દિલ્હીમાં માસ્ક લગાવીને ફરતી જોવા મળી આ અભિનેત્રી, કહ્યું-'શૂટિંગ કરવું ખુબ મુશ્કેલ'

નવી દિલ્હી: બોલિવૂડથી હોલિવૂડ સુધી પોતાની ઓળખ બનાવી ચૂકેલી અભિનેત્રી પ્રિયંકા ચોપરા (Priyanka Chopra) હાલમાં જ ફિલ્મ ધ સ્કાય ઈઝ પિંકમાં જોવા મળી હતી. આ ફિલ્મમાં તેની સાથે ફરહાન અખ્તર જોવા મળ્યો હતો. જો કે આ ફિલ્મ બોક્સ ઓફિસ પર કોઈ મેજિક બતાવવામાં નિષ્ફળ સાબિત થઈ. હવે પ્રિયંકા દિલ્હીમાં ધ વ્હાઈટ ટાઈગરનું શુટિંગ કરી રહી છે. આ વાતની જાણકારી તેણે પોતાના ઈન્સ્ટાગ્રામ એકાઉન્ટર પર તસવીર શેર કરીને આપી. જેમાં તે માસ્ક સાથે જોવા મળી રહી છે. પ્રિયંકાએ દિલ્હી પ્રદૂષણ પર એક પોસ્ટ લખતા કહ્યું કે હાલ દિલ્હીમા શૂટિંગ  કરવું થોડું કપરું થઈ રહ્યું છે. 

પ્રિયંકાએ ઈન્સ્ટાગ્રામ પર પોતાની એક તસવીર શેર કરતા લખ્યું કે ધ વ્હાઈટ ટાઈગરના શૂટિંગનો દિવસ. હાલ અહીં શૂટિંગ કરવું એટલું મુશ્કેલ છે કે હું વિચારી પણ નથી શકતી કે આ પરિસ્થિતિઓમાં અહીં રહેવું કેવું હશે. સારૂ છે કે અમારી પાસે એર પ્યુરિફાયર અને માસ્ક જેવી સુવિધાઓ છે. ગરીબો અને બેઘરો માટે દુઆ કરો. બધા લોકો પોત પોતાનું ધ્યાન રાખો. 

View this post on Instagram

Shoot days for #thewhitetiger. It’s so hard to shoot here right now that I can’t even imagine what it must be like to live here under these conditions. We r blessed with air purifiers and masks. Pray for the homeless. Be safe everyone. #airpollution #delhipollution😷 #weneedsolutions #righttobreathe

A post shared by Priyanka Chopra Jonas (@priyankachopra) on Nov 3, 2019 at 8:52am PST

નોંધનીય છે કે દિલ્હી અને આસપાસના વિસ્તારોમાં શુક્રવારે હવાની ગુણવત્તા ખતરનાક 'ગંભીર શ્રેણી'માં પહોંચ્યા બાદ ઈપીસીએ 'સાર્વજનિક સ્વાસ્થ્ય ઈમરજન્સી સ્થિતિ' જાહેર કરી. દિલ્હી સરકારે શુક્રવારે જ દિલ્હીની તમામ શાળાઓને 5 નવેમ્બર સુધી બંધ રાખવાના આદેશ આપ્યા હતાં.