USA: అమెరికాలో దారుణం..న్యూ ఓర్లిన్స్ జనాలపైకి దూసుకెళ్లిన కారు..12 మంది దుర్మరణం

USA terror attack: అమెరికాలో దారుణం జరిగింది. న్యూ ఇయర్ వేడుకలు జరుపుకుంటున్నవారిపై కారు దూసుకెళ్లింది. ఈ ఘటనలో 12 మంది మరణించారు. మరో 30 మందికి గాయాలు అయ్యాయి. ఈ ఘటన న్యూ ఓర్లీన్స్ లోని కెనాల్, బోర్బన్ స్ట్రీట్ ల్ చోటుచేసుకుంది.

USA: అమెరికాలోని న్యూ ఓర్లీన్స్ కెనాల్, బోర్బన్ స్ట్రీట్‌లో బుధవారం దారుణం జరిగింది. న్యూ ఇయర్ వేడుకలు జరుపుకుంటున్న జనాలపైకి కారు దూసుకెళ్లడంతో 12 మంది మృతి చెందగా, 30 మంది గాయపడ్డారు. బుధవారం తెల్లవారుజామున 3.15 గంటలకు ఈ ఘటన చోటుచేసుకుంది. వేగంగా వెళ్తున్న ఎస్ యూవీ కారు సంబురాల్లో మునిగి ఉన్న వ్యక్తులపై బలంగా దూసుకువచ్చింది. ఈ ఘటనలో ఏకంగా 12 మంది మరణించారు. మరో షాకింగ్ విషయం ఏంటంటే..ఇది ప్రమాదవశాత్తు జరిగిన ఘటన కాదు. 

ఓ వ్యక్తి కావాలనే న్యూ ఇయర్ వేడుకల్లో ఉన్న ప్రజల మీదకు కారును వేగంగా తీసుకెళ్లాడు. తర్వాత డ్రైవర్ కారు కిందకు దిగి విచక్షణారహితంగా కాల్పులకు పాల్పడ్డాడు. ఈ ఘటనలో 12 మంది మరణించారు. 30 మంది గాయపడినట్లు తెలుస్తోంది. ఇది తీవ్రవాద ఘటనగా పోలీసులు భావిస్తున్నారు. సమీప ప్రాంతంలో పేలుడు పదార్థాలు లభించినట్లు తెలుస్తోంది. కాగా న్యూ ఓర్లిన్స్ మేయర్ ఈ ఘటనను తీవ్రవాద చర్య అంటూ అభివర్ణించారు. 

క్షతగాత్రులను ఐదు స్థానిక ఆస్పత్రుల్లో చేర్పించారు. ఈ సంఘటన న్యూ ఓర్లీన్స్‌లో నూతన సంవత్సర వేడుకల ముగింపులో నగరంలోని సీజర్స్ సూపర్‌డోమ్‌లో జరిగిన కాలేజ్ ఫుట్‌బాల్ క్వార్టర్‌ఫైనల్ ఆల్‌స్టేట్ బౌల్ ప్రారంభానికి కొన్ని గంటల ముందు జరిగింది. వేలాది మంది హాజరయ్యే అవకాశం ఉంది.

10 people were killed and 30 injured after a vehicle drove into a crowd on New Orlean's Canal and Bourbon Street, reports AP. pic.twitter.com/YFDdSL9qO5

— Press Trust of India (@PTI_News) January 1, 2025

న్యూ ఓర్లీన్స్ మేయర్ మాట్లాడుతూ న్యూ ఇయర్ రోజున ఒక కారు జనంపైకి దూసుకెళ్లి, భారీ ప్రాణనష్టానికి కారణమైన సంఘటన 'ఉగ్రవాద దాడి' అని అన్నారు. వేగంగా వచ్చిన ఓ వాహనం జనాలపైకి దూసుకెళ్లిందని ఘటనా స్థలంలో ఉన్నవారు తెలిపారు. ఈ దాడి ఉద్దేశపూర్వకంగానే జరిగినట్లు తెలుస్తోంది. న్యూ ఓర్లీన్స్ పోలీస్ డిపార్ట్‌మెంట్ ప్రతినిధి మాట్లాడుతూ, ఒక వాహనం వ్యక్తుల సమూహాన్ని ఢీకొట్టినట్లు ప్రాథమిక నివేదికలు కనిపిస్తున్నాయి. అయితే ప్రాణనష్టం, ఆస్తినష్టం ఎంత అన్నది సరిగ్గా అంచనా వేయలేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.