Indian 2 siddharth Salary : பலரது எதிர்பார்ப்புகளுக்கு மத்தியில் வெளியான இந்தியன் 2 திரைப்படத்தில் நடிப்பதற்கு நடிகர் சித்தார்த் வாங்கியிருக்கிறார் சம்பளம் எவ்வளவு என்கிற தகவல் வெளியாகியுள்ளது.
இந்தியன் 2 திரைப்படம்:
இந்தியன் 2 திரைப்படம் ஒரு வழியாக பல்வேறு இன்னல்களை தாண்டி நேற்று வெளியாகி இருந்தது. ஷங்கர் இயக்கத்தில் 1996 ஆம் ஆண்டு வெளியான இந்தியன் திரைப்படத்தின் இரண்டாம் பாகம் இந்தியன் 2. சுமார் 28 ஆண்டுகள் கழித்து வெளியாகியிருக்கும் இத்திரைப்படத்தின் மீது ரசிகர்கள் நிறைய எதிர்பார்ப்பினை கொண்டிருக்கின்றனர். இப்படம், நேற்று அதாவது ஜூலை 12ஆம் தேதி வெளியாகி இருந்தது.
102 வயது தாத்தாவாக கமல்:
இந்தியன் படத்தில் சேனாபதி-சந்துரு என்ற தந்தை மகன் இரட்டை வேட கதாப்பாத்திரத்தில் நடித்திருந்த இவர் இதில் 102 வயது முதியவராக நடித்திருக்கிறார். ஆனால், அது துளியளவு கூட தெரியாத அளவிற்கு சண்டை காட்சிகளில் எல்லாம் கலக்கி இருக்கிறார்.
மேலும் படிக்க | பார்த்திபன் இயக்கத்தில் வெளியாகியுள்ள டீன்ஸ் படம் எப்படி இருக்கு? திரை விமர்சனம்!
தாத்தா கதறவிட்டாரா?
இந்தியன் 2 திரைப்படத்திற்கு அனிருத் இசையமைத்திருந்தார். இதில் “தாத்தா வராறு கதற விடப்போறாரு” பாடல் இடம் பெற்றிருந்தது. படம் வெளியாகியிருப்பதை தொடர்ந்து இதை வைத்தே பலர் படத்தை ட்ரோல் செய்தனர். “தாத்தா வில்லன்களை கதற விட்டாறா.. அல்லது ரசிகர்களை கதற விட்டாறா..?” என பலர் கேள்வி கேட்டு வருகின்றனர். மேலும் விமர்சனங்களின் படி, படம் கொஞ்சம் சுமாராகத்தான் இருப்பதாக கூறப்படுகிறது. மேலும் கமலின் சண்டை காட்சிகள் நன்றாக வந்திருப்பதாகவும், க்ளைமேக்ஸ் காட்சிகள் நன்றாக இருப்பதாகவும் கூறப்படுகிறது. மேலும், இந்தியன் 3 படத்தின் க்ளிம்ஸ் காட்சிகளும் இதில் இடம் பெற்றிருக்கின்றன. இதுவும் நன்றாக இருப்பதாக ரசிகர்கள் கூறிவருகின்றனர்.
சித்தார்த்தின சம்பள விவரம்:
இந்நிலையில் தற்போது இந்தியன் 2 படத்தில் முக்கிய ரோலில் நடித்துள்ள நடிகர் சித்தார்த் படத்திற்காக வாங்கிய சம்பள குறித்து விவரம் வெளியாகியுள்ளது. அதன்படி இந்த படத்தில் நடிப்பதற்கு நடிகர் சித்தார்த் ரூ. 4 கோடி சம்பளம் வாங்கியுள்ளதாக கூறப்படுகிறது.
இந்தியன் 2 நடிகர்-நடிகைகள்:
இந்தியன் 2 திரைப்படத்தில் கமல்ஹாசனுடன் இணைந்து சித்தார்த் நடித்திருக்கிறார். ஏற்கனவே ஷங்கரின் பாய்ஸ் படத்தில் நடித்திருந்த இவர் தற்போது இரண்டாவது முறையாக அவருடன் கைக்காேர்த்திருக்கிறார். இந்தி மற்றும் தமிழ் படங்களில் நடித்து வரும் ரகுல் ப்ரீத் சிங் நடித்திருக்கிறார். பிரியா பவானி ஷங்கர், காஜல் அகர்வால், பிரம்மானந்தம் உள்ளிட்டோர் நடித்திருக்கின்றனர்.
இந்தியன் 2 படத்தில் இடம் பெற்றிருந்த மறைந்த நடிகர்கள்..
இந்தியன் 2 திரைப்படத்தில் மறைந்த நடிகர்கள் விவேக், நெடுமுடி வேணு, மனோபாலா உள்ளிட்டோர் நடித்திருக்கின்றனர். இதில், ஒரு சிலரின் காட்சிகள் ஏஐ மூலம் உருவாக்கப்பட்டிருந்தது.
மேலும் படிக்க | தெலுங்கு ராம் சரணுடன் இணைந்த கர்நாடக சக்கரவர்த்தி சிவ ராஜ்குமார்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
