Vijay Devarakonda - Dil Raju - SVC 59: స్టార్ హీరో విజయ్ దేవరకొండ, సక్సెస్ ఫుల్ ప్రొడ్యూసర్స్ దిల్ రాజు, శిరీష్, టాలెంటెడ్ డైరెక్టర్ రవికిరణ్ కోలా కాంబినేషన్లో క్రేజీ మూవీ అనౌన్స్ మెంట్ జరిగింది. 'ది ఫ్యామిలీ స్టార్' మూవీ అనుకున్నంత రేంజ్లో సక్సెస్పుల్ కాకపోయినా.. మరోసారి విజయ్ దేవరకొండతో దిల్ రాజు క్రేజీ ప్రాజెక్ట్ అనౌన్స్ చేసాడు. 'రాజా వారు రాణి గారు' సినిమాతో పరిచయమైన రవి కిరణ్ కోలా ఈ సినిమాకు దర్శకత్వం వహిస్తున్నారు. ఎస్వీసీ సంస్థలో రాబోతున్న 59వ సినిమా ఇది.
తాజాగా ఈ సినిమాను లాంఛనంగా అనౌన్స్ చేశారు. ఈ సినిమాను పూర్తిగా రూరల్ యాక్షన్ డ్రామాతో తెరకెక్కిస్తున్నట్టు ప్రకటించారు. మే 9న ఈ సినిమాకు సంబంధించిన మరిన్ని వివరాలను ప్రకటించనున్నారు.
A Larger-than-life "Rural Action Drama" is on the cards ?#SVC59 will be @TheDeverakonda's Mass Endeavour
X
A @storytellerkola's Vision ?Produced by Raju - Shirish ✨
More Updates on 9th May, Stay tuned to @SVC_official pic.twitter.com/FVca4INOGC
— Sri Venkateswara Creations (@SVC_official) May 4, 2024
విజయ్ దేవరకొండ విషయానికొస్తే.. రీసెంట్గా 'ఫ్యామిలీ స్టార్' మూవీతో పలకరించారు. పరశురామ్ పేట్ల దర్శకత్వంలో తెరకెక్కిన ఈ సినిమాకు నెగిటివ్ ప్రచారం కొంప ముంచింది. ప్రస్తుతం ఈ సినిమా ప్రముఖ ఓటీటీ అమెజాన్ ప్రైమ్ వేదికగా స్ట్రీమింగ్ అవుతోంది. అక్కడ ఈ సినిమా నెంబర్ వన్ ట్రెండింగ్లో కొనసాగుతోంది. మొత్తంగా థియేటర్స్లో ఈ సినిమాను మిస్ అయిన వారు ఇపుడు ఓటీటీ వేదికగా ఈ సినిమాను ఆదరిస్తున్నారు. మరోవైపు విజయ్ దేవరకొండ.. గౌతమ్ తిన్ననూరి దర్శకత్వంలో ఓ స్పై థ్రిల్లర్ మూవీ చేస్తున్నాడు. ఈ సినిమాను సితార ఎంటర్టైన్మెంట్స్ భారీ ఎత్తున నిర్మిస్తోంది. ఈ సినిమాపై విజయ్ దేవరకొండ ఆశలు పెట్టుకున్నాడు. తాజాగా మరో సినిమాతో ప్రేక్షకుల ముందుకు రాబోతున్నాడు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter , Facebook
TA Kiran Kumar
కిరణ్ కుమార్ తంజావూర్ జీ తెలుగు తెలుగు న్యూస్లో ఛీఫ్ సబ్ ఎడిటర్గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.
...Read More
