జూనియర్ ఎన్టీఆర్ హీరోగా పూరీ జగన్నాధ్ దర్శకత్వంలో తెలుగులో తెరకెక్కిన "టెంపర్" చిత్రం ఎన్ని రికార్డులు బ్రేక్ చేసిందో మనకు తెలియని విషయం కాదు. ఇప్పుడు అదే సినిమాని బాలీవుడ్‌లో రణ్వీర్ సింగ్ రీమేక్ చేస్తున్నారు. రోహిత్ శెట్టి దర్శకత్వంలో తెరకెక్కే ఈ చిత్రానికి "సింబా" అనే పేరు కూడా పెట్టారు. ఇటీవలే ఈ చిత్రానికి సంబంధించిన ఫస్ట్ లుక్ పోస్టర్ విడుదల అయ్యింది.
ఈ చిత్రంలో రణ్వీర్ సింగ్ పక్కన హీరోయిన్‌గా శ్రీదేవి కుమార్తె జాన్వి క‌పూర్‌ని ఎంపిక చేసే అవకాశం ఉందని వినికిడి. 2018 ప్రథమార్థంలో షూటింగ్ జరుపుకొనే ఈ చిత్రాన్ని ధర్మ ప్రొడక్షన్స్‌- రిలయన్స్‌ ఎంటర్‌టైన్‌మెంట్స్‌- ఆర్‌ఎస్‌ పిక్చర్స్‌ సంయుక్తంగా నిర్మిస్తున్నాయని సమాచారం. ఈ చిత్రంలో హీరో పోషించే పాత్ర పేరు సంగ్రామ్‌ భలేరావ్‌ అని చెబుతూ ఇటీవలే రణ్వీర్ తన ట్విట్టర్‌లో పోస్టు చేశారు.
SANGRAM BHALERAO aka #Simmba !!!! #RohitShetty@karanjohar @RelianceEnt@DharmaMovies@RSPicturez pic.twitter.com/nNFrys9P4G
— Ranveer Singh (@RanveerOfficial) December 7, 2017
