హైదరాబాద్: జీ సినిమా అవార్డుల ప్రదానోత్సవం శనివారం (జనవరి 11న) అట్టహాసంగా జరిగింది. 2019 ఏడాదిలో అత్యుత్తమ ప్రదర్శన కనబరిచిన వారిని అవార్డులు వరించాయి. మెగాస్టార్ చిరంజీవి సైరా సినిమా చిత్రానికిగానూ ఉత్తమ నటుడిగా అవార్డు అందుకున్నారు. అక్కినేని వారి కోడలు, స్టార్ హీరోయిన్ సమంత ‘మజిలీ’, ‘ఓ బేబీ’ సినిమాల్లో నటనకుగానూ ఉత్తమ నటి అవార్డు అందుకున్నారు. డేరింగ్ డైరెక్టర్ పూరీ జగన్నాథ్ తెరకెక్కించిన ఇస్మార్ట్ శంకర్ సినిమా నాలుగు అవార్డులను కొల్లగొట్టడం విశేషం. టాలీవుడ్ ప్రిన్స్ మహేష్ బాబు ట్విటర్ స్టార్ అవార్డు పొందారు.
విజేతల జాబితా...
- ఉత్తమ నటుడు: చిరంజీవి
- ఉత్తమ నటి: సమంత (మజిలీ, ఓ బేబీ)
- బెస్ట్ ఫైండ్ ఆఫ్ ది ఇయర్: శ్రద్ధా శ్రీనాథ్ (జెర్సీ)
- ఫెవరెట్ యాక్టర్ ఆఫ్ ది ఇయర్: నాని (జెర్సీ)
- ఫెవరెట్ సపోర్టింగ్ యాక్టర్: నీల్ నితీష్ ముఖేష్ (సాహో)
- ఉత్తమ సహాయ నటుడు: అల్లరి నరేష్ (మహర్షి)
- ఉత్తమ సహాయ నటి: శివాత్మిక రాజశేఖర్ (దొరసాని)
- ఉత్తమ నూతన నటుడు: ఆనంద్ దేవరకొండ (దొరసాని)
- ఉత్తమ హాస్య నటుడు: రాహుల్ రామక్రిష్ణ, ప్రియదర్శి (బ్రోచేవారెవరురా)
- అభిమాన నటి: పూజా హెగ్డే (మహర్షి)
- ఉత్తమ నిర్మాత: ఛార్మి (ఇస్మార్ట్ శంకర్)
- సెన్సేషనల్ స్టార్ ఆఫ్ ది ఇయర్: రామ్ (ఇస్మార్ట్ శంకర్)
- ఉత్తమ సంగీత దర్శకుడు: మణిశర్మ (ఇస్మార్ట్ శంకర్)
- ఉత్తమ గాయకుడు: సిద్ శ్రీరామ్ (కడలల్లే.. డియర్ కామ్రేడ్)
- జీవిత సాఫల్య పురస్కారం: కళాతపస్వీ కె.విశ్వనాథ్
- ఉత్తమ సినిమాటోగ్రాఫర్: రత్నవేలు (సైరా)
- ఫేవరెట్ ఆల్బమ్ ఆఫ్ ది ఇయర్: ప్రభాకరన్ (డియర్ కామ్రేడ్)
- ఉత్తమ విలన్: తిరువే (జార్జిరెడ్డి)
- ఉత్తమ స్క్రీన్ ప్లే: వివేక్ ఆత్రేయ (బ్రోచేవారెవరురా)
