంటికి వస్తున్నానని తెలిపింది. లాక్డౌన్ వల్ల వాహనాలు నడవడం లేదని... తర్వాత రావాలని తల్లిదండ్రులు చెప్పారు. ఇంటికి వెళ్లలేక తీవ్ర మనస్తాపానికి గురైన యువతి ఆత్మహత్య చేసుకుంది. వీరవల్లిక మృతదేహాన్ని పోలీసులు ఉస్మానియా ఆసుపత్రికి తరలించారు.
ఐతే ఆమె ఆత్మహత్యకు కారణాలు ఏంటనేది తెలియరావడం లేదు. పోలీసులు కేసు నమోదు చేసుకుని దర్యాప్తు చేస్తున్నారు. ఇంటి యజమాని దగ్గర ఆరా తీస్తున్నారు.జీ హిందుస్తాన్ తెలుగు టీవీ లైవ్ లింక్ కోసం ఇక్కడ క్లిక్ చేయండి. Watch Zee Hindustan Telugu live here..
