ઓક્ટોબર મહિનો ધાર્યા કરતા વધુ વિચિત્ર જશે, મહાભયંકર આગાહી આવી, વરસાદ અને ગરમીનું થશે તાંડવ

Climate Change Impact In October : તમે અત્યાર સુધી ન જોયો હોય એવો ઓક્ટોબર મહિનો આ વર્ષે જોવા મળશે. કારણ કે, આ મહિનામાં વરસાદ અને ભયંકર ગરમી એકસાથે ત્રાટકશે. છેલ્લા ત્રણ મહિનામાં ભારે વરસાદ બાદ આ મહિને પણ દેશમાં સરેરાશ કરતાં વધુ વરસાદની શક્યતા છે. એક તરફ ચોમાસું વિદાય લઈ રહ્યું છેછે. મતલબ કે ચોમાસાની વિદાયનો સમય વધી ગયો છે. તેનું કારણ લો પ્રેશર સિસ્ટમ વારંવાર રચાય છે. આવા વરસાદને કારણે ઉનાળામાં વાવેલા પાકને નુકસાન થઈ શકે છે. જેની લણણીનો સમય આવી રહ્યો છે.

ઓક્ટોબરમાં વધુ ગરમી પડશે 
હવામાન શાસ્ત્રીઓનો અંદાજ અને ગણતરી છે કે આ વખતે ઓક્ટોબરમાં સમગ્ર દેશમાં સરેરાશ કરતાં વધુ વરસાદ પડશે. ગરમી પણ વધુ રહેશે. જુલાઈ, ઓગસ્ટ અને સપ્ટેમ્બરમાં પણ ભારે વરસાદ થયો હતો. જે આ વખતે ઓક્ટોબરમાં પણ થશે. હવામાન વિભાગના મહાનિર્દેશક મૃત્યુંજય મહાપાત્રાએ આ વાતનો ખુલાસો કર્યો છે.

ઓક્ટોબરમાં વરસાદ પણ આવશે 
તેમણે કહ્યું કે ભારતીય હવામાન વિભાગે અનુમાન લગાવ્યું છે કે આ વખતે ઓક્ટોબરમાં છેલ્લા 50 વર્ષની સરેરાશ કરતા 115 ટકા વધુ વરસાદ થવાની આશા છે. જેના કારણે ઉનાળામાં વાવેલા પાકને નુકસાન થઈ શકે છે. કારણ કે તેમની લણણીનો સમય આવી રહ્યો છે. આ વરસાદથી પાકને નુકસાન થઈ શકે છે.

ખેડૂતો પર મહાસંકટ
ખેડૂતોએ આ સમયે ઉનાળામાં વાવેલા પાકની કાપણી શરૂ કરી દીધી છે. જેમ કે- ચોખા, કપાસ, સોયાબીન, મકાઈ, કઠોળ વગેરે. જો આવી સ્થિતિમાં વરસાદ પડે તો પાકેલો તમામ પાક બગડી જશે. ચોમાસાની મોડી વિદાયને કારણે સપ્ટેમ્બરમાં પણ સરેરાશ કરતાં ઘણો વધુ વરસાદ થયો છે. જેના કારણે દેશના કેટલાક ભાગોમાં ઉનાળામાં વાવેલા પાકને નુકસાન થયું છે.

હવામાન વિભાગના જણાવ્યા અનુસાર સપ્ટેમ્બરમાં સરેરાશ કરતાં 11.6 ટકા વધુ વરસાદ થયો છે. જુલાઈમાં સરેરાશ કરતાં 9 ટકા વધુ અને ઓગસ્ટમાં સરેરાશ કરતાં 15.3 ટકા વધુ વરસાદ થયો છે. ઓક્ટોબરના પહેલા ભાગમાં એટલે કે પહેલા 15 દિવસમાં ભારે વરસાદની અપેક્ષા છે. જેના કારણે ખેડૂતોમાં ચિંતા જોવા મળી રહી છે.

ઓક્ટોબરના વરસાદથી શિયાળુ પાકને ફાયદો થશે 
ઓક્ટોબરના વરસાદથી પણ ફાયદો થશે. જમીનની ભેજ વધશે. જેના કારણે શિયાળામાં ઉગાડવામાં આવતા પાકને ફાયદો થશે. જેમ કે ઘઉં, ચણા વગેરે. ચોમાસું સામાન્ય સમય કરતાં એક સપ્તાહ મોડું વિદાય લઈ રહ્યું છે. તેથી, આ વખતે તે મધ્ય ઓક્ટોબરનો સમય હશે જ્યારે ચોમાસું સંપૂર્ણપણે સમાપ્ત થઈ જશે. જ્યારે વરસાદ વચ્ચે અટકશે, ત્યારે ભેજ અને સૂર્યની ગરમીમાં વધારો થવાને કારણે તાપમાન પણ ઉંચુ રહેશે.