కరోనావైరస్ వ్యాప్తి ( Coronavirus pandemic ) ఆందోళనల మధ్య ఉన్న ప్రపంచ ప్రజానికానికి ఊరటనిస్తూ ది లాన్సెట్ అనే బ్రిటన్ సైన్స్ జర్నల్ ఓ గుడ్ న్యూస్ వెల్లడించింది. ఆస్ట్రాజెనికా ( AstraZeneca ) అనే బయోటెక్ దిగ్గజంతో కలిసి ఆక్స్‌ఫర్డ్ యూనివర్శిటీ తయారు చేస్తోన్న కరోనావైరస్ వ్యాక్సిన్ ( Coronavirus vaccine ) ప్రస్తుతం 3వ దశ క్లినికల్ ట్రయల్స్‌లో ఉన్న సంగతి తెలిసిందే. అయితే, ఈ క్లినికల్ ట్రయల్స్‌లో వ్యాక్సిన్ తీసుకున్న వారిలో వ్యాధి నిరోధక శక్తి పెంపొందుతున్నట్టు ( Immunity power ) తేలింది. ప్రపంచవ్యాప్తంగా మొత్తం 155కి పైగా కరోనా వ్యాక్సిన్స్ ప్రస్తుతం వివిధ ప్రయోగ దశల్లో ఉండగా... 3 రకాల కొవిడ్-19 వ్యాక్సిన్స్ ( COVID-19 vaccines ) మాత్రం అన్నిటికంటే ముందుడి 3వ దశకు చేరుకున్నాయి. అందులో ఆక్స్‌ఫర్డ్ యూనివర్శిటీ వాళ్లు తయారు చేస్తోన్న వ్యాక్సిన్ ( Oxford University’s vaccine for COVID-19 ) కూడా ఒకటి. (Also read: ICC T20 World Cup 2020: ఐసిసి టీ20 వరల్డ్ కప్‌ వాయిదా )
ఆక్స్‌ఫర్డ్ యూనివర్శిటీ వాళ్లు తయారు చేస్తోన్న కొవిడ్-19 వ్యాక్సిన్ సరిగ్గా పనిచేస్తుందని ముందు నుంచి అంచనాలు వెలువడిన విధంగానే ప్రస్తుతం దాని ఫలితాలు సైతం ఉన్నాయని ది లాన్సెట్ తెలిపింది. ఈ వ్యాక్సిన్ పరిశోధనల తాజా ఫలితాలు ది లాన్సెట్ ( The Lancet ) పబ్లిష్ అయ్యాయి.
( Also read: Telangana: తెలంగాణలో 2,65,219 మందికి కరోనా పరీక్షలు )
