પ્રેમજાળમાં ફસાવનારાથી ચેતજો! અમદાવાદમાં યુવતીના પ્રેમનો આવ્યો આવો અંત, અનેક હોટલોમાં દુષ્કર્મ

ઉદય રંજન/અમદાવાદ: શહેરમાં ફરી એક વખત દુષ્કર્મની ફરિયાદ નોંધાઈ છે. પ્રેમ સંબંધમાં લગ્નની લાલચ આપી દુષ્કર્મની ભોગ બનનાર 20 વર્ષીય યુવતીએ નરોડા પોલીસ મથકમાં બળાત્કારની ફરિયાદ નોંધાવી છે. ત્યારે સવાલ એ ઉભો થઈ રહ્યો છે કે યુવતીનું જીવન બરબાદ કરનાર કોણ છે આ હેવાન?

નરોડા પોલીસ સ્ટેશનની કસ્ટડીમાં ઉભેલા આ આરોપીનું નામ જય પટેલ છે. મૂળ નરોડામાં જ રહેતો આરોપી જય પટેલે બે વર્ષ પહેલાં ભોગ બનનાર યુવતી સાથે પ્રેમ સંબંધ બાંધ્યો હતો અને લગ્નની લાલચ આપી યુવતીને હોટલમાં લઈ જઈને અનેક વખત દુષ્કર્મ આચર્યું હતું. પરંતુ બે વર્ષ બાદ લગ્નનો ઇનકાર કરતા ભોગ બનનાર યુવતીએ નરોડા પોલીસ સ્ટેશનમાં દુષ્કર્મની ફરિયાદ નોંધાવતા પોલીસે પ્રેમી જય પટેલની ધરપકડ કરી લીધી છે.

સમગ્ર ગુનાની વિગતવાર વાત કરીએ તો ભોગ બનનાર યુવતી કોલેજમાં અભ્યાસ કરવા જતી હતી. તે દરમિયાન આ આરોપી જય પટેલ વારંવાર કોલેજની બહાર ઉભો રહીને યુવતીને પ્રેમ સંબંધ બાંધવા માટે પ્રપોઝ કરતો હતો. યુવતીએ પ્રેમ સંબંધ બાંધવામાં સંમતિ બતાવ્યા બાદ બંને એકબીજાને મળતા હતા. પરંતુ આ પ્રેમીની ઇરાદો કંઈક અલગ જ હતો અને થોડોક સમય વીત્યા બાદ યુવતી પાસે શારીરિક સંબંધ બાંધવા માટેની માંગણીઓ કરતો હતો. 

યુવતી એ શારીરિક સંબંધ બાંધવાની ના પાડતા આરોપીએ બહાર ફરવા જવાના બહાને બાઈક પર બેસાડીને હોટલના એક રૂમમાં લઇ જઇ દુષ્કર્મ આ આચર્યું હતું. આરોપીએ હદ તો ત્યાં વટાવી કે પોતાનું સ્વાર્થ પુરો થઈ ગયા પછી યુવતીની લગ્ન કરવાની ના પાડી અને જો તું કોઈને કહીશ તો તને અને તારા પરિવારની જાનથી મારી નાખવાની ધમકી આપતો હતો.

જો કે, હાલ તો નરોડા પોલીસે આરોપીની ધરપકડ કરી કઈ કઈ જગ્યા પર લઈ જઈને દુષ્કર્મ હતું તેને લઈને તપાસ તેજ કરી છે. તેટલું જ નહીં અન્ય કોઈ યુવતી સાથે આ પ્રકારનું કૃત્ય આચર્યું છે કે કેમ તે દિશામાં પણ તપાસ શરૂ કરી છે.