ఆసియా కప్ 2018 టోర్నమెంట్‌లో భారత్ చేతిలో రెండుసార్లు ఓటమి చెంది, ఆశించిన స్థాయిలో ప్రదర్శన కనబర్చనందుకు పాకిస్తాన్ క్రికెట్ జట్టు సొంత దేశం నుంచే విమర్శలు ఎదుర్కుంటోంది. ఈ విషయంలో పాక్ కోచ్ మికీ ఆర్థర్ స్పందిస్తూ.. పాక్ ఓపెనర్లు, బౌలర్లు, భారతీయ ఆటగాళ్లను చూసి వాళ్లు ఎలా అయితే తమ విధానాలను అమలు చేస్తున్నారో అలా ఆడటం నేర్చుకోవాలి అని అన్నాడు. ఈ మొత్తం వివాదంపై పాక్ మాజీ కెప్టేన్, ప్రస్తుతం జట్టులో ఆడుతున్న షోయబ్ మాలిక్ సైతం పలు సంచలన వ్యాఖ్యలు చేశాడు. ముందుగా పాకిస్తాన్ పొరుగుదేశమైన భారత క్రికెట్ ఎంపిక విధానాన్ని చూసి నేర్చుకోవాల్సిన అవసరం ఉందని షోయబ్ అన్నాడు.
ఆసియా కప్ 2018లో భారత్, పాకిస్తాన్ దేశాల మధ్య జరిగిన మ్యాచ్ చాలా ఆసక్తికరంగా మారింది.ఈ ఆటలో తొలుత బ్యాటింగ్ చేసిన పాకిస్తాన్ 238 పరుగుల లక్ష్యాన్ని భారత్‌కు నిర్దేశించడం జరిగింది.
ఆసియా కప్ 2018లో భారత్ శుభారంభం చేసింది. టీమిండియా హాంకాంగ్‌పై విజయం సాధించింది. మంగళవారం గ్రూప్‌-ఎలో హాంకాంగ్‌తో జరిగిన మ్యాచ్‌లో భారత్ 26 పరుగుల తేడాతో గెలిచింది. ముందుగా టాస్ ఓడిపోయి భారత్ బ్యాటింగ్‌కి దిగగా.. శిఖర్ ధవన్ (120 బంతుల్లో 15 ఫోర్లు, 2 సిక్సర్లతో 127) సెంచరీతో, అంబటి రాయుడు (60 పరుగులు) అర్థ సెంచరీతో జట్టును ముందుండి న‌డిపించారు.
ఆసియా కప్ 2018 పోటీల్లో భాగంగా నేడు జరుగుతున్న 4వ మ్యాచ్‌లో హాంగ్ కాంగ్‌తో తలపడుతున్న భారత జట్టు ధీటైన ప్రదర్శన కనబరుస్తోంది. దుబాయ్ అంతర్జాతీయ స్టేడియం వేదికగా జరుగుతున్న ఈ మ్యాచ్‌లో శిఖర్ ధవన్ 105 బంతుల్లో సెంచరీ పూర్తిచేశాడు. శిఖర్ ధవన్ వన్డే ఇంటర్నేషనల్ కెరీర్‌లో ఇది 14వ సెంచరీ కావడం విశేషం. తన సెంచరీతో శిఖర్ ధవన్ ఆసియా కప్ 2018 పోటీలకు శుభారంభాన్ని ఇచ్చాడు. అంతకన్నా ముందుగా బ్యాటింగ్ చేసిన అంబటి రాయుడు 70 బంతుల్లో 60 పరుగులు (4X3, 6X2) చేసి ఎహ్‌సాన్ నవాజ్ బౌలింగ్‌లో స్కాట్ మెక్‌కెంచీకి క్యాచ్ ఇచ్చి ఔట్ అయ్యాడు.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
