MS Dhoni: అమిత్‌ షాతో ధోని కరచాలనం.. బీజేపీలో చేరుతున్నాడంటూ ప్రచారం, ఫొటో వైరల్

MS Dhoni With Amit Shah: టీమిండియా మాజీ కెప్టెన్ ఎంఎస్ ధోని త్వరలో బీజేపీలో చేరుతున్నారా..? అమిత్‌ షాను ధోని ఎక్కడ కలిశారు..? ఇద్దరు కలిసిన పిక్ ఎందుకు వైరల్ అవుతోంది..?

MS Dhoni With Amit Shah: టీమిండియా మాజీ కెప్టెన్ మహేంద్ర సింగ్ ధోని అంతర్జాతీయ క్రికెట్‌కు వీడ్కోలు పలికినా.. అతని పేరు సోషల్ మీడియాలో మార్మోమోగిపోతోంది. ఇటీవల ఇంగ్లండ్ చేతిలో సెమీ ఫైనల్లో టీమిండియా ఓడిపోయిన తరువాత ధోనిని అందరూ గుర్తు చేసుకున్నారు. ధోని ఉంటే కచ్చితంగా గెలిచేవాళ్లమని నెటిజన్లు అంటున్నారు. We Miss You Dhoni అంటూ సోషల్ మీడియాలో పోస్టులు పెట్టారు. 

మరోవైపు తాజాగా కేంద్ర హోంమంత్రి అమిత్ షాతో ఎంఎస్ ధోని మాట్లాడుతున్న ఓ ఫొటో నెట్టింట వైరల్‌గా అవుతోంది. దీనిపై రకరకాలుగా కామెంట్స్ వస్తున్నాయి. ధోని రాజకీయాల్లోకి వస్తున్నాడా అంటూ అనుమానం వ్యక్తం చేస్తున్నారు. ఈ సందర్భంగా అమిత్‌ షాతో ధోని సరదాగా మాట్లాడాడు. మెడలో ఐడీ కార్డు ధరించిన ధోని.. టక్ వేసుకుని స్టైలిష్‌ కనిపించాడు. 

Will Dhoni bat again for Bharat. Will Dhoni join BJP to serve the nation once again. pic.twitter.com/DsgwB2cp2a

— ettirankandath🇮🇳 (@ettirankandath) November 12, 2022

అంతర్జాతీయ క్రికెట్‌లో అన్ని ఫార్మాట్లకు గుడ్‌ బై చెప్పిన ధోనీ.. ఐపీఎల్‌లో మాత్రం కొనసాగుతున్నాడు. తన టీమ్‌ను వచ్చే ఏడాది కూడా కెప్టెన్‌గా ముందుండి నడిపించనున్నాడు. గత సీజన్‌లో కెప్టెన్సీ బాధ్యతల నుంచి తప్పుకుని ఆల్‌రౌండర్ రవీంద్ర జడేజాకు అప్పగించాడు. అయితే జడేజా కెప్టెన్‌గా ఆటగాడిగా ఘోరంగా విఫలం కావడంతో కెప్టెన్సీగా గుడ్ బై చెప్పాడు. దీంతో మళ్లీ ధోనినే పగ్గాలు చేపట్టాడు. 

2007లో టీ20 ప్రపంచకప్‌, 2011లో వన్డే ప్రపంచకప్‌, 2013లో ఐసీసీ ఛాంపియన్స్‌ ట్రోఫీని ధోని కెప్టెన్సీలోనే టీమిండియా గెలుచుకుంది. ధోని తన కెరీర్‌లో 90 టెస్టులు, 350 వన్డేలు, 98 టీ20లు ఆడాడు. అంతర్జాతీయ క్రికెట్‌లో 17 వేలకు పైగా పరుగులు చేశాడు. కెప్టెన్‌గా మూడు ఐసీసీ ట్రోఫీలు గెలుచుకున్న ఏకైక క్రికెటర్ మహేంద్ర సింగ్ ధోనీ. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.