ASHES 2019 : ટેસ્ટ ક્રિકેટમાં પ્રથમ વખત ટીશર્ટ પર ખેલાડીના નામ અને નંબર લખાશે

નવી દિલ્હીઃ વર્લ્ડ કપ 2019 પછી હવે ઈંગ્લેન્ડમાં એશેઝ (ASHES 2019)ની તૈયારીઓ ચાલી રહી છે. 1 ઓગસ્ટથી શરૂ થઈ રહેલી આ ફેમસ ટેસ્ટ શ્રેણી માટે જોરદાર તૈયારીઓ ચાલી રહી છે. એશેઝમાં ઓસ્ટ્રેલિયા અને ઈંગ્લેન્ડના ખેલાડીઓ સફેદ ડ્રેસમાં તો હશે જ, પરંતુ આ શ્રેણીમાં તેમની પીઠ પર તેમનું નામ અને ટીશર્ટનો નંબર પણ હશે. વનડે અને ટી-20માં તો ઘણા સમય પહેલાં ખેલાડીઓની ટીશર્ટના પાછળના ભાગમાં તેમનું નામ અને નંબર લખવાનું શરૂ થયું હતું. ટેસ્ટ ક્રિકેટમાં હવે શરૂ થઈ રહ્યું છે. 

પહેલાથી ચાલતી હતી તૈયારી 
આ વર્ષની શરૂઆતમાં આવેલા રિપોર્ટમાં કહેવાયું હતું કે, ઈંગ્લેન્ડ અને ઓસ્ટ્રેલિયા વચ્ચે રમાનારી એસેઝ શ્રેણી ટેસ્ટ ક્રિકેટની કિટમાં આધુનિક્તા લાવશે. ટેસ્ટ ક્રિકેટમાં થઈ રહેલા આ પરિવર્તન બાબતે પ્રશંસકોમાં વિરોધાભાસ જોવા મળી રહ્યો છે. કેટલાક લોકો આ બાબતે વાંધો ઉઠાવી રહ્યા છે તો વળી કેટલાકને આ એક નિરર્થક કવાયત લાગી રહી છે. 

શું જો રૂટની જર્સીનો નંબર?
ઈંગ્લેન્ડ ક્રિકેટના આધિકારિક ટ્વીટર હેન્ડલ પર ઈંગ્લેન્ડના કેપ્ટન જો રૂટની ટીશર્ટનો નંબર સાથેનો ફોટો શેર કરાયો છે. આ ટ્વીટના કેપ્શનમાં લખ્યું છે કે, 'ટેસ્ટ શર્ટ્સની પાછળ નામ અને નંબર.' આ ટ્વીટમાં જો રૂટનો ફોટો પોસ્ટ કર્યો છે, જેમાં તેની ટીશર્ટ પાછળ 66 નંબર લખેલો છે. 

Names and numbers on the back of Test shirts! 🏴󠁧󠁢󠁥󠁮󠁧󠁿🏏 pic.twitter.com/M660T2EI4Z

— England Cricket (@englandcricket) July 22, 2019

ઈંગ્લેન્ડને મળી શકે છે ફાયદો
આ વખતે ઈંગ્લેન્ડની ટીમને ઘરેલુ ટીમ હોવાની સાથે-સાથે વર્લ્ડ કપ જીતવાનો ફાયદો પણ મળશે. ગયા વખતે ઓસ્ટ્રેલિયામાં રમાયેલી 4 ટેસ્ટની એશેઝ શ્રેણીમાં ઈંગ્લેન્ડનો વ્હાઈટવોશ થયો હતો. એ વખતે એસેઝ શ્રેણી માટે બેન સ્ટોક્સને ટીમમાં સામેલ ન થવાના કારણે ઈંગ્લેન્ડને મોટું નુકસાન થયું હતું. 

આ નિયમ પણ લાગુ થઈ શકે છે
શ્રેણીમાં એક નવો નિયમ પણ લાગુ થઈ શકે છે. આ નિયમ માથામાં ઈજા પહોંચતા એ ખેલાડીના સ્થાને સબસ્ટીટ્યુટ ખેલાડીને રમવા દેવાની મંજૂરી આપવાનો. આશા છે કે, આ નિયમને મંજૂરી મળી જશે અને તેને તાત્કાલિક પ્રભાવથી લાગુ કરવામાં આવશે. નિયમ લાગુ કરવાનું મુખ્ય કારણ એશેઝ ટેસ્ટ શ્રેણીની સાથે-સાથે વર્લ્ડ ટેસ્ટ ચેમ્પિયનશિપ પણ શરૂ થઈ રહી છે અને આ નિયમનો તેની તમામ મેચમાં ઉપયોગ કરી શકાય. 

જૂઓ LIVE TV....