உங்க சேலரி ஸ்லிப்பில் இருக்கு வருமான வரி விலக்கு பெறுவதன் ரகசியம்: இதோ விவரம்

Tax Saving Tips: ஒவ்வொரு முறையும் புதிய நிதியாண்டு தொடங்குவதற்கு முன்பே வரிச் சேமிப்புக்கான நேரம் தொடங்குகிறது. வரிச் சேமிப்பை முன்கூட்டியே திட்டமிடுவதன் சில நன்மைகளைப் பற்றி இந்த பதிவில் காணலாம்.

Tax Saving Tips: புதிய நிதியாண்டு, அதாவது 2024-25 நிதியாண்டு (Financial Year) ஏப்ரல் முதல் தொடங்கும். அதனுடன், வரி செலுத்துவோருக்கான வருமான வரி தொடர்பான ஏற்பாடுகளும் தொடங்கும். நடப்பு நிதியாண்டிற்கான வரிச் சேமிப்புத் திட்டங்களைச் செய்ய வரி செலுத்துவோருக்கு இன்னும் கால அவகாசம் உள்ளது என்றாலும், வரி செலுத்துவோர் வரிச் சேமிப்புத் திட்டங்களைச் செய்ய கடைசி நேரம் வரை காத்திருக்க வேண்டாம் என்று நிபுணர்கள் எப்போதும் பரிந்துரைக்கின்றனர். வரி திட்டமிடலை முன்கூட்டியே செய்வது அதிகபட்ச பணத்தை சேமிக்க உதவுகிறது.

ஒவ்வொரு முறையும் புதிய நிதியாண்டு தொடங்குவதற்கு முன்பே வரிச் சேமிப்புக்கான நேரம் தொடங்குகிறது. வரிச் சேமிப்பை முன்கூட்டியே திட்டமிடுவதன் சில நன்மைகளைப் பற்றி இந்த பதிவில் காணலாம். இந்த முறைகள் சம்பளம் பெறும் (Salaried class) வரி செலுத்துவோருக்கு மிகவும் பயனுள்ளதாக இருக்கும். நீங்களும் சம்பளம் பெறும் நபராக இருந்தால், இந்த முறைகள் வரியைச் சேமிக்க உதவும்.

பல நிறுவனங்கள் தங்கள் ஊழியர்களை CTC இல், அதாவது காஸ்ட் டு கம்பனியில் (நிறுவனத்திற்கான செலவு) மாற்றங்களைச் செய்ய அனுமதிக்கின்றன. CTC என்பது உண்மையான சம்பளம் அல்ல. இது, அடிப்படை ஊதியம், வீட்டு வாடகை கொடுப்பனவு (HRA), சிறப்பு கொடுப்பனவு, வேரியபிள் பே, முதலாளியின் EPF பங்களிப்பு போன்ற பல விஷயங்களால் ஆனது. சிறப்புக் கொடுப்பனவு பொதுவாக எரிபொருள் மற்றும் பயணப்படி, எல்டிஏ (LTA), தொலைபேசி ரீயெம்பர்ஸ்மெண்ட் போன்றவற்றை உள்ளடக்கியது. இந்த விஷயங்கள் ஊழியர்களின் வசதிக்காக வழங்கப்படுகின்றன. ஆனால் அதே நேரத்தில் அவை வரியையும் சேமிக்கின்றன. இந்த செலவினங்களை வருவாயில் இருந்து கழித்த பிறகு வரி கணக்கிடப்படுகிறது. இது வரிக்கு உட்பட்ட வருமானத்தை (Taxable Income) குறைக்கிறது, இதனால் வரி பொறுப்பு குறைகிறது.

1 வீட்டு வாடகை கொடுப்பனவு (House Rent Allowance)

நீங்கள் வேலை செய்யும் போது வாடகை வீட்டில் குடியிருந்தால், வரி விலக்கு (Tax Exemption) பெறலாம். எச்ஆர்ஏ (HRA) கோருவதற்கான நிபந்தனை என்னவென்றால், நீங்கள் நிறுவனத்திடமிருந்து எச்ஆர்ஏ பெற்று நீங்கள் வசிக்கும் வீட்டிற்கு வாடகை செலுத்த வேண்டும். 

