Allu Arjun Blocked Bhanushree: తన హీరోయిన్ ను బ్లాక్ చేసిన అల్లు అర్జున్.. బయటపెట్టి గగ్గోలు.. అసలు విషయం ఏంటంటే..?

Allu Arjun Blocked BhanuShree in Twitter: అల్లు అర్జున్ సరసన వరుడు సినిమాలో హీరోయిన్గా నటించిన భాను శ్రీ మెహతాను అల్లు అర్జున్ ట్విట్టర్లో బ్లాక్ చేయడం చర్చనీయాంశం అయింది. ఆ వివరాలు..

Allu Arjun Blocked Bhanushree in Twitter: అల్లు అర్జున్ సరసన వరుడు సినిమాలో హీరోయిన్ గా నటించిన భాను శ్రీ మెహతా అందరికీ గుర్తుండే ఉంటుంది. ఈ భామ ఒక్కసారిగా లైమ్ లైట్ లోకి వచ్చింది. తనను అల్లు అర్జున్ బ్లాక్ చేశాడు ట్విట్టర్లో అంటూ ఆమె తన ట్విట్టర్ అకౌంట్ ద్వారా కామెంట్లు చేసింది. పంజాబ్ లోని అమృత్సర్ లో జన్మించిన ఈ భామ తొలుత హిందీ సినిమా ద్వారా హీరోయిన్గా పరిచయమైంది. ఆ తర్వాత తెలుగులో వరుడు అనే సినిమా ద్వారా లాంచ్ అయింది. వరుడు సినిమా పెద్దగా ఆడకపోవడంతో ఆ తర్వాత డింగ్ డాంగ్ బెల్, బ్రదర్ ఆఫ్ బొమ్మాళి, గోవిందుడు అందరివాడేలే, అలా ఎలా, రన్, మిస్ ఇండియా ఇటీవల విడుదలైన టెన్త్ క్లాస్ డైరీస్ వంటి సినిమాల్లో కూడా కనిపించింది..

ఈ మధ్యనే వివాహం చేసుకున్న ఈ భామ సినిమా అవకాశాలు రావడం లేదు అనుకుందో ఏమో తెలియదు కానీ ఒక యూట్యూబ్ ఛానల్ మొదలుపెట్టింది. ఏదో ఒక కంటెంట్ చేస్తూ ప్రేక్షకుల్లో నిలిచే ప్రయత్నం చేస్తుంది భానుశ్రీ మెహ్రా. తాజాగా తన యూట్యూబ్ ఛానల్ కి ప్రమోషన్ కోసమో ఏమో తెలియదు కానీ అల్లు అర్జున్ తనను బ్లాక్ చేశాడంటూ ఒక స్క్రీన్ షాట్ షేర్ చేసింది. షేర్ చేయడమే కాక మీరెప్పుడైనా ఒక గాడిలో కూరుకుపోయారని మీకు అనిపిస్తే ఏం చేస్తారు అంటూ ప్రశ్నించింది. తాను అల్లు అర్జున్ తో వరుడు సినిమాలో నటించాను కానీ తనకు తర్వాత అవకాశాలు రాలేదని తాను తన పోరాటాన్ని కూడా చాలా హ్యాపీగా చేయడానికి నేర్చుకున్నాను అని చెప్పుకొచ్చింది.

If you ever feel like you're stuck in a rut, just remember that I acted in Varudu with Allu Arjun and STILL couldn't get any work. But I've learned to find humor in my struggles – especially now that Allu Arjun has blocked me on Twitter🤷‍♀️ Go subscribe ?https://t.co/mqX2lVNjwx pic.twitter.com/ycSR5yGpfl

— Bhanushree Mehra (@IAmBhanuShree) March 18, 2023

ఇంత చెప్పి ఇంత యూట్యూబ్ లో సబ్స్క్రైబ్ చేయమని కింద లింక్ ఇచ్చింది. అయితే అల్లు అర్జున్ అభిమానులు మాత్రం తమ హీరో ది తప్పేమీ లేదని ఎందుకంటే తన యూట్యూబ్ ఛానల్ లో చేసే వీడియోల లింకులు వేస్తూ అల్లు అర్జున్ సహా అనేకమంది అకౌంట్లకు ట్యాగ్ చేస్తూ వస్తోందని అలా చేస్తే బ్లాక్ చేయక ఏం చేస్తారని ప్రశ్నిస్తున్నారు.

అలా అంటున్న వారిని కూడా భాను శ్రీ వదలడం లేదు.  ఎంత నెగిటివిటీ వచ్చినా తను అనుకున్నది సాధిస్తానని ముందుకు వెళతానని అంటుంది ఆమె. ఒకరకంగా కాంట్రవర్సీలతో అయినా వార్తలలోకి ఎక్కితే అసలు ఆమె యూట్యూబ్ ఛానల్ లో ఏముందని జనాలు చూస్తారేమో అని భావిస్తోందేమో ఈ అమ్మడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.