சேமிப்பு கணக்கு இருக்கா? இந்த தொகைக்கு மேல் போட்டாலோ, எடுத்தாலோ வருமான வரி நோட்டீஸ் வரும்

Income Tax: ஒரு நபர், ஒரு நிதியாண்டில், மொத்தமாக ரூ. 10 லட்சம் டெபாசிட் செய்தாலோ அல்லது கணக்கிலிருந்து எடுத்தாலோ, அத்தகைய விவரங்கள் வங்கி மூலம் வருமான வரித்துறைக்கு வழங்கப்படும்.

Income Tax: இன்றைய டிஜிட்டல் உலகில், வருமான வரித்துறையானது தொழில்நுட்பத்தின் முன்னேற்றங்களைத் தழுவி, தனது செயல்பாடுகளை மிகவும் திறமையாகவும் பயனுள்ளதாகவும் ஆக்கியுள்ளது. வருமான வரித்துறையின் ஐடி செல், அதிநவீன மென்பொருள் மற்றும் உயர்தர வன்பொருள் உதவியுடன், வரி செலுத்துவோர் வைத்திருக்கும் அனைத்து வங்கிக் கணக்குகளையும் உன்னிப்பாகக் கண்காணிக்கின்றது. இது நிதி பரிவர்த்தனைகளில் விழிப்புடன் இருக்கவும் சாத்தியமான முரண்பாடுகளைக் கண்டறியவும் உதவுகிறது.

ஒரு நபர், ஒரு நிதியாண்டில், மொத்தமாக ரூ. 10 லட்சம் டெபாசிட் செய்தாலோ அல்லது கணக்கிலிருந்து எடுத்தாலோ, அத்தகைய விவரங்கள் வங்கி மூலம் வருமான வரித்துறைக்கு வழங்கப்படும். இதன் பிறகு இரண்டு விஷயங்கள் நடக்கும், அவை பின்வருமாறு:

1. நீங்கள் தாக்கல் செய்த வருமான வரி தாக்கல் உங்கள் பரிவர்த்தனைகளுடன் பொருந்த வேண்டும்: 

வருமான வரி திணைக்களத்தில் (Income Tax Department) நீங்கள் தாக்கல் செய்த வருமான வரி கணக்கு உங்கள் சேமிப்பு வங்கிக் கணக்கில் உள்ள பண டெபாசிட்டுகளின் பரிவர்த்தனைகளுடன் ஒத்துப்போய், படிவம்-26AS இல் தோன்றும் வருமானத்துடன் ஒத்திசைந்து இருந்தால், உங்களுக்கு எந்த பிரச்சனையும் இருக்காது. மேலும் இதி எந்த வித நடவடிக்கையும் தேவைப்படாது. ஆனால் இந்தக் காலங்களிலும், பெரும்பாலான சந்தர்ப்பங்களில், யாரும் பெரும்பாலும் ரொக்கமாக பணத்தை வழங்குவதில்லை. இது மிகவும் அரிதாகத்தான் நடக்கிறது. 

2.  நீங்கள் தாக்கல் செய்த வருமான வரி அறிக்கை பரிவர்த்தனைகளுடன் பொருந்தவில்லை என்றால்?: 

இந்த வழக்கில், வருமான ஆதாரத்துடன் வருமான விவரங்களைக் கேட்டுத் துறை ஒரு நோட்டீசை (Income Tax Notice) வெளியிடும். நீங்கள் விளக்கிய வருமான ஆதாரம் சரியான ஆவணங்களுடன் உண்மையானதாக இருந்தால், நோட்டீஸ் தள்ளுபடி செய்யப்படலாம். ஆனால் நீங்கள் அளித்த விளக்கங்கள் வருமான வரித் துறைக்கு ஏற்கும் படி இல்லாவிட்டால், வருமான வரித்துறையில் உங்கள் வழக்கைக் கவனிக்கும் வருமான வரித்துறை அதிகாரி சட்டப்பூர்வ நடவடிக்கைகளைத் தொடங்குவார். அந்த பண வைப்புகள் உங்கள் கணக்கில் விவரிக்கப்படாத ரொக்கக் கிரெடிடாகக் கருதப்பட்டு, அந்த பண வைப்பு அல்லது விவரிக்கப்படாத பணக் கடன் வருமானத்தில் 60 சதவீத வரியை நீங்கள் செலுத்த வேண்டி இருக்கும். முந்தைய ஆண்டு வழக்கில், துறையானது 60 சதவீத வரியுடன் நிற்காமல், பரிந்துரைக்கப்பட்ட அபராதத்துடன் 60 சதவீத வரிக்கான வட்டியையும் வசூலிக்கும் (வழக்கின் அடிப்படையில் இது வேறுபடும்).

இதுபோன்ற சூழ்நிலைகளைத் தவிர்ப்பது எப்படி?

1. ஒரே பரிவர்த்தனையில் ரூ.50,000/-க்கு மேல் பணம் டெபாசிட் செய்வதைத் தவிர்க்கவும்: 

உங்களிடம் ரூ. 1 லட்சம் ரொக்கம் இருக்கிறது என்று வைத்துக்கொள்வோம். அந்த பணத்தை உங்கள் சேமிப்பு வங்கிக் கணக்கில் (Savings Account) டெபாசிட் செய்ய விரும்பினால், ஒரே பரிவர்த்தனையில் அதை டெபாசிட் செய்வதற்கு பதிலாக, சிறிது சிறிதாக பிரித்து, ஒன்றுக்கு மேற்பட்ட பரிவர்த்தனைகள் மூலம் டெபாசிட் செய்தால், ஒரே டெபாசிட் தொகை ரூ. 50,000 -க்கும் குறைவாக இருக்கும். 