2 லீவ் டிராவல் அலவன்ஸ் (Leave Travel Allowance)

நிறுவனம் நீங்களும் உங்கள் குடும்பத்தினரும் பயணம் செய்ய விடுப்பு பயணக் கொடுப்பனவை வழங்குகிறது. பயணத்திற்கான விமானம், ரயில் அல்லது பேருந்து டிக்கெட்டுகளுக்கு செலவிடப்படும் தொகைக்கு வரி விலக்கு அளிக்கப்படுகிறது. பயணத்தின் போது ஏற்படும் மற்ற செலவுகள் அதன் வரம்பிற்குள் வராது. எல்டிஏவை நான்கு ஆண்டுகளில் இரண்டு முறை கோரலாம். வெளிநாட்டு பயணத்தில் LTA நன்மை கிடைக்காது. அதன் அதிகபட்ச தொகையானது பயணத்திற்கான உண்மையான செலவு அல்லது முதலாளியிடமிருந்து பெறப்பட்ட தொகையை விட குறைவாக இருக்கும்.

3 இணையம் மற்றும் தொலைபேசி கட்டணங்கள் (Internet and phone bills)

கோவிட் காலத்தில் வீட்டிலிருந்து வேலை செய்யும் கலாச்சாரம் அதிகரித்துள்ளது, இதன் காரணமாக தொலைபேசி மற்றும் இணையத்தின் பயன்பாட்டு செலவும் அதிகரித்துள்ளது. இணையம் மற்றும் தொலைபேசி பில்களை டெபாசிட் செய்யும் போது, அந்த தொகைக்கு வருமான வரியில் இருந்து விலக்கு அளிக்கும் வசதியை வருமான வரித்துறை (Income Tax Department) வழங்குகிறது. இந்த தலைப்பின் கீழ் கொடுக்கப்பட்ட ரூபாய் அல்லது சம்பளம், எது குறைவாக இருந்தாலும் அதற்கு வரி விதிக்கப்படாது.

4 உணவு கூப்பன்கள் (Food Coupons)

அலுவலகத்தில் பணிபுரியும் போது நீங்கள் டீ, தண்ணீர் மற்றும் உணவு ஆகியவற்றை உட்கொள்ளலாம். பணியின் போது அல்லது முன்பணம் செலுத்திய உணவு வவுச்சர்கள்/கூப்பன்கள் மூலம் நிறுவனம் உங்களுக்கு உணவு கொடுப்பனவை வழங்கலாம். இதன்படி ஒரு வேளை உணவுக்கு 50 ரூபாய்க்கு வரி இல்லை. இதன் மூலம், அத்தகைய கூப்பன்களைப் பயன்படுத்துவதன் மூலம், மாதம் ரூ.2,200 சம்பளம், அதாவது ஆண்டுக்கு ரூ.26,400 சமபளத்திற்கு வரி விலக்கு பெறலாம்.

5 எரிபொருள் மற்றும் பயணத்திற்கான செலவு (Fuel and travel reimbursement)

அலுவலக வேலைக்காக நீங்கள் டாக்ஸி அல்லது வண்டியில் பயணம் செய்தால், அந்த தொகையை திரும்பப் பெற்றால் அதற்கு வரி விலக்கு உண்டு. அதே நேரத்தில், நீங்கள் உங்கள் சொந்த கார் அல்லது நிறுவனம் வழங்கிய காரைப் பயன்படுத்தினால், எரிபொருள் மற்றும் பராமரிப்பு செலவுகளுக்கான கட்டணத்தை வரி இல்லாமல் பெறலாம்.

6 செய்தித்தாள்கள் மற்றும் பத்திரிகைகள் (Newspapers and magazines)

சிறுவயதிலிருந்தே செய்தித்தாள்களைப் படிக்க வேண்டும் என்று நம் பெரியவர்கள் அறிவுறுத்துகிறார்கள், ஆனால் செய்தித்தாள்கள் வரியைச் சேமிக்கும் என்பது உங்களுக்குத் தெரியுமா? அசல் பில் இணைக்கப்பட்டிருந்தால், புத்தகங்கள், செய்தித்தாள்கள் மற்றும் பத்திரிகைகள் வாங்குவதற்கு செலுத்தப்படும் பணத்திற்கு வரி விலக்கு கிடைக்கும். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!