US Election: મૂળ કચ્છના નીરજ અંતાણીએ રચ્યો ઈતિહાસ, ઓહિયો રાજ્યના સેનેટર તરીકે ચૂંટાયા

ઓહિયોઃ અમેરિકામાં રાષ્ટ્રપતિની ચૂંટણીમાં મતગણતરી ચાલી રહી છે. ડોનાલ્ડ ટ્રમ્પ અને જો બાઇડેન વચ્ચે ટક્કર જોવા મળી રહી છે. તો અનેક રાજ્યોમાં ચૂંટણીના પરિણામ સામે આવી રહ્યાં છે. તો ઓહિયો રાજ્યમાંથી એક ગુજરાતી પણ સેનેટ માટે ચૂંટાયા છે. અમેરિકામાં જન્મેલા અને મૂળ કચ્છના નીરજ અંતાણી (Neeraj Antani) રિપબ્લિકનના ઓહિયો રાજ્ય સેનેટ માટે ચૂંટાયેલા પ્રથમ ભારતીય-અમેરિકન બન્યા છે. નીરજ હાલ રાજ્યના પ્રતિનિધિ છે અને તેમણે ચૂંટણીમાં ડેમોક્રેટિક પાર્ટીના માર્ક ફોગેલને હરાવ્યા હતા. 

અંતાણી, હાલમાં રાજ્યના પ્રતિનિધિ છે, તેમણે મંગળવારે ડેમોક્રેટિક પાર્ટીના માર્ક ફોગેલને હરાવ્યો હતો અને ઓહિયો સેનેટના છઠ્ઠા જિલ્લા માટે રાજ્ય સેનેટર તરીકે ચૂંટાયા હતા, જેમાં મોન્ટગોમરી કાઉન્ટીના મોટાભાગના વિસ્તારનો સમાવેશ થાય છે.

I am truly grateful to have won the election for State Senator! I am so thankful for all of my voters, contributors, team, and supporters. As your State Senator, I will work hard everyday so all Ohioans can have the opportunity to achieve their American Dream! pic.twitter.com/ESSu2R1flp

— Niraj Antani (@NirajAntani) November 4, 2020

કોણ છે નીરજ અંતાણી
નીરજ અંતાણી પોલિટિકલ સાયન્સમાં ગ્રેજ્યુએટ છે. તેમના માતા-પિતા 1987મા ભારતમાંથી વોશિંગટન શિફ્ટ થયા હતા અને ત્યારબાદ મિયામી જતા રહ્યા હતા. નીરજનો જન્મ અમેરિકામાં થયો હતો. નીરજ 23 વર્ષની ઉંમરમાં 2014મા પ્રતિનિધિઓના ઓહિયો ગૃહમાં ચૂંટાયો ગતો. તો 2015મા ફોર્બ્સ મેગેઝિને કાયદા અને નીતિ માટે 30 વર્ષથી ઓછી ઉંમરના ટોપ-30 લોકોમાં નીરજનો સમાવેશ કર્યો હતો. 

સેનેટમાં જીત બાદ નીરજે ટ્વીટ કરીને બધા લોકોનો આભાર માન્યો હતો. તેમણે ટ્વીટ કરીને કહ્યું- હું રાજ્ય સેનેટર માટેની ચૂંટણી જીતીને ખરેખર આભારી છું! હું મારા બધા મતદારો, સમર્થન આપનારાઓ, ટીમ અને ટેકેદારોનો  ખૂબ આભારી છું. તમારા રાજ્યના સેનેટર તરીકે, હું દરરોજ સખત મહેનત કરીશ જેથી બધા ઓહિયોઅન્સને તેમનું અમેરિકન ડ્રીમ પ્રાપ્ત કરવાની તક મળી શકે!