Video Viral: ભારત સામે મેચ હાર્યા બાદ મેદાનમાં પોક મુકીને રડવા લાગ્યો પાકિસ્તાની ખેલાડી!

IND vs PAK Video Viral: ભારત-પાકિસ્તાનની મેચ હંમેશા હાઈવોસ્ટેજ મુકાબલો ગણાય છે. એમાંય મેચ જ્યારે વર્લ્ડ કપની હોય ત્યારે તેનો રોમાંચ અલગ જ ચરમસીમા પર હોય છે. એટલાં માટે હાર-જીતનો પ્રભાવ પણ ખેલાડીઓ પર લાંબા સમય સુધી રહેતો હોય છે. ભારત સામેની મેચમાં હાર બાદ પાકિસ્તાનનો એક યુવા ખેલાડી પોંક મુકીને મેદાનમાં જ રડવા લાગ્યો. વીડિયો થયો વાયરલ. રવિવારે રમાયેલી T20 વર્લ્ડ કપ 2024ની રોમાંચક મેચમાં ભારતે પાકિસ્તાનને 6 રનથી હરાવ્યું. ટીમ ઈન્ડિયા સામે સ્કોરથી ખૂબ જ નજીક આવીને મેચ હાર્યા બાદ પાકિસ્તાની ક્રિકેટર નસીમ શાહ મેદાન પર જ રડવા લાગ્યો.

Rohit Sharma appreciating the efforts of Naseem Shah after the match. He asked him to not cry. What a moment ❤️❤️❤️#T20WorldCup #PAKvsIND #INDvsPAK #tapmad #HojaoADFree pic.twitter.com/YNnLEbra8h

— Farid Khan (@_FaridKhan) June 9, 2024

રવિવારે રમાયેલી T20 વર્લ્ડ કપ 2024ની કાંટાળી મેચમાં ભારતે પાકિસ્તાનને 6 રનથી હરાવ્યું. ટીમ ઈન્ડિયા સામે ખૂબ જ નજીકની મેચ હાર્યા બાદ પાકિસ્તાની ક્રિકેટર નસીમ શાહ મેદાન પર જ રડવા લાગ્યા હતા. પાકિસ્તાની ફાસ્ટ બોલર નસીમ શાહને રડતો જોઈને ભારતીય કેપ્ટન રોહિત શર્માએ પણ તેને સપોર્ટ કર્યો હતો. તમને જણાવી દઈએ કે પાકિસ્તાનને જીતવા માટે 120 રનનો સરળ ટાર્ગેટ હતો, પરંતુ ભારતીય ફાસ્ટ બોલરોએ તેમની આશા પર પાણી ફેરવી દીધું. 120 રનના ટાર્ગેટનો પીછો કરતા ટીમ ઈન્ડિયાના બોલરોએ પાકિસ્તાની ટીમને 113 રનના સ્કોર સુધી જ રોકી દીધી હતી.

ભારત સામે મેચ હાર્યા બાદ PAK ક્રિકેટર રડવા લાગ્યો હતો-
પાકિસ્તાનને જીતવા માટે છેલ્લા 6 બોલમાં 18 રનની જરૂર હતી, જે બનાવી શકાયો હોત. તે સમયે પાકિસ્તાન તરફથી ઈમાદ વસીમ અને નસીમ શાહ ક્રિઝ પર હાજર હતા. છેલ્લી ઓવરમાં અર્શદીપ સિંહે પહેલા જ બોલ પર ઈમાદ વસીમ (15)ને આઉટ કરીને પાકિસ્તાનની હાર પર મહોર મારી દીધી હતી. આ પછી નસીમ શાહ અને શાહીન શાહ આફ્રિદી પાસે પાકિસ્તાનને જીત તરફ લઈ જવાની તક હતી. નસીમ શાહે પણ છેલ્લી ઓવરના ચોથા અને પાંચમા બોલ પર સતત બે ચોગ્ગા ફટકાર્યા હતા, પરંતુ તેમ છતાં પાકિસ્તાન મેચ હારી ગયું હતું.

