રાજ્યકક્ષાના શ્રેષ્ઠ શિક્ષક એવોર્ડ 2020ની જાહેરાત, આ વર્ષે 44 શિક્ષકોને મળશે સન્માન

ગાંધીનગરઃ શિક્ષણ ક્ષેત્રે શ્રેષ્ઠ કામગીરી કરનાર શિક્ષકોને રાજ્ય સરકાર દ્વારા દર વર્ષે પારિતોષિક એવોર્ડ એનાયત કરવામાં આવે છે. તો આ વર્ષે આ એવોર્ડ મેળવનારા શિક્ષકોની યાદી રાજ્ય સરકારે જાહેર કરી દીધી છે. વિવિધ કેટેગરીમાં શ્રેષ્ઠ શિક્ષક-2020 માટે 44 શિક્ષકોને આ એવોર્ડ મળશે. રાજ્ય સરકાર દ્વારા કરવામાં આવેલી જાહેરાત મુબબ પ્રાથમિક વિભાગમાંથી 17 શિક્ષકોની એવોર્ડ માટે પસંદગી થઈ છે. તો માધ્યમિક વિભાગમાંથી 7 શિક્ષકો, ઉચ્ચતર માધ્યમિક વિભાગમાંથી 3 શિક્ષકો, માધ્યમિક/ઉચ્ચચતર માધ્યમિક  આચાર્ય કેટેગરીમાં સાત શિક્ષકોનો સમાવેશ થાય છે. આ સિવાય નિરીક્ષક તથા એચ,ટાટ, સીઆરસી, બીઆરસી, મદદનીશ શિક્ષક નિરીક્ષક કેટેગરીમાંથી 4 શિક્ષકો અને ખાસ શિક્ષક કેટેગરીમાં 2 શિક્ષકોની આ એવોર્ડ માટે પસંદગી કરવામાં આવી છે. 

આ શિક્ષકોને મળશે એવોર્ડ

રાજ્ય સરકાર દર વર્ષે શ્રેષ્ઠ શિક્ષકોનું કરે છે સન્માન
રાજ્યભરમાં શિક્ષણ ક્ષેત્રે સર્વશ્રેષ્ઠ કામગીરી કરતા શિક્ષકોનું રાજ્ય સરકાર દ્વારા સન્માન કરવામાં આવે છે. દર વર્ષે જુદા-જુદા વિભાગ પ્રમાણે શ્રેષ્ઠ શિક્ષકોની પસંદગી કરવામાં આવે છે. આ વર્ષે પણ રાજ્ય સરકારે ઝોન પ્રમાણે કુલ 44 શ્રેષ્ઠ શિક્ષકોની પસંદગી કરી છે. આ બધા શિક્ષકોને પારિતોષિક એવોર્ડ એનાયત કરવામાં આવશે. 

જુઓ LIVE TV