Kalki2898AD Pre-Release Event: ఎవడే సుబ్రహ్మణ్యం సినిమాతో తెలుగు ప్రేక్షకులకు పరిచయమైన డైరెక్టర్ నాగ్ అశ్విన్. ఆ తర్వాత మహానటి సినిమాతో సెన్సేషనల్ విజయం సాధించాడు. ప్రస్తుతం ఈ డైరెక్టర్ భారీ బడ్జెట్ తో రూపొందిస్తున్న కల్కి 2898AD సినిమా పనుల్లో బిజీగా ఉన్నారు. ప్రభాస్ హీరోగా చేస్తున్న ఈ చిత్రాన్ని వైజయంతి మూవీస్ ఎంతో ప్రతిష్టాత్మకంగా తెరకెక్కిస్తోంది. ఈ చిత్రం వైజయంతి మూవీస్ కి ఎంతో సెంటిమెంట్ డేట్ అయినా మే 9న విడుదల కావాల్సి ఉంది. అయితే ఆంధ్రప్రదేశ్ లోని ఎలక్షన్స్ వల్ల ఈ చిత్రాన్ని జూన్ 27 కి పోస్ట్ పోన్ చేశాడు సినిమా మేకర్స్. ఇక నిన్నటితో ఆంధ్ర ప్రదేశ్ ఎలక్షన్స్ ముగిసిన సంగతి తెలిసిందే. ఈ క్రమంలో ఈ చిత్ర ప్రమోషన్స్ ని త్వరలోనే ఘనంగా ప్రారంభించాలి అని నాగ్ అశ్విన్ భావిస్తున్నట్లు సమాచారం. ఇందులో భాగంగా ఈ చిత్రం ప్రీ రిలీజ్ ఈవెంట్ గురించి ఒక వార్త సోషల్ మీడియాలో తెగ వైరల్ అవుతుంది.
తాజా సమాచారం ప్రకారం హైద‌రాబాద్‌లోని రామోజీ ఫిలిం సిటీలో ఈ సినిమా ప్రీ రిలీజ్ ఈవెంట్‌ను ఘనంగా నిర్వ‌హించేందుకు ఏర్పాట్లు జ‌రుగుతున్నాయ‌నట. మే 22న ఈ ఈవెంట్‌ను నిర్వ‌హించ‌నున్నార‌ట సినిమా యూనిట్. అతి త్వరలోనే ఇందుకు సంబంధించిన అఫీషియ‌ల్ అనౌన్స్‌మెంట్ రానుంద‌ట. ఇక తెలుగులో ప్రి రిలీజ్ ఈవెంట్ అవ్వగానే... మిగతా భాషల్లో కూడా ఈ చిత్రానికి ప్రమోషనల్ ఈవెంట్స్ నిర్వహించాలని భావిస్తున్నట్లు వినికిడి. ఈ వార్త తెలిసి ప్రభాస్ అభిమానుల సంబరాలు అప్పుడే మొదలైపోయాయి. ఈ ఈవెంట్ కోసం ఎంతగానో ఎదురుచూస్తున్నామని సోషల్ మీడియాలో కామెంట్లు పెడుతున్నాడు.
కాగా ప్రభాస్ ప్రస్తుతం వరస సినిమాలతో బిజీగా ఉన్నారు. కల్కి తో పాటు సలార్ 2 చిత్రం కూడా త్వరలోనే విడుదల కానుంది. ఇక మారుతీ దర్శకత్వంలో ది రాజా సాబ్ షూటింగ్ లో కూడా పాల్గొంటున్నారు మన డార్లింగ్. ఈ చిత్రాలు అన్ని పూర్తయిన తరువాత సందీప్ రెడ్డి వంగా దర్శకత్వంలో స్పిరిట్ సినిమా చేయనున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
