LIC Policy: ఈపీఎఫ్ఓ ఖాతాదారులు.. ఏదైన కారణం వల్ల ఆర్థిక ఇబ్బందుల్లో ఉంటే.. వాళ్లకు ఓ గుడ్ న్యూస్. ఆర్థిక సమస్యల కారణంగా ఎల్ఐసీ ప్రీమియం చెల్లించలేని పరిస్థితిలో ఉంటే.. ఈపీఎఫ్ ఖాతాలోని డబ్బును ఎల్ఐసీ ప్రీమియం చెల్లింపునకు వాడుకోవచ్చట. పన్నులు, పెట్టుబడుల విభాగంలోని నిపుణుల ప్రకారం... ఎవరి ఈపీఎఫ్ ఖాతాలో అయితే కనీసం రెండేళ్లకు సరిపపడా ఎల్ఐసీ ప్రీమియం మొత్తం ఉంటుందో.. అలాంటి ఈపీఎఫ్ఓ చందాదారులు ఆర్థిక ఇబ్బందుల్లో ఉన్నప్పుడు తమ ప్రీమియం చెల్లించేందుకు ఈపీఎఫ్ ఖాతాలోని నగదును వాడుకోవచ్చు అని తెలిసింది.
ఈపీఎఫ్ బ్యాలెన్స్ను ఎల్ఐసీ ప్రీమియం కోసం వినియోగించుకోవడం ఎలా?
ఉద్యోగం కోల్పోవడం లేదా మరే ఇతర కారణాల వల్లనైనా.. ఈపీఎఫ్ఓ ఖాతాదారులు ఎల్ఐసీ ప్రీమియం చెల్లించలేని పరిస్థితి ఏర్పడితే.. అప్పుడు ఈ సదుపాయం వినియోగించుకోవచ్చని ఆర్థిక నిపుణులు చెబుతున్నారు. ఇందుకోసం ముందుగా.. ఈపీఎఫ్ఓ ఆఫీస్ వద్ద ఫారమ్ 14 దాఖలు చేయాల్సి ఉంటుంది.
ఇక్కడ గుర్తుపెట్టుకోవాల్సిన ముఖ్యమైన విషయం ఏమిటంటే.. ఫారమ్ 14 దాఖలు చేసే సమయానికి ఈపీఎఫ్ ఖాతాలో ఎల్ఐసీ ప్రీమియం చెల్లించేందుకు కనీసం రెండేళ్లకు సరిపడా నగదు ఉందా లేదా అనేది తెలుసుకోవాలి. అంతకన్నా తక్కువ మొత్తం ఖాతాలో ఉంటే.. ఈ సదుపాయాన్ని వినియోగించుకోలేరు.
ఈ సదుపాయాన్ని కొత్తగా ఎల్ఐసీ పాలసీని తీసుకునేటప్పుడు కూడా ఈ సదుపాయం వాడుకోవచ్చు. ఇప్పటికే ల్యాప్స్ అయిన పాలసీని కూడా పునరద్ధరించుకోవచ్చు.
ఎల్ఐసీ పాలసీ పునరుద్ధరణ నిబంధనలు..
పాలసీని పునరుద్ధరించేందుకు ఆరు నెలల వరకు ఎలాంటి ఆలస్య రుసుము వసూలు చేయదు ఎల్ఐసీ. 6 నెలలు దాటి 3 సంవత్సతరాల లోపు పాలసీని పునరుద్ధరిస్తే.. అప్పుడు ప్రీమియంతో పాటు కొంత ఆలస్య రుసుమును వసూలు చేస్తుంది. అంతకు ముంచి పాలసీ ప్రీమియం చెల్లించకుంటే.. అది ఇన్యాక్టివ్గా మారుతుంది.
చివరగా..
ఎల్ఐసీ పాలసీని పునరుద్ధరించేందుకు లేదా ప్రీమియం చెల్లింపునకు ఈపీఎఫ్ ఖాతాల బ్యాలెన్స్ను వాడుకోవడం అనేది చిట్ట చివరి ఆప్షన్గా మాత్రమే ఉండాలని అంటున్నారు నిపుణులు. ఎందుకంటే.. ఈపీఎఫ్ఓ బ్యాలెన్స్ను ఇలా వాడుకోవడం వల్ల.. రిటైర్మెంట్ తర్వాత పెన్షన్పై ప్రభావం పడుపతుందని చెబుతున్నారు.
Also read: Todays Gold Rate: దేశంలోని వివిధ నగరాల్లో ఇవాళ ఫిబ్రవరి 20 బంగారం ధరలు
Also read: AC, Fridges Offers: సమ్మర్ కంటే ముందే వచ్చిన భారీ డిస్కౌంట్స్.. ఈ ఆఫర్స్ పొతే మళ్లీ రావు!!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
