வெந்தயத்தின் பக்க விளைவுகள்: சர்க்கரை நோய், முடி உதிர்வு, பசியின்மை அல்லது மலச்சிக்கல் போன்ற பிரச்சனைகள் இருந்தால், பெரும்பாலானோர் வெந்தயத் தண்ணீரைக் குடிக்க அறிவுறுத்துகிறார்கள். அதேபோல் வயிற்றில் வலி ஏற்பட்டால் வெந்தய தண்ணீரைக் குடிக்க நம் வீட்டில் இருக்கும் பெரியவர்கள் அறிவுறுத்துவார்கள். ஆனால், பல மருத்துவ குணங்கள் நிறைந்துள்ள வெந்தய தண்ணீரை (Fenugreek seeds water) அளவுடன் அல்லது நிபுணர்களின் ஆலோசனையின் பேரில் மட்டுமே குடிக்க வேண்டும். ஏனெனில் சிலருக்கு வெந்தயத் தண்ணீரைக் குடிப்பதால் நன்மைகளை ஏற்படவதுடன் தீமைகளே அதிகமாக ஏற்படும். இந்நிலையில் இன்று நாம் வெந்தய தண்ணீரின் பக்க விளைவுகள் என்ன என்பதை தெரிந்துக்கொள்ளப் போகிறோம்.
வெந்தய நீர் எப்படி தயாரிக்கப்படுகிறது?
பொதுவாக, வெந்தய நீர் பருகுவது எடை குறைவு, கொழுப்பு எரிதல், மூட்டு வலி மற்றும் செரிமானம் போன்றவைக்கு நன்மை பயக்கும். அதிக நன்மைகள் மற்றும் உடலுக்கு குறைவான தீங்கு காரணமாக, வெந்தய நீரை நாம் அடிக்கடி குடித்து வருகிறோம். இந்த வெந்தய தண்ணீரை எளிதாக வீட்டிலேயே தயாரிக்கலாம். இதற்கு இரண்டு வழிகள் உள்ளன. தயாரிப்பதற்கு முன், என்ன பொருட்கள் தேவைப்படும் என்பதை அறிந்து கொள்வோம்.
மேலும் படிக்க | ரெண்டே வாரத்துல கத்தை கத்தையா முடி வளர இந்த ஆயுர்வேத மூலிகை ஒன்று போதும்
தேவையான பொருட்கள்:
வெந்தய விதைகள் அல்லது தானியங்கள்
தண்ணீர்
முதல் செயல்முறை:
முதலில், ஒரு பாத்திரத்தில் ஒரு ஸ்பூன் வெந்தயம் மற்றும் ஒரு கிளாஸ் தண்ணீர் கலந்து, சுமார் 12 முதல் 14 மணி நேரம் இரவு முழுவதும் ஊற வைக்கவும். பின்னர் குடிப்பதற்கு முன் ஈதை வடிகட்டவும். இதோ உங்கள் வெந்தய நீர் தயார். காலையில் வெறும் வயிற்றில் அருந்தினால் நன்மை.
இரண்டாவது செயல்முறை:
கடாயில் சிறிது எண்ணெய் ஊற்றி ஒரு ஸ்பூன் வெந்தயத்தை வறுத்து பின் அரைத்து, இதை ஒரு கிளாஸ் வெந்நீரில் கலந்து குடிக்கலாம்.
அதிகமாக வெந்தய நீர் குடிப்பதால் ஏற்படும் பக்க விளைவுகள் இதோ (Side effects of fenugreek water):
கருச்சிதைவு ஆபத்து: கருவுற்ற பெண்கள் வெந்தய நீர் அருந்துவதை தவிர்க்க வேண்டும். ஏனெனில் சில பெண்களில் இது கருச்சிதைவுக்கு காரணமாகிறது. Biomed Central கர்ப்பம் மற்றும் பிரசவத்தில் வெளியிடப்பட்ட ஆய்வின்படி, கர்ப்பிணிப் பெண்களின் கருச்சிதைவு அவர்களின் உணவு உட்பட பல அம்சங்களைப் பொறுத்தது. சில சமயங்களில் வெந்தயத்தில் செய்யப்பட்ட உணவைக் கொடுத்தால் கருச்சிதைவு ஏற்படலாம்.