2. உங்கள் சேமிப்பு வங்கிக் கணக்கைப் பயன்படுத்த உங்கள் உறவினர் அல்லது நண்பர் யாரையும் அனுமதிக்காதீர்கள்: 

சில நேரங்களில், நாம் நமது சேமிப்பு வங்கிக் கணக்கில் பணத்தை டெபாசிட் செய்யாமல், நமது உறவினர்கள் அல்லது நெருங்கிய நண்பர்கள் தங்கள் பணத்தை நம் கணக்கில் டெபாசிட் செய்வார்கள். நோட்டீஸ் வராமல் இருக்க, உங்கள் சேமிப்பு வங்கிக் கணக்கில் வேறு யாருடைய பணத்தையும் டெபாசிட் செய்ய விடாதீர்கள். வருமான வரித் துறை நோட்டீஸ் வந்தால், யார் கணக்கில் பணம் இருக்கிறதோ அவர்தான் வரியை செலுத்த வேண்டும். 

3. வருமான வரி ரிட்டர்ன் பண வைப்புத்தொகைகளுடன் ஒத்துப்போக வேண்டும்: 

நீங்கள் செய்த பண வைப்பு அதாவது டெபாசிட்கள் உங்கள் வருமானத்தின் ஒரு பகுதியாக இருந்தால், அதை உங்களின் வருமான வரிக் கணக்கில் சேர்க்க மறக்காதீர்கள். மறுபுறம், அந்த வைப்புத்தொகை விலக்கு வருமானத்தின் ஒரு பகுதியாக இருந்தால், விலக்கு வருமானத்தின் தலைப்பில் அதையும் சேர்க்கவும். ஆனால் அந்த டெபாசிட்களை விட்டுவிடாதீர்கள். இந்தச் சிக்கலைத் தவிர்க்க, வங்கி அறிக்கையை கவனமாகப் படிக்கவும் அல்லது ஒரு தொழில்முறை சார்டட் அகவுண்டண்ட் (பட்டயக் கணக்காளர்) உதவியைப் பெறவும்.

4. இ-பேங்கிங் மூலம் அதிக பரிவர்த்தனை செய்யுங்கள்: 

நியமிக்கப்பட்ட வங்கியால் வழங்கப்படும் இணைய வங்கி என அழைக்கப்படும் இ-பேங்கிங் மட்டுமல்ல, பேடிஎம், கூகுள் பே, ஃபோன்பே போன்ற பிற பேமெண்ட் வங்கிகளும் ஈ-பேங்கிங் வடிவத்தில் சேர்க்கப்பட்டுள்ளன. இந்த பேமெண்ட் வங்கிகளில் அதிகப் பரிவர்த்தனை செய்து, நேரடியாக வங்கிக் கணக்கில் பணம் டெபாசிட் செய்வதைத் தவிர்க்கவும்.

5. படிவம்-26AS உடன் சரிபார்க்கவும்: 

எப்போதும் படிவம்-26AS ஐ (FORM-26AS) முதலில் கருத்தில் கொள்ளுங்கள். மேலும் உங்கள் வருமான வரி அறிக்கையில் படிவம்-26AS இல் குறிப்பிடப்பட்டுள்ள TDS விவரங்களுடன் அனைத்து வருமான விவரங்களையும் சேர்க்க மறக்காதீர்கள். நீங்கள் தாக்கல் செய்த வருமான வரிக் (Income Tax) கணக்கின் மொத்த வருமான தலைப்பில் (ஹெட்) படிவம்-26AS இல் உள்ள மொத்தத் தொகைகளும் உள்ளதா என்பதை உறுதிப்படுத்திக் கொள்ளுங்கள்.

6. விற்கப்பட்ட சொத்தின் ஆவணங்களை வைத்திருங்கள்: 

நிதியாண்டில் ஏதேனும் சொத்து விற்கப்பட்டிருந்தால், விற்பனைப் பத்திரம், மதிப்பீடு போன்ற அனைத்து ஆவணங்களையும் உங்களுடன் பாதுகாப்பாக வைத்திருக்கவும். இதன் மூலம் பண வரவுக்கான காரணத்தை வருமான வரித்துறை கெட்கும் போது, நீங்கள் அனைத்து ஆவணங்களையும் சமர்ப்பிக்க முடியும்.

7. ரொக்கப் பரிமாற்றத்திற்கான கணக்கு புத்தகம்: 

அனைத்து பணப் பரிவர்த்தனைகளையும் பதிவு செய்ய ஒரு கணக்குப் புத்தகத்தை பராமரிக்க முயற்சிக்கவும். மேலும் வருமான வரிக் கணக்கைத் தாக்கல் (Income Tax Return) செய்யும் போது அதைக் கருத்தில் கொள்ளவும்.

மேலே உள்ள விவரங்கள் சேமிப்பு வங்கிக் கணக்குகளில் செய்யப்படும் ரொக்க வைப்புத்தொகைக்கு மட்டுமே வழங்கப்பட்டுள்ளன. ஆனால் நடப்புக் கணக்கின் விஷயத்திலும் இவை கவனிக்கப்பட வேண்டும். நடப்புக் கணக்கில் (Current Account) ஒரு நிதியாண்டில் ரொக்க வைப்பு வரம்பு ரூ. 50 லட்சம் ஆகும். ஆனால், சேமிப்புக் கணக்கில் இந்த வரம்பு ரூ.10 லட்சமாக உள்ளது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!