உலகளவில் தடுப்பூசி பணியில் முதலிடத்தில் இந்தியா; 19 நாட்களில் 45 லட்சம் தடுப்பூசி ..!!!

புதிய தொற்றுநோய் பாதிப்புகளில், 84.67 சதவீதம் ஆறு மாநிலங்கள் மற்றும் யூனியன் பிரதேசங்களைச் சேர்ந்தவை என்று சுகாதார அமைச்சகம் தெரிவித்துள்ளது.

Written by - ZEE Bureau | Edited by - Vidya Gopalakrishnan | Last Updated : Feb 4, 2021, 06:37 PM IST
  • மகாராஷ்டிராவில், கடந்த 24 மணி நேரத்தில் அதிகபட்சம் 7,030 பேர் தொற்றுநோயிலிருந்து குணமாகியுள்ளனர்.
  • கேரளா மற்றும் தமிழ்நாட்டில் முறையே 6,380 மற்றும் 533 நோயாளிகள் குணமாகியுள்ளனர்.
  • இந்தியாவில் வெறும் 19 நாட்களில் சுமார் 45 லட்சம் பேருக்கு கோவிட் -19 எதிர்ப்பு தடுப்பூசி போடப்பட்டுள்ளது.
உலகளவில் தடுப்பூசி பணியில் முதலிடத்தில் இந்தியா; 19 நாட்களில் 45 லட்சம் தடுப்பூசி ..!!!

புதுடெல்லி: இந்தியாவில் வெறும் 19 நாட்களில் சுமார் 45 லட்சம் பேருக்கு கோவிட் -19 எதிர்ப்பு தடுப்பூசி போடப்பட்டுள்ளதாக மத்திய சுகாதார அமைச்சகம் வியாழக்கிழமை தெரிவித்துள்ளது. 18 நாட்களுக்குள் 40 லட்சம் பேருக்கு தடுப்பூசி போடப்பட்டுள்ளது. "பிற நாடுகள்இந்த இலக்கை அடைய 65 நாட்கள் ஆனது. இந்தியா ஜனவரி 16 ஆம் தேதி நாடு தழுவிய கோவிட் -19 எதிர்ப்பு தடுப்பூசி பணியை தொடங்கியது. தடுப்பூசி போடப்படும் நபர்களின் எண்ணிக்கை தினமும் அதிகரித்து வருகிறது. 

கடந்த 24 மணி நேரத்தில் 3,10,604 பேருக்கு கோவிட் -19  தடுப்பூசி போடப்பட்டதாக சுகாதார அமைச்சகம் தெரிவித்துள்ளது. நாட்டில் 19 நாட்களுக்குள் 44,49,552 பேருக்கு கோவிட் -19 எதிர்ப்பு தடுப்பூசி வழங்கப்பட்டுள்ளதாக அமைச்சகம் தெரிவித்துள்ளது.

இந்தியாவில் புதிதாக கொரோனா தொற்றுநோய்களுக்கு ஆளான நோயாளிகளின் எண்ணிக்கை இப்போது 1,55,025 ஆகக் குறைந்துள்ளது, இது மொத்த தொற்றுநோய்களில் 1.44 சதவீதம் மட்டுமே. இந்தியாவில் இதுவரை தினசரி தொற்று விகிதம் 1.82 சதவீதமாக உள்ளது என்று சுகாதார அமைச்சகம் (Health MInistry) தெரிவித்துள்ளது. 

"கடந்த சில வாரங்களாக (19 நாட்கள்) இந்தியாவில் தினசரி தொற்று விகிதம் இரண்டு சதவீதத்திற்கும் குறைவாகவே உள்ளது" என்று சுகாதார அமைச்சகம் கூறியது. "நாட்டில் தொற்றுநோயிலிருந்து குணமடையும் விகிதம் 97.13 சதவீதமாக உயர்ந்துள்ளது. இதுவரை குணமடைந்தவர்களின் எண்ணிக்கை, சிகிச்சையில் உள்ள நோயாளிகளின் எண்ணிக்கையை விட 67.6 மடங்கு அதிகம் "

ALSO READ | விபத்தில் சிதைந்த முகம் கைகள்... முகம், கை மாற்று சிகிச்சை அளித்தது மறுவாழ்வு..!!

மகாராஷ்டிராவில், கடந்த 24 மணி நேரத்தில் அதிகபட்சம் 7,030 பேர் தொற்றுநோயிலிருந்து குணமாகியுள்ளனர், அதே நேரத்தில் கேரளா மற்றும் தமிழ்நாட்டில் (Tamil Nadu)  முறையே 6,380 மற்றும் 533 நோயாளிகள் குணமாகியுள்ளனர்.

புதிய தொற்றுநோய்களில் 84.67 சதவீதம் ஆறு மாநிலங்கள் மற்றும் யூனியன் பிரதேசங்களைச் சேர்ந்தவை என்று அமைச்சகம் தெரிவித்துள்ளது. கேரளாவில் அதிக எண்ணிக்கையிலான புதிய நோய்த்தொற்றுகள் பதிவாகியுள்ளன, கடந்த 24 மணி நேரத்தில் 6,356 புதிய வழக்குகள் பதிவாகியுள்ளன. மேலும், மகாராஷ்டிராவில் 2,992 மற்றும் தமிழ்நாட்டில் 514 புதிய நோய்த்தொற்றுகள் பதிவாகியுள்ளன.

கொரோனா வைரஸ் தொற்று காரணமாக கடந்த 24 மணி நேரத்தில் ஏற்பட்ட இறப்புகளில், 71.03 சதவீத இறப்புகள் ஆறு மாநிலங்கள் மற்றும் யூனியன் பிரதேசங்களைச் சேர்ந்தவை. மகாராஷ்டிராவில், கடந்த 24 மணி நேரத்தில் அதிகபட்சம் 30 பேர் இறந்துள்ளனர், அதே நேரத்தில் கேரளாவில் 20 பேரும், மேற்கு வங்கம் மற்றும் சத்தீஸ்கரில் தலா 7 பேரும் இறந்துள்ளனர்.

ALSO READ | Health Tip: மீண்டும் சூடுபடுத்தி சாப்பிடவே கூடாத உணவுகள் எது தெரியுமா?
 

More Stories

Trending News