Russia-Ukraine war: దాదాపు నెల రోజులుగా రష్యా-ఉక్రెయిన్ మధ్య భీకర యుద్ధం జరుగుతోంది. రష్యా చేస్తున్న దాడుల వల్ల ఉక్రెయిన్కు తీవ్ర నష్టం వాటిళ్లుతోంది. రష్యా ప్రయోగిస్తున్న మిస్సైల్ దాడుల్లో అనేక మంది ప్రాణాలు కోల్పోతున్నారు. ఇందులో చాలా మంది సామాన్యులు, అన్యం, పుణ్యం ఎరుగని చిన్నారుల సంఖ్య అధికంగా ఉండటం ఆందోళనకరం.
ఇదే విషయంపై ఉక్రెయిన్ పార్లమెంట్ కూడా ఆదివారం స్పందించింది. ఉక్రెయిన్పై రష్యా దాడుల్లో ఇప్పటి వరకు 115 మంది చిన్నారులు ప్రాణాలు విడిచారని తెలిపింది. అంత కాకుండా 140 మందికిపైగా ఉక్రెయిన్ యువకులు గాయాలపాలయ్యారని వివరించింది. ఇవి గణాంకాలు కావని.. వందలాది ఉక్రెయిన్ కుటుంబాల బాధలు అని అభివర్ణించింది పార్లమెంటు.
ఇదిలా ఉండగా.. మార్చి 19 రాత్రి ఖార్కీవ్ నగరంపై రష్యా చేసిన ఎయిర్ స్ట్రైక్లో ఐదు మంది చిన్నారులు (9 ఏళ్ల బాలుడు సహా) ప్రాణాలు కోల్పోయారని కీవ్ ఇండిపెండెంట్ తెలిపింది.
ఇదిలా ఉండగా.. ఉక్రెయిన్ పోర్ట్ సిటీ మారియుపోల్లోని 400 మంది ఆశ్రయం విద్యార్థులు ఉన్న పాఠశాలపై కూడా రష్యా దాడులు చేసినట్లు ఉక్రెయిన్ పేర్కొంది. ఈ దాడుల కారణంగా పాఠశాల భవనం ధ్వంసమైందని.. శిథిలాలకింద చాలా మంది చిక్కుకున్నట్లు వెల్లడించింది. అయితే మరణాల సంఖ్యను మాత్రం వెల్లడించలేదు.
జాతినుద్దేశించి వొలొదిమిర్ జెలన్స్కీ ప్రసంగం..
ఇక ఆదివారం ఉదయం వొలొదిమిర్ జెలన్స్కీ జాతినుద్దేశించి ప్రసంగించారు. ఎంతో ప్రశాంతంగా ఉండే మారియుపోల్పై రష్యా దాడులు, రష్యా దళాల అక్రమాలు చరిత్రలో నిలిచిపోతాయన్నారు. రాబోయే తరాలు గుర్తుండిపోయే భయంకరమైన విషయం అవుతుందన్నారు.
Also read: China Corona Update: చైనాలో కొవిడ్ కల్లోలం- రెండేళ్ల తర్వాత మరణాలు నమోదు!
Also read: ఏడేళ్ల వయసులో టీచర్ అవమానించిందని.. 30 ఏళ్ల తర్వాత ఆమెను చంపిన యువకుడు.. 101 సార్లు కత్తితో పొడిచి..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