ஒவ்வாமை: சிலருக்கு வெந்தயத் தண்ணீரை எடுத்துக் கொண்ட பிறகு தோல் தொடர்பான பிரச்சனைகள் வர ஆரம்பிக்கும். அவர்களின் தோலில் வீக்கம் அல்லது வலி ஒரு அலர்ஜியாக வெளிப்படுகிறது. அத்தகையவர்கள் வெந்தய நீரை தவிர்க்க வேண்டும்.
ஆஸ்துமா: பலருக்கு வெந்தயத் தண்ணீரை எடுத்துக் கொண்ட பிறகு மூச்சு விடுவதில் சிரமம் ஏற்படத் தொடங்கும். அத்தகையவர்கள் மருத்துவரின் ஆலோசனைக்குப் பிறகே வெந்தயத் தண்ணீரை எடுத்துக் கொள்ள வேண்டும்.
வயிற்றுப்போக்கு: பலருக்கு வெந்தயத் தண்ணீரை எடுத்துக் கொண்ட பிறகு புளிப்பு ஏப்பம் வர ஆரம்பிக்கும். அத்தகைய சூழ்நிலையில், உடல் அசௌகரியமாக மாறத் தொடங்குகிறது மற்றும் சிலருக்கு அதை எடுத்துக் கொண்ட பிறகு வயிற்றுப்போக்கு தொடங்குகிறது. உங்களுக்கும் இது போன்று நடந்தால், வெந்தய தண்ணீரை உட்கொள்வதை தவிர்க்கவும்.
அஜீரணம்: சிலருக்கு வெந்தயத் தண்ணீரை எடுத்துக் கொண்ட பிறகு அஜீரணம் ஏற்படும். அப்படிப்பட்டவர்களின் குடலில் இருக்கும் பாக்டீரியாக்கள் வாயுவை உற்பத்தி செய்ய ஆரம்பிக்கின்றன. இதனால் அவர்கள் அசௌகரியமாக உணர ஆரம்பிக்கிறார்கள்.
இரத்தச் சர்க்கரைக் குறைவு: இரத்தச் சர்க்கரைக் குறைவு என்பது ஒரு வகை நீரிழிவு நோயாகும். நீரிழிவு நோயாளிகள் வெந்தய நீரின் அளவு குறித்து சிறப்பு கவனம் செலுத்த வேண்டும். அத்தகையவர்கள் வெந்தயத் தண்ணீரை எடுத்துக் கொள்ளும்போது எப்போதும் எச்சரிக்கையாக இருக்க வேண்டும்.
சுவாசிக்கும்போது மூச்சுத்திணறல்: சிலருக்கு, வெந்தய நீர் காரணமாக, சுவாசிக்கும்போது தொண்டையில் இருந்து மூச்சுத்திணறல் ஏற்படத்தொடங்கும். உண்மையில், அத்தகையவர்களுக்கு, சுவாசத்திற்கு உதவும் முக்கிய உறுப்புகளில் ஒவ்வாமை ஏற்படத் தொடங்குகிறது. இதனால் அந்த உறுப்புகள் அசௌகரியமாகி மூச்சுத்திணறல் வர ஆரம்பிக்கிறது.
குழந்தைகளிடம்இருந்து துர்நாற்றம் ஏற்படலாம்: வெந்தய நீர் குழந்தைகளுக்கு கொடுப்பதை தவிர்க்க வேண்டும். மருத்துவரின் (குழந்தை நல மருத்துவர்) ஆலோசனையின்றி அவர்களுக்குக் கொடுப்பதைத் தவிர்க்க வேண்டும். ஏனெனில் வெந்தயத் தண்ணீரை எடுத்துக் கொண்ட பிறகு, பெரும்பாலான குழந்தைகளின் உடலில் இருந்து ஒரு விசித்திரமான துர்நாற்றம் வரத் தொடங்கும்.
குழந்தைகளில் சுயநினைவு இழப்பு: வெந்தய நீர் சில குழந்தைகளுக்கு சுயநினைவு குறைபாட்டை ஏற்படுத்தும். அவர்கள் மருத்துவரிடம் (குழந்தை நல மருத்துவர்) ஆலோசனை இல்லாமல் கொடுப்பதைத் தவிர்க்க வேண்டும்.
(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | மிரட்டும் தொப்பை கொழுப்பை விரட்டி அடிக்கும் சூப்பர் உணவுகள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