Naseem Shah Crying After Pakistan 🇵🇰 vs India 🇮🇳 Cricket Match 🏏
Stay strong @iNaseemShah#PakvsInd #t20USA pic.twitter.com/9dh3cScw9z

— Suhaib (@Suhaibjutt1016) June 9, 2024

રોહિત શર્માએ ટેકો આપ્યો હતો-
અર્શદીપ સિંહે છેલ્લી ઓવરમાં પોતાનો જાદુ બતાવ્યો અને છેલ્લી ઓવરમાં માત્ર 11 રન આપ્યા. ભારત સામેની મેચ 6 રનથી હાર્યા બાદ નસીમ શાહ અચાનક જ રડવા લાગ્યા હતા. શાહીન શાહ આફ્રિદીએ નસીમ શાહનું દર્દ ઓછું કરવાનો પ્રયાસ કર્યો હતો. ભારતીય કેપ્ટન રોહિત શર્માએ પણ નસીમ શાહના ખભા પર હાથ મૂકીને ચૂપ કરવાનો પ્રયાસ કર્યો હતો. નસીમ શાહનો આ વીડિયો સોશિયલ મીડિયા પર વાયરલ થઈ રહ્યો છે.

ભારતે પાકિસ્તાનને હરાવ્યું-
ઋષભ પંતની લડાયક ઇનિંગ્સ બાદ જસપ્રિત બુમરાહના નેતૃત્વમાં બોલરોના શાનદાર પ્રદર્શનને કારણે ભારતે ICC T20 વર્લ્ડ કપના ગ્રુપ A મેચમાં પાકિસ્તાનને 6 રનથી હરાવ્યું હતું. ભારતના માત્ર 120 રનના લક્ષ્યાંકનો પીછો કરવા ઉતરેલી પાકિસ્તાનની ટીમ જસપ્રીત બુમરાહ (14 રનમાં ત્રણ વિકેટ) અને હાર્દિક પંડ્યા (24 રનમાં બે વિકેટ)ની તીક્ષ્ણ બોલિંગ સામે સાત વિકેટે 113 રન જ બનાવી શકી હતી. અક્ષર પટેલ (11 રનમાં એક વિકેટ) અને અર્શદીપ સિંહ (31 રનમાં એક વિકેટ)એ એક-એક વિકેટ લીધી હતી. મોહમ્મદ સિરાજે આર્થિક રીતે બોલિંગ કરી અને ચાર ઓવરમાં માત્ર 19 રન આપ્યા, પરંતુ તેને કોઈ સફળતા મળી નહીં.

બોલરોએ ભારતને જીત અપાવી હતી-
પાકિસ્તાન તરફથી મોહમ્મદ રિઝવાન (31) સૌથી વધુ સ્કોરર રહ્યો હતો. જોકે તેના સિવાય કોઈ બેટ્સમેન 15 રનનો આંકડો પણ પાર કરી શક્યો નહોતો. લક્ષ્યનો પીછો કરતી વખતે પાકિસ્તાનની ટીમ 14 ઓવરમાં ત્રણ વિકેટે 80 રન બનાવીને એક સમયે સારી સ્થિતિમાં હતી, પરંતુ આ પછી બોલરોએ જોરદાર વાપસી કરીને ભારતને જીત અપાવી હતી. આ પહેલા નસીમ શાહ (21 રનમાં ત્રણ વિકેટ) અને હરિસ રઉફ (21 રનમાં ત્રણ વિકેટ)ની તીક્ષ્ણ બોલિંગ સામે ભારત 19 ઓવરમાં 119 રનમાં સમેટાઈ ગયું હતું.

શાહીન આફ્રિદીએ એક વિકેટ લીધી હતી-
મોહમ્મદ આમિરે 23 રનમાં બે વિકેટ જ્યારે શાહીન શાહ આફ્રિદી (29 રનમાં એક વિકેટ) એક વિકેટ લીધી હતી. ભારત માટે પંતે 31 બોલમાં છ ચોગ્ગાની મદદથી સૌથી વધુ 42 રન બનાવ્યા હતા. તેમના સિવાય માત્ર અક્ષર પટેલ (20) અને કેપ્ટન રોહિત શર્મા (13) જ ડબલ ડિજિટ સુધી પહોંચી શક્યા હતા. ભારતે માત્ર 30 રન ઉમેરીને છેલ્લી સાત વિકેટ ગુમાવી દીધી હતી.