பிரதமர் நரேந்திர மோடி தனது கனவு திட்டமான, நாட்டின் புதிய நாடாளுமன்ற கட்டிடத்தை மே 28-ம் தேதி திறந்து வைக்கிறார் என்று மத்திய அரசு அறிவித்துள்ளது. தில்லியில் உள்ள பழைய நாடாளுமன்ற வளாகத்தில் சென்ட்ரல் விஸ்டா திட்டத்தின் கீழ் கட்டப்பட்டுள்ள புதிய கட்டிடம் மிகவும் மேம்பட்ட முறையில் கட்டப்பட்டுள்ளது. இந்நிலையில், புதிய பாராளுமன்ற கட்டிட திறப்பு விழாவில், இந்த ஞாயிற்றுக்கிழமை, பிரதமர் நரேந்திர மோடி ஆதினங்கள் ஒப்படைத்த வரலாற்று சிறப்புமிக்க தங்க செங்கோலை, சபாநாயகர் இருக்கைக்கு அருகில் நிறுவுவார் என்று மத்திய உள்துறை அமைச்சர் அமித் ஷா இன்று தெரிவித்தார். பிரிட்டிஷாரிடமிருந்து இந்தியர்களுக்கு அதிகாரம் மாற்றப்பட்டதைக் குறிக்கும் வகையில் இந்த செங்கோல் நாட்டின் முதல் பிரதமர் ஜவஹர்லால் நேருவிடம் செங்கோல் ஒப்படைக்கப்பட்டது என்று உள்துறை அமைச்சர் அமித் ஷா கூறினார்.
வரலாறு
இந்திய விடுதலையின் அடையாளமாக, திருவாடுதுறை ஆதினம் ஸ்ரீ அம்பலவான தேசிக சுவாமிகளால் அப்போதைய பிரதமர் நேருவுக்கு செங்கோல் வழங்கப்பட்ட நிலையில், சோழர் கால பாரம்பரியத்தை போற்றூம் வகையில் புதிய நாடாளுமன்றத்தில் வரலாற்று சிறப்பு மிக்க இந்த செங்கோல் இடம் பெற உள்ளது. பிரிட்டன் ஆட்சியின் இந்தியாவின் கடைசி வைஸ்ராய் பிரபு மவுண்ட்பேட்டனிமிருந்து நேருவுக்கு அதிகாரம் மாற்றும் போது, இந்தியா விடுதலை அடைந்ததை குறிக்கும் வகையில், செங்கோல் நேருவிடம் ஒப்படைக்கப்பட்டது. மவுண்ட்பேட்டன் விரைவில் பிரதமராகப் பதவியேற்கவிருக்கும் பிரதமரிடம், ஒப்படைக்கப்பட்டது. இந்தியா சுதந்திரம் அடையும் போது அதிகாரப் பரிமாற்றத்தைக் குறிக்கும் வகையில் செங்கோல் வழங்கப்பட்டது.
மேலும் படிக்க | ஜனநாயகத்தின் ஆலயம்! இந்திய நாடாளுமன்ற புதிய கட்டடத்திற்கு சுற்றுலா செல்வோமா?
பிரதமர் நேரு, நாட்டின் கடைசி கவர்னர் ஜெனரலாக இருந்த சி ராஜகோபாலாச்சாரியிடம் ஆலோசனை செய்த போது, ராஜாஜி என்று பொதுவாக பிரதமர் நேருவிடம், ஆட்சிக்கு வந்ததும் ஒரு புதிய அரசரிடம் ஆன்மீக தலைவர், அரசரிடம் செங்கோலை ஒப்படைக்கும் தமிழ் பாரம்பரியத்தைப் பற்றி கூறினார். சோழர்களின் ஆட்சியின் போது இந்த பாரம்பரியம் பின்பற்றப்பட்டது என்றும், இந்தியா சுதந்திரம் பெற்றதைக் குறிக்கும் வகையில், செங்கோலை ஒப்படைப்பதன் மூலம் சுதந்திரத்தை அறிவிப்பது முறையாக இருக்கும் என்றும் ராஜாஜி கூறினார். செங்கோலை ஒப்படைக்கும் வரலாற்று சிறப்பு தருணத்தை ராஜாஜி ஏற்பாடு செய்தார் என்பது குறிப்பிடத்தக்கது.
செங்கோல்
இந்தியாவின் சுதந்திரத்தை குறிக்கும் செங்கோலை ஏற்பாடு செய்யும் கடினமான பணியை எதிர்கொண்ட ராஜாஜி, இன்றைய தமிழ்நாட்டின் முக்கிய மடமான திருவாவடுதுறை ஆதீனத்தை தொடர்பு கொண்டார். செங்கோல் அன்றைய சென்னையிலிருந்த நகைக்கடைக்காரரான வும்மிடி பங்காரு செட்டி என்பவரால் செய்யப்பட்டது. இது ஐந்தடி நீளம் கொண்ட செங்கோல், நீதியைக் குறிக்கும் 'நந்தி' காளையைக் கொண்டுள்ளது. மடத்தின் ஆன்மீக தலைவர் முதலில் செங்கோலை மவுண்ட்பேட்டனிடம் ஒப்படைத்தார், பின்னர் அதை திரும்பப் பெற்றார். அதன் பின்னர் கங்கா ஜலம் தெளிக்கப்பட்டு, ஊர்வலமாக எடுத்துச் செல்லப்பட்டு, இந்தியா சுதந்திரம் அடைந்தபோது, நள்ளிரவுக்கு 15 நிமிடங்களுக்கு முன்னதாக பிரதமர் நேருவிடம் ஒப்படைக்கப்பட்டது. பிரதமர் நேரு செங்கோலைப் பெற்ற போது சிறப்புப் பாடல் இசைக்கப்பட்டது.
புதிய நாடாளுமன்றக் கட்டிடத் திறப்பு விழாவை புறக்கணிப்பதாக, திமுக, TMC, CPI மற்றும் AAP ஆகியவை அறிவித்தன. முன்னதாக, சரத் பவார் தலைமையிலான தேசியவாத காங்கிரஸ் கட்சி (NCP) கலந்து கொள்ளாது என்று அக்கட்சியின் செய்தித் தொடர்பாளர் புதன்கிழமை தெரிவித்தார். மற்ற எதிர்க்கட்சிகளுடன் ஒத்திசைந்து இந்த முடிவு எடுக்கப்பட்டுள்ளது என்று செய்தித் தொடர்பாளர் பிடிஐயிடம் தெரிவித்தார். முன்னதாக, புதிய கட்டிடத்தை ஜனாதிபதி திரௌபதி முர்மு திறந்து வைக்க வேண்டும் என்ற எதிர்க்கட்சிகளின் கோரிக்கைகளுக்கு மத்தியில், ஒத்த எண்ணம் கொண்ட எதிர்க்கட்சிகளின் தலைவர்கள் இந்த விவகாரம் குறித்து ஆலோசித்துள்ளனர், மேலும் இந்த நிகழ்வை ஒன்றிணைந்த புறக்கணிப்பு குறித்து மாநாட்டு தலைவர்களின் கூட்டறிக்கை விரைவில் வெளியிடப்படலாம் என்று தகவல்கள் தெரிவிக்கின்றன.
மேலும் படிக்க | பிரதமர் மோடி புதிய நாடாளுமன்ற கட்டிடத்தை மே 28 அன்று திறந்து வைப்பார்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
