టీమిండియా కెప్టేన్ విరాట్ కోహ్లీ తన ముద్దుల శ్రీమతి అనుష్కా శర్మకు ఇచ్చిన ఓ ఫ్లయింగ్ కిస్ వీడియో ఇప్పుడు ఇంటర్నెట్‌ని షేక్ చేస్తోంది. నిన్న ఇంగ్లండ్‌పై జరిగిన టెస్ట్ మ్యాచ్‌లో సెంచరీ (కోహ్లీ టెస్ట్ కెరీర్‌లో 23వది) చేసిన అనంతరం కోహ్లీ అదే స్టేడియంలో ఉన్న తన భార్య అనుష్కా శర్మ వైపు బ్యాట్ చూపిస్తూ ఇచ్చిన ఫ్లయింగ్ కిస్ ఇది. విరాట్ కోహ్లీ ఇచ్చిన ఈ ఫ్లయింగ్ కిస్‌ని అందుకున్నట్టుగా స్టాండ్స్‌లో నుంచే అనుష్కా శర్మ అతడిని తన నవ్వుతో చీర్ చేసి ప్రోత్సహించిన తీరు మరింత ఆకట్టుకుంటోంది. మ్యాచ్‌ ఆడుతుండగా స్టేడియంలో చోటుచేసుకున్న ఈ దృశ్యాన్ని కోహ్లీ అభిమానులు సోషల్ మీడియాలో పంచుకోవడం, అది వైరల్‌గా మారడం క్షణాల్లో జరిగిపోయింది.
