CAA વિરોધ: યુનિવર્સિટી કેમ્પસમાં હિંસક પ્રદર્શનો પર બોલ્યા આર્મી ચીફ- 'આ લીડરશીપ નથી'

નવી દિલ્હી: દેશમાં નાગરિકતા સંશોધન કાયદો (citizenship amendment act 2019) અંગે વિરોધ પ્રદર્શનોને લઈને અત્યાર સુધી રાજકીય સ્તરે હોબાળો મચી રહ્યો હતો. હવે આર્મી ચીફ (Indian Army Chief)  જનરલ બિપિન રાવતે પણ પોતાનો મત રજુ કર્યો છે. તેમણે યુનિવર્સિટીઓમાં થઈ રહેલા પ્રદર્શનો પર સવાલ ઉઠાવ્યાં છે. દિલ્હી (Delhi) માં એક કાર્યક્રમમાં તેમણે મુશ્કિલ પરિસ્થિતિઓમાં ડટી રહેલા સેનાના જવાનોને ખુબ બિરદાવ્યાં. તેમણે કહ્યું કે લોકો દિલ્હીની ઠંડીમાં પોતાને બચાવવા માટે માથાપચ્ચી કરી રહ્યાં છે ત્યારે સિયાચિનમાં મારા જવાનો -10થી -45 ડિગ્રીવાળા વાતાવરણમાં સરહદની રક્ષા કરી રહ્યાં છે. તેમણે પ્રદર્શનો પર કહ્યું કે જે લોકોને ખોટી દિશા બતાવે છે તે નેતાઓ નથી. જેવા આપણે યુનિવર્સિટીઓમાં જોઈએ છીએ. વિદ્યાર્થીઓ શહેરો અને પરગણાઓમાં આગચંપી અને હિંસા ભડકાવનારી ભીડનું નેતૃત્વ કરી રહ્યાં છે. આ નેતૃત્વ નથી. 

એનઆરસી (NRC) અને સીએએ (CAA) ને લઈને ચાલી રહેલા વિરોધ અને દેશની અનેક યુનિવર્સિટીઓમાં થઈ રહેલા પ્રદર્શનો ઉપર આર્મી ચીફે આકરી પ્રતિક્રિયા આપી. તેમણે કોઈ પણ યુનિવર્સિટીનું નામ લીધા વગર કહ્યું કે નેતૃત્વ ક્ષમતા એ નથી જે લોકોને ખોટી દિશામાં લઈ જાય છે. આજે આપણે બધા મોટી સંખ્યામાં યુનિવર્સિટી અને કોલેજોમાં વિદ્યાર્થીઓના નેતૃત્વમાં અનેક શહેરોમાં ભીડ અને લોકોને  હિંસક પ્રદર્શન કરતા જોઈએ છીએ. આ નેતૃત્વ ક્ષમતા નથી. 

જુઓ LIVE TV

સિયાચીનની મુશ્કિલ પરિસ્થિતિઓમાં ડટી રહેલા ભારતીય સેનાના જવાનોના વખાણ કરતા કહ્યું કે આજકાલ આપણે બધા દિલ્હીની ઠંડીમાં પોતાને બચાવવામાં જદ્દોજહેમત કરીએ છીએ પરંતુ હું તમારા બધાનું ધ્યાન જવાનો તરફ ખેંચવા માંગુ છું. સિચાચીન અને બીજી ઊંચા શિખરો પર તહેનાત મારા જવાનો જ્યાં તાપમાન -10થી -45 ડિગ્રી સુધી છે ત્યાં ડટીને રહેલા છે. 

આર્મી ચીફે નેતૃત્વ પર બોલતા કહ્યું કે આ કોઈ સરળ કામ નથી પરંતુ મુશ્કિલ કામ છે. સેના પ્રમુખ બિપિન રાવતે કહ્યું કે લીડરશીપ એક મુશ્કિલ કામ છે. કારણ કે જ્યારે તમે આગળ વધો છો ત્યારે મોટી સંખ્યામાં લોકો તમને ફોલો કરે છે. જે જોવામાં સામાન્ય લાગે છે પરંતુ તે ખુબ જ મુશ્કિલ કામ છે. કારણ કે તમારી પાછળ એક મોટી ભીડ છે.