Ankit Jaan Say జోహర్, తిమ్మరుసు వంటి సినిమాల్లో నటించిన అంకిత్ నటుడిగా మంచి పేరు తెచ్చుకున్నాడు. ఇప్పుడు పూర్తి స్థాయి హీరోగా మారిపోయాడు. క్రితి ఎంటర్టైన్మెంట్ ప్రొడక్షన్స్ బ్యానర్ పై ప్రొడక్షన్ నెంబర్ వన్‌గా ఎస్. కిరణ్ కుమార్ స్వీయ దర్శకత్వంలో 'జాన్ సే' చిత్రాన్ని రూపొందిస్తున్నారు. కథ, స్క్రీన్ ప్లే కూడా కిరణ్ కుమార్ అందిస్తున్న ఈ చిత్రం క్రైమ్ థ్రిల్లర్ గా తెరకెక్కుతోంది. వైఏఎస్ వైష్ణవి సమర్పిస్తున్న ఈ చిత్రం లో థ్రిల్లింగ్ అంశాలతో పాటు లవ్ స్టొరీ కూడా కీ రోల్ ప్లే చేస్తోందని తెలుస్తోంది.
అంకిత్ సరసన తన్వి హీరో హీరోయిన్‌గా నటిస్తోంది. హీరోయిన్ తన్వి ఐరావతం సినిమాలో ప్రధాన పాత్రలో కనిపించిన సంగతి తెలిసిందే. జాన్ సే...టైటిల్ లో ఉన్న మూడు డాట్స్ సినిమాలో కీలకమైన ముగ్గురి పాత్రలను ప్రతిబింబిస్తాయని మేకర్లు తెలిపారు. అయితే అందులో మొదటి డాట్, పాత్రను క్రిస్మస్ పర్వదినాన టీం పరిచయం చేసింది. ఈ క్రమంలోనే హీరో అంకిత్ ఫస్ట్ లుక్‌ను విడుదల చేశారు. ప్రణయ్ పాత్రలో అంకిత్ ఈ చిత్రంలో లవర్ బాయ్ పాత్రలో కనిపిస్తారు.
ఉత్కంఠ రేపే థ్రిల్లింగ్ అంశాలతో జాన్ సే... ఆద్యంతం ప్రేక్షకులను అలరించేలా సాగుతుందని మేకర్లు చెబుతున్నారు. ఈ చిత్రం తప్పకుండా థియేటర్లో ప్రేక్షకులను ఆకట్టుకుంటుందని దర్శకుడు నమ్మకంగా చెబుతున్నాడు. ఈ చిత్రం చిత్రీకరణ పూర్తి చేసుకుందని త్వరలోనే మిగతా వివరాలు ప్రకటిస్తామని తెలిపారు.
భారీ బడ్జెట్ తో ప్రముఖ సీనియర్ ఆక్టర్లతో ఏ మాత్రం కాంప్రమైజ్ కాకుండా చిత్రాన్ని భారీ ఎత్తున తెరకెక్కిస్తున్నట్టు నిర్మాతలు తెలిపారు. జాన్ సే చిత్రానికి సచిన్ కమల్ సంగీతాన్ని అందించాడని, జనవరి మొదటి వారంలో ఫస్ట్ సాంగ్ ను సిల్లీ మాంక్స్ ఆడియో ద్వారా విడుదల చేయనున్నట్లు తెలిపారు. పోస్ట్ ప్రొడక్షన్ కార్యక్రమాలు శరవేగంగా పూర్తి చేసి సమ్మర్ కానుకగా ఈ చిత్రాన్ని అయిదు భాషల్లో విడుదల చేయనున్నట్టు యూనిట్ తెలిపింది.
Also Read : AM Ratnam Kushi : ఖుషి సినిమాలోని ఆ ఆలోచనలన్నీ పవన్ కళ్యాణ్‌వే.. ముందు ఆ టైటిల్ అనుకున్నాం.. ఏఎం రత్నం
Also Read : Trisha Krishnan Clarity: కాంగ్రెస్ లోకి త్రిష అంటూ ప్రచారం.. అసలు విషయం చెప్పేసిన త్రిష!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
