RBI: ரூ.2000 நோட்டுகளை வீட்டில் மறைத்து வைத்து மறந்துவிட்டீர்களா? என்ன செய்யலாம்?

Rs 2,000 note exchange: 2000 ரூபாய் நோட்டுகள் இருக்கிறதா? வீட்டில் மறைத்து வைத்து மறந்துவிட்டீர்களா? மாற்ற எளிதான வழி சொன்னது ரிசர்வ் வங்கி

RBI On Rs 2,000: ரூ.2,000 நோட்டுகளின் தற்போதைய நிலை குறித்து இந்திய ரிசர்வ் வங்கி அறிக்கை ஒன்றை வெளியிட்டுள்ளது. உங்களிடம் இன்னும் 2000 ரூபாய் நோட்டுகள் இருக்கிறதா? மாற்ற சுலபமான வழியை ரிசர்வ் வங்கி அறிவித்துள்ளது. தற்போது புழக்கத்தில் இருந்து நீக்கப்பட்ட ரூ.2000 நோட்டை தபால் நிலையங்கள் மூலம் மாற்றிக் கொள்ளலாம் என ரிசர்வ் வங்கி தெரிவித்துள்ளது.

ரிசர்வ் வங்கியின் (ஆர்பிஐ) 19 அலுவலகங்களில் அமைந்திருக்கும் எந்தவொரு தபால் நிலையத்திலிருந்தும் 2,000 ரூபாய் நோட்டுகளை அனுப்பி, தங்களின் வங்கிக் கணக்கில் பணத்தைப் பெற்றுக் கொள்ளலாம் என்று மத்திய ரிசர்வ் வங்கி தனது இணையதளத்தில் 'அடிக்கடி கேட்கப்படும் கேள்விகள்' (FAQs) தொகுப்பில் தெரிவித்துள்ளது.

ஆர்பிஐ இணையதளத்தில் படிவம் கிடைக்கிறது
2000 ரூபாய் நோட்டுக்களை மாற்ற, ஆன்லைனில் கிடைக்கும் விண்ணப்பப் படிவத்தை பூர்த்தி செய்து, இந்திய தபால் நிலையத்தின் எந்த கிளையில் இருந்தும் ரிசர்வ் வங்கி அலுவலகத்திற்கு அனுப்பலாம். படிவம் ரிசர்வ் வங்கியின் இணையதளத்தில் உள்ளது. 2,000 ரூபாய் நோட்டுகளை மாற்ற ரிசர்வ் வங்கியின் பிராந்திய அலுவலகங்களில் மக்கள் இன்னும் வரிசையில் நிற்பதை அடுத்து, மத்திய ரிசர்வ் வங்கி இந்த அறிவிப்பை வெளியிட்டுள்ளது.

RBI FAQ 

ஒரு நபர் ஒரே நேரத்தில் 20,000 ரூபாய் வரையிலான ரூபாய் நோட்டுகளை மாற்றலாம் அல்லது டெபாசிட் செய்யலாம், தபால் நிலைய வசதிகளுடன் கூடிய 19 RBI அலுவலகங்களில். 2,000 நோட்டுகளை வாபஸ் பெறுவதாக கடந்த ஆண்டு மே மாதம் ரிசர்வ் வங்கி அறிவித்தது. 

கடந்த 2016ல் புழக்கத்தில் இருந்த ரூ.500 மற்றும் ரூ.1,0000 நோட்டுகளை செல்லாது என்று அறிவித்தது. அரசாங்கத்தின் இந்த முடிவை தொடர்ந்து, ரிசர்வ் வங்கி ரூ.2,000 மதிப்புள்ள புதிய நோட்டுகளை அறிமுகப்படுத்தியது. இதையடுத்து கடந்த ஆண்டு மே 19ம் தேதி அவற்றை தடை செய்தது. 2018-19ல் ரூ.2,000 நோட்டுகள் அச்சிடுவது நிறுத்தப்பட்டது. 

2000 ரூபாய் நோட்டுகளை திரும்பப் பெறுவதற்கான முடிவு எடுக்கப்பட்டதாக ரிசர்வ் வங்கி அறிவித்ததன் பின்னணியில் பல காரணங்கள் உள்ளன. இந்த நோட்டுகளில் பெரும்பாலானவை அவற்றின் எதிர்பார்க்கப்பட்ட ஆயுட்காலம் முடிந்துவிட்டதால், மக்கள் அவற்றை பரிவர்த்தனைகளில் அதிகம் பயன்படுத்துவதில்லை.

மே 2023க்குள் புழக்கத்தில் இருந்த ரூ.2,000 நோட்டுகளில் 97.38 சதவீதத்திற்கும் அதிகமானவை திரும்பப் பெறப்பட்டுள்ளன. இப்போது வங்கிக் கிளைகளில் இந்த நோட்டுகளை மாற்றவோ அல்லது டெபாசிட் செய்யவோ அனுமதி இல்லை, ஆனால் அதற்கான மாற்று வழிகளை ரிசர்வ் வங்கி வழங்கியுள்ளது.

முன்னதாக, இந்த நோட்டுகளை வைத்திருக்கும் பொதுமக்களும் நிறுவனங்களும், செப்டம்பர் 30, 2023க்குள் அவற்றை மாற்றவோ அல்லது வங்கிக் கணக்குகளில் டெபாசிட் செய்யவோ முதலில் கூறப்பட்டது. 2,000 ரூபாய் நோட்டுகளை டெபாசிட் செய்ய கூடுதல் கால அவகாசம் தேவை என்பதால், ரிசர்வ் வங்கி இந்த காலக்கெடுவை அக்டோபர் 7, 2023 வரை நீட்டித்தது.

இந்த தேதிக்குப் பிறகு, வங்கிக் கிளைகளில் டெபாசிட் மற்றும் பரிமாற்றச் சேவைகள் நிறுத்தப்பட்டன. 2,000 ரூபாய் நோட்டுகள் திரும்பப் பெறப்பட்ட போதிலும், அவை தொடர்ந்து செல்லத்தக்கவையாக அங்கீகரிக்கப்பட்டுள்ளன. பொதுமக்களுக்கான கூடுதல் வசதிக்காக, இந்திய அஞ்சல் சேவைகளையும் மக்கள் பயன்படுத்த RBI அனுமதித்துள்ளது.

அக்டோபர் 8, 2023 முதல், ரூ.2,000 நோட்டுகளை அனைத்து தபால் நிலையத்திலிருந்தும் ரிசர்வ் வங்கி வெளியீட்டு அலுவலகத்திற்கு வங்கிக் கணக்கில் வரவு வைக்க அனுப்பலாம். மேலும், தனிநபர்கள் 2000 ரூபாய் நோட்டுகளை டெபாசிட் செய்து, தங்கல் கணக்கில் வரவு வைத்துக் கொள்ளலாம்.  

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!