અમેરિકાના હ્યુસ્ટનમાં થશે પીએમ મોદીનો મેગા શો 'Howdy Modi', ટ્રમ્પ પણ થઈ શકે છે સામેલ

નવી દિલ્હી: વડાપ્રધાન નરેન્દ્ર મોદી (Narendra Modi) 21 સપ્ટેમ્બરના રોજ અમેરિકા (US)ના પ્રવાસે જશે. પીએમ મોદી ત્યાં હ્યુસ્ટન (Houston)માં એક મેગા શો 'Howdy Modi'ને સંબોધિત કરશે. આ કાર્યક્રમમાં અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump) પણ ભાગ લઈ શકે છે. પીએમ મોદીના 'Howdy Modi' કાર્યક્રમમાં ભારતીય સમુદાયના હજારો લોકો ભાગ લે તેવી શક્યતા છે. ખાસ વાત એ છે કે આ કાર્યક્રમમાં ભાગ લેવા માટે કોઈ  ટિકિટ નથી. તેના માટે ફક્ત ઓનલાઈન રજિસ્ટ્રેશન કરાવવાનું રહેશે. 

વાત જાણે એમ છે કે પશ્ચિમ અમેરિકામાં દોસ્તાના અંદાજમાં એકબીજાને 'Howdy' કહેવાનું ચલણ છે. 'Howdy' એ અંગ્રેજી શબ્દ હાઉ ડુ યુ ડુ (how do you do)નું સંક્ષિપ્ત સ્વરૂપ છે.

જુઓ LIVE TV

આ કાર્યક્રમમાં પીએમ મોદીના ભાષણ ઉપરાંત ભારતીય-અમેરિકન સંબંધોને દર્શાવતા સાંસ્કૃતિક કાર્યક્રમો પણ હશે જેનું સીધુ પ્રસારણ કરવામાં આવશે. 'Howdy Modi'નું આયોજન ટેક્સાસ ઈન્ડિયા ફોરમ દ્વારા કરવામાં આવી રહ્યું છે.