Disha:'దిశ' తరహాలో మరో అత్యాచారం

తెలంగాణలో మరో మహిళపై అఘాయిత్యం. దిశ ఘటన మరువక ముందే మరో మహిళపై అత్యాచారం..!! పోలీసులు ఎన్ని పకడ్బందీ చర్యలు తీసుకున్నా. . ఎన్ని కొత్త చట్టాలు చేసినా. . అత్యాచారాలపర్వం ఆగడం లేదు. దిశ తరహాలోనే మరో మహిళపై అత్యాచారం, హత్య చేయడం ఇప్పుడు మళ్లీ కలవరపెడుతోంది.

'దిశ' తరహాలో మరో అత్యాచారం
తెలంగాణలో మరో ఘటన 
ఆగ్రహం వ్యక్తం చేస్తున్న జనం 
తెలంగాణలో మరో అత్యాచార ఘటన కలకలం రేపుతోంది. దిశ తరహాలోనే మరో మహిళ.. కామాంధుల పైశాచికత్వానికి బలైంది. ఈ ఘటన రంగారెడ్డి జిల్లాలోని చేవెళ్ల మండలం తంగడపల్లిలో వెలుగు చూసింది.

దిశ తరహాలోనే అత్యాచారం చేసి .. మహిళను హత్య చేశారు కామాంధులు. ఇప్పుడు ఈ ఘటన మరోసారి తెలంగాణలో కలకలం రేపుతోంది. స్థానికులు ఇచ్చిన సమాచారంతో ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. క్లూస్ టీంతో ఆధారాలు సేకరిస్తున్నారు. మహిళ ఆనవాళ్లు ఇప్పటి వరకు తెలియని పోలీసులు చెబుతున్నారు. మహిళ ఒంటిపై దుస్తులు కూడా లేవంటున్నారు పోలీసులు. ఆధారాల కోసం సమీపంలోని సీసీ ఫుటేజీలను పరిశీలిస్తున్నామని వెల్లడించారు.