Korean Beauty Secrets: కొరియన్ మహిళల అందం ప్రపంచవ్యాప్తంగా ప్రసిద్ధి చెందింది. వారి మృదువైన, మెరుస్తున్న చర్మం, నిగమైన జుట్టు, సన్నటి ముఖపు లక్షణాలు అందరినీ ఆకట్టుకుంటాయి. ఈ అందం వెనుక వారి సంస్కృతి, జీవనశైలి, అలాగే అనుసరించే సౌందర్య నియమాలు దాగి ఉన్నాయి. కొరియన్ మహిళలు చర్మాన్ని చాలా జాగ్రత్తగా చూసుకుంటారు. వారు రోజూ 10-12 దశలతో కూడిన చర్మ సంరక్షణ క్రమం అనుసరిస్తారు. క్లెన్సింగ్, టోనింగ్, మాయిశ్చరైజింగ్, సీరమ్‌లు, మాస్క్‌లు వంటివి వారి రోజువారీ నిత్యకృత్యాలలో భాగం. వారు సహజ ఉత్పత్తులను ఉపయోగించడానికి ప్రాధాన్యత ఇస్తారు. ఆవాలు, గ్రీన్ టీ, అలోవెరా వంటి సహజ పదార్థాలతో తయారైన ఉత్పత్తులు వారి బ్యూటీ కిట్‌లో తప్పనిసరి. మీరు కూడా కొరియన్ లూక్‌ను కోరుకుంటున్నారా.. అయితే ఈ సింపుల్‌ టిప్స్‌ను ట్రై చేయండి.
కొరియన్ బ్యూటీ రూటీన్ అంశాలు:
డబుల్ క్లెన్సింగ్:
కొరియన్ బ్యూటీ రూటీన్‌లో డబుల్ క్లెన్సింగ్ ఒక కీలకమైన అంశం. ఇది చర్మాన్ని లోతుగా శుభ్రపరచడానికి మేకప్, ఇతర కాలుష్యాలను తొలగించడానికి సహాయపడుతుంది. ఇది ముఖ్యంగా కొరియన్ మేకప్‌ను ఉపయోగించేవారికి చాలా ముఖ్యం, ఎందుకంటే కొరియన్ మేకప్ సాధారణంగా బహుళ పొరలలో ఉంటుంది, దీనిని ఒక సింగిల్ క్లెన్సర్‌తో పూర్తిగా తొలగించడం కష్టం.
ఎక్స్‌ఫోలియేషన్:
మన చర్మం క్రమంగా చనిపోయిన చర్మ కణాల పొరతో కప్పబడి ఉంటుంది. ఈ చనిపోయిన చర్మ కణాలను తొలగించే ప్రక్రియనే ఎక్స్‌ఫోలియేషన్ అంటారు. ఈ ప్రక్రియ మన చర్మాన్ని మృదువుగా, మెరుపుగా చేస్తుంది.
టోనర్:
కొరియన్ బ్యూటీ రొటీన్‌లో టోనర్ అత్యంత ముఖ్యమైన పాత్ర పోషిస్తుంది. కేవలం ముఖాన్ని శుభ్రపరచడమే కాకుండా, చర్మానికి అవసరమైన తేమను అందిస్తూ, మరింత మెరుగ్గా మారుస్తుంది. దీని ఉదయం, లేదా రాత్రిపూట ఉపయోగించడం వల్ల చర్మం కాంతివంతంగా మారుతుంది.
ఎసెన్స్:
కొరియన్ బ్యూటీ రూటీన్‌లో ఎసెన్స్ ఒక కీలకమైన భాగం. ఇది చర్మాన్ని హైడ్రేట్ చేయడానికి తేమను నిలుపుకోవడానికి సహాయపడుతుంది. ఇది టోనర్, మాయిశ్చరైజర్ మధ్య ఉపయోగించబడుతుంది. ఎసెన్స్‌లో సాధారణంగా సెరామైడ్‌లు, విటమిన్లు వంటి చర్మానికి మేలు చేసే పదార్థాలు ఉంటాయి.
కొరియన్ బ్యూటీ పదార్థాలు:
కొరియా బ్యూటీ రంగంలో ప్రపంచానికి ఒక ప్రత్యేకమైన ముద్ర వేసింది. కొరియన్ బ్యూటీ ప్రొడక్ట్స్‌ ప్రత్యేకత ఏమిటంటే అవి చర్మాన్ని లోతుగా శుభ్రపరచడం, పోషించడం రక్షించడంపై దృష్టి పెడతాయి. ఈ ఉత్పత్తులలో సహజ పదార్థాలు ఎక్కువగా ఉంటాయి.
స్నైల్ మ్యూసిన్: స్నైల్ మ్యూసిన్ చర్మాన్ని మరమ్మతు చేయడంలో, కొల్లాజెన్ ఉత్పత్తిని పెంచడంలో తేమను నిలుపుకోవడంలో సహాయపడుతుంది.
బియ్యం: బియ్యం పిండి, బియ్యం నీరు చర్మాన్ని మృదువుగా చేయడంలో, మొటిమలను తగ్గించడంలో మచ్చలను తొలగించడంలో సహాయపడతాయి.
గ్రీన్ టీ: గ్రీన్ టీలోని యాంటీ ఆక్సిడెంట్లు చర్మాన్ని రక్షించడంలో, వాపును తగ్గించడంలో చర్మాన్ని తేమగా ఉంచడంలో సహాయపడతాయి.
జెల్లిఫిష్: జెల్లిఫిష్ ఎక్స్‌ట్రాక్ట్ చర్మాన్ని తేమగా ఉంచడంలో చర్మం స్థితిస్థాపకతను పెంచడంలో సహాయపడుతుంది.
Also read: Almonds Unpeeled: బాదం పప్పును పొట్టు తీసి తినాలా..తీయకుండానా? నిపుణులు ప్రకారం..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter
