7th Pay Commission DA Hike: மத்திய பிரதேச முதலமைச்சர் சிவராஜ் சிங் சவுகானின் இந்த முடிவால், லட்சக்கணக்கான மத்தியப் பிரதேச அரசு ஊழியர்களின் அகவிலைப்படி 42 சதவீதமாக உயரும் என தெரிவிக்கப்பட்டுள்ளது. இதன் காரணமாக தொழிலாளர்களின் சம்பளம் 1600 ரூபாயில் இருந்து 6000 ரூபாயாக உயரும்.
மத்தியப் பிரதேச முதல்வர் சிவராஜ் சிங் சவுகான், மாநிலத்தின் அனைத்து அரசு ஊழியர்கள் மற்றும் ஓய்வூதியதாரர்களுக்கு ஒரு சிறந்த செய்தியை வழங்கியுள்ளார். அகவிலைப்படியை 4 சதவீதம் உயர்த்தி அறிவித்துள்ளார். இந்த முடிவால் லட்சக்கணக்கான ஊழியர்கள் நிம்மதி அடைந்துள்ளனர். நிகழ்ச்சி ஒன்றில் முதல்வர் சிவராஜ் பேசுகையில், "தற்போது மத்திய, மாநில அரசு ஊழியர்களிடையே 4% அகவிலைப்படி வித்தியாசம் உள்ளது. தற்போது இந்த வித்தியாசத்தை முடிவுக்கு கொண்டு வந்து மாநில ஊழியர்களின் அகவிலைப்படியை 4% உயர்த்த முடிவு செய்துள்ளோம்" என்றார். செஹோர் மாவட்டத்தில் உள்ள பைருண்டாவில் முதல்வர் கன்யா விவா யோஜனாவின் கீழ் ஏற்பாடு செய்யப்பட்ட வெகுஜன திருமண மாநாட்டில் முதல்வர் சிவராஜ் சிங் சவுகான், டிஏவில் 4 சதவீதம் அதிகரிப்பு குறித்த பெரிய அறிவிப்பை வெளியிட்டார். இதன்போது, மணமக்கள் எதிர்கால வாழ்வு மகிழ்ச்சியாக அமைய வாழ்த்துக்களை தெரிவித்தார்.
டிஏ 42%
முதல்வர் சிவராஜ் சிங் சவுகானின் இந்த முடிவால், லட்சக்கணக்கான மத்தியப் பிரதேச அரசு ஊழியர்களின் அகவிலைப்படி 42 சதவீதமாக உயரும். இதன் காரணமாக தொழிலாளர்களின் சம்பளம் 1600 ரூபாயில் இருந்து 6000 ரூபாயாக உயரும்.
ஆறு மாதங்களுக்கு இருமுறை
மத்திய அரசை போன்று, மத்திய பிரதேச அரசும் அரசு ஊழியர்களின் அகவிலைப்படியை இரண்டு மடங்கு உயர்த்தியது குறிப்பிடத்தக்கது. ஜனவரி மற்றும் ஜூலை மாதங்களில் ஊழியர்களின் DA அதிகரிக்கிறது. ஏழாவது ஊதியக் குழுவின் விதியின் கீழ், மத்திய அரசு ஊழியர்களின் அகவிலைப்படி ஆறு மாதங்களுக்கு ஒரு முறை உயர்த்தப்படுகிறது.
தற்போது மத்திய அரசு ஊழியர்களுக்கு 42 சதவீதம் அகவிலைப்படி வழங்கப்பட்டு வருகிறது. வரும் ஜூலை 1 முதல் பொருந்தக்கூடிய அகவிலைப்படியில், இது 46 சதவீதமாக அதிகரிக்கலாம் என வட்டாரங்கள் தெரிவிக்கின்றன. இதற்குப் பிறகு, 2024ஆம் ஆண்டு ஜனவரி 1ஆம் தேதி அரசாங்கத்தால் மீண்டும் அகவிலைப்படி உயர்த்தப்படும். அப்போதும், அகவிலைப்படி உயர்வு 4 சதவிகிதம் இருக்கும் என எதிர்பார்க்கப்படுகின்றது. அப்படி நடந்தால், ஊழியர்களின் மொத்த அகவிலைப்படி 50 சதவீதமாக அதிகரிக்கும்.
ஏழாவது ஊதியக் குழுவின் கீழ், ஊழியர்களின் டிஏ 50 சதவீதத்தை எட்டும்போது, அது பூஜ்ஜியமாக மாற்றப்படும் என்று ஒரு விதி உருவாக்கப்பட்டுள்ளது. மேலும், அகவிலைப்படி பூஜ்ஜியமாக்கப்பட்ட உடன், அகவீலைப்படியின் 50 சதவீதத்துக்கான தொகை அடிப்படை ஊதியத்தில் சேர்க்கப்படும். உதாரணமாக, ஒருவருக்கு ரூ.18 ஆயிரம் அடிப்படைச் சம்பளமாக இருந்தால், அகவிலைப்படி உயர்வு கிடைத்தவுடன் அது ரூ.27 ஆயிரமாக உயரும்.
இதன் மூலம், அடிப்படை சம்பளத்தில் ஒவ்வொரு மாதமும் ரூ.9000 அதிகமாக கிடைக்கும். இதற்கு முன்பு 2016 ஆம் ஆண்டும் இதுபோன்ற சம்பவம் நடந்தது. அப்போது, 7வது ஊதியக் குழுவை அமல்படுத்தும் போது, ஊழியர்களின் அடிப்படை சம்பளத்தில் அகவிலைப்படி சேர்க்கப்பட்டது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
