Coronavirus: દેશની મોટી વસ્તી પર હજુ કોરોનાથી સંક્રમિત થવાનો ખતરોઃ સ્વાસ્થ્ય મંત્રાલય

નવી દિલ્હીઃ કોરોના વાયરસ પર સ્વાસ્થ્ય મંત્રાલયની પત્રકાર પરિષદમાં સ્વાસ્થ્ય સચિવ રાજેશ ભૂષણે કહ્યુ કે, ભારતમાં કોરોના વાયરસથી 51 લાખ કરતા વધુ લોકો સાજા થઈ ગયા છે. દેશમાં અત્યાર સુધી 7 કરોડ 30 લાખ ટેસ્ટ થયા છે. પાછલા સપ્તાહે 77.8 લાખ ટેસ્ટ કરવામાં આવ્યા. સીરો સર્વેથી જાણવા મળ્યું છે કે દેશની મોટી જનસંખ્યા પર હજુ કોરોનાનો ખતરો છે. પ્રતિ 10 લાખની વસ્તીમાં ભારતમાં 4453 કોરોનાના કેસ છે. નવા કેસમાં ભારતમાં પ્રતિ 10 લાખની વસ્તીપર 425 કેસ છે. કોરોનાને કારણે પ્રતિ 10 લાખની વસ્તીમાં 10 લોકોના મૃત્યુ થયા છે. સપ્ટેમ્બરમાં 2 કરોડ 97 લાખ ટેસ્ટ થયા છે. ઓગસ્ટમાં આ આંકડો 2 કરોડ 39 લાખ હતો. 

The count of #COVID19 deaths per million population in India is amongst the lowest in the world: Rajesh Bhushan, Secretary, Union Health Ministry pic.twitter.com/xSyAprDxWY

— ANI (@ANI) September 29, 2020

The number of #COVID19 tests per million population has crossed 50,000 in India. Total 2.97 crore tests conducted in the month of September: Ministry of Health pic.twitter.com/Yr9tONTXpu

— ANI (@ANI) September 29, 2020

સ્વાસ્થ્ય સચિવ રાજેશ ભૂષણે કહ્યુ કે, દેશમાં કોરોનાના કુલ કેસમાં 15.4 એક્ટિવ કેસ છે, જ્યારે રિકવરી રેટ 83 ટકા છે. આીસીએમઆરના ડાયરેક્ટર ડો. બલરામ ભાર્ગવે કહ્યુ કે. પહેલો સીરો સર્વે 11 મેથી 4 જૂન વચ્ચે થયો હતો. તેને 21 રાજ્યોના 70 જિલ્લામાં કરાવવામાં આવ્યો હતો. તે સમયે 0.73 ટકા સંક્રમણ દર જોવા મળ્યો હતો. બીજો સીરો સર્વે 17 ઓગસ્ટથી 22 સપ્ટેમ્બર વચ્ચે થયો હતો. 21 રાજ્યોના 70 જિલ્લામાં આ સર્વે થયો છે. 

As per ICMR’s (Indian Council of Medical Research) second national serosurvey report, one in 15 individuals aged more than 10 years were estimated to be exposed to #COVID19 by August 2020: Balram Bhargava, DG, ICMR pic.twitter.com/mnVanY4sRt

— ANI (@ANI) September 29, 2020

બીજા સીરો સર્વેમાં 10 વર્ષથી વધુ ઉંમરના લોકોમાં કોરોનાનો પ્રસાર 6.6 ટકા જોવા મળ્યો. શહેરી સ્લમમાં 15.6 ટકા, બિન સ્લમ વિસ્તારમાં 8.2 ટકા પ્રસાર જોવા મળ્યો. જ્યારે ગ્રામીણ સ્લમ વિસ્તારમાં 4.4 ટકા પ્રસાર જોવા મળ્યો છે. આ સીરો સર્વેથી સામે આવ્યું છે કે દેશની મોટી વસ્તી પર હજુ કોરોનાથી સંક્રમિત થવાનો ખતરો યથાવત છે. 5 ટી (ટેસ્ટ, ટ્રેક, ટ્રેસ, ટ્રીટ અને ટેક્નોલોજી)ની નીતિ અપનાવવાની જરૂર છે. તેમણે કહ્યું કે, આગામી તહેવારો, ઠંડી અને સામૂહિક ભીડને જોતા રાજ્યો દ્વારા કન્ટેઈનમમેન્ટ રણનીતિને લાગૂ કરવાની જરૂરીયાત છે.