போலந்து, ஸ்லோவாக்கியா மற்றும் ஹங்கேரி வெள்ளிக்கிழமை (2023, செப்டம்பர் 15) உக்ரேனிய தானிய இறக்குமதிக்கு தங்கள் சொந்த கட்டுப்பாடுகளை அறிவித்தன, ஐந்து ஐரோப்பிய ஒன்றிய அண்டை நாடுகளுக்கு தானிய இறக்குமதி செய்வது தொடர்பான உக்ரைன் மீதான தடையை நீட்டிக்க வேண்டாம் என்றுஐரோப்பிய ஆணையம் முடிவு செய்தது.
ரஷ்யாவின் 2022 படையெடுப்பு விவசாய உற்பத்திகளை உலகளாவிய சந்தைகளுக்கு அனுப்பும் திறனைக் குறைப்பதற்கு முன்பு உக்ரைன் உலகின் சிறந்த தானிய ஏற்றுமதியாளர்களில் ஒன்றாக இருந்தது. கருங்கடல் துறைமுகங்கள் வழியாக, உணவு தானியங்களை அனுப்ப முடியாததால், ரஷ்யாவுக்கும் உக்ரைனுக்கும் இடையிலான மோதல் தொடங்கியதிலிருந்து உக்ரேனிய விவசாயிகளின் நிலைமை மோசமாகிவிட்டது.
உக்ரைனின் அண்டை நாடுகளுக்கு தானியங்கள் மற்றும் எண்ணெய் வித்துக்களின் அதிக வரத்து, அங்கு விலைகளைக் குறைத்தது, உள்ளூர் விவசாயிகளின் வருமானத்தை பாதித்தது. இதனையடுத்து, உக்ரைனில் இருந்து விவசாய இறக்குமதியை அதன் அண்டை நாட்டு அரசாங்கங்கள் தடை செய்தன.
தனிப்பட்ட நாடுகள் ஒருதலைப்பட்சமான தடைகளை விதிப்பதால் ஏற்படும் உலக பொருளாதார சீர்குலைவைத் தடுக்க வேண்டும் என்ற முனைப்பில், ஐரோப்பிய ஒன்றியம் இந்த விவகாரத்தில் கடந்த மே மாதம் தலையிட்டது. அண்டை நாடுகளுக்கு தானிய இறக்குமதி செய்வதற்கு அதன் சொந்த தடையை விதித்தது. ஐரோப்பிய ஒன்றிய தடையின் கீழ், உக்ரைன் அந்த நாடுகளின் மூலம் ஏற்றுமதி செய்ய அனுமதிக்கப்பட்டது.
மேலும் படிக்க | உணவு பொட்டலத்தில் காரித் துப்பிய டெலிவரி ஊழியர்... வாடிக்கையாளர் அதிர்ச்சி - சிசிடிவி வீடியோ
அண்டை நாடுகளுக்கான ஏற்றுமதியின் கட்டுப்பாட்டை இறுக்குவதற்கான நடவடிக்கைகளை எடுப்பதாக உக்ரைன் உறுதியளித்ததை அடுத்து, ஐரோப்பிய ஒன்றியம் அந்தத் தடையை வெள்ளிக்கிழமை காலாவதியாக்கிவிட்டது. விவசாயிகள் தங்கள் பயிர்களை அறுவடை செய்து விற்கத் தயாராகும் நிலையில், இந்த விஷயம், விவசாயிகளுக்கு தலைவலியாக மாறிவிட்டது.
உக்ரேனிய தானிய இறக்குமதிக்கு எதிரான ஒருதலைப்பட்சமான நடவடிக்கைகளைத் தவிர்க்க வேண்டும் என்று ஐரோப்பிய ஒன்றிய வர்த்தக ஆணையர் வால்டிஸ் டோம்ப்ரோவ்ஸ்கிஸ் வெள்ளிக்கிழமையன்று (செப்டம்பர் 15) கூறினார், ஆனால் போலந்து, ஸ்லோவாக்கியா மற்றும் ஹங்கேரி உடனடியாக உக்ரேனிய தானிய இறக்குமதி தொடர்பாக தங்கள் சொந்த கட்டுப்பாடுகளை மீண்டும் விதித்தன; அவர்கள் உக்ரேனிய உற்பத்திப் பொருட்களின் போக்குவரத்தை தொடர்ந்து அனுமதிப்பார்கள்.
ஏற்றுமதிகளை கட்டுப்படுத்த உக்ரைன் எவ்வளவு உறுதியளித்துள்ளது அல்லது புதிய தடைகள் உக்ரேனிலிருந்து உற்பத்தியை எவ்வாறு பாதிக்கும் என்பது தெளிவாகத் தெரியவில்லை. சக்தி வாய்ந்த விவசாயம் மற்றும் விவசாய லாபிகளைக் கொண்ட உறுப்பு நாடுகளின் பொருளாதாரத்தில் ரஷ்யா-உக்ரைன் இடையிலான போரின் தாக்கம் குறித்து ஐரோப்பிய ஒன்றிய நாடுகளுக்கு இடையிலான கருத்து வேறுபாட்டை தானிய வர்த்தகம் தொடர்ந்து வெளிச்சம் போட்டு காட்டிவருகிறது.
தானிய ஏற்றுமதி மீதான தடையை மேலும் நீட்டிக்காத ஐரோப்பிய ஒன்றியத்தின் முடிவை வரவேற்ற உக்ரைன் அதிபர் வோலோடிமிர் ஜெலென்ஸ்கி, ஆனால் ஐரோப்பிய ஒன்றிய உறுப்பு நாடுகள் ஐரோப்பிய ஒன்றிய விதிகளை மீறினால், தனது அரசாங்கம் "நாகரீகமான முறையில்" செயல்படும் என்று எச்சரிக்கையும் விடுத்தார்.
மேலும் படிக்க | பாரம்பரிய பேரை மாற்றிக் கொண்ட நாடுகளின் வரலாறு
ஜூலை மாதத்தில் ஐநா தலைமையில் ஏற்படுத்தப்பட்ட கருங்கடல் தானிய ஒப்பந்தத்தில் இருந்து ரஷ்யா பின்வாங்கியதை அடுத்து, உக்ரைன் தனது தானியங்கள் மற்றும் எண்ணெய் வித்துக்களை ஏற்றுமதி செய்வதற்கு, சாலிடாரிட்டி லேன்ஸ் எனப்படும் மாற்று நில வழிகளை ஐரோப்பிய ஒன்றியம் உருவாக்கியது.
30 நாட்களுக்குள் ஏற்றுமதி உரிம முறை போன்ற நடவடிக்கைகளை அறிமுகப்படுத்த உக்ரைன் ஒப்புக்கொண்ட பிறகு, ஏற்கனவே திட்டமிட்டபடி இருக்கும் நடவடிக்கைகள் வெள்ளியன்று (2023 செப்டம்பர் 15) காலாவதியாகிவிடும் என்று ஐரோப்பிய ஒன்றிய ஆணையம் கூறியது.
ஐரோப்பிய ஒன்றியம் தடையை நீடிக்க எந்த காரணமும் இல்லை, ஏனெனில் மே மாதத்தில் தடைக்கு வழிவகுத்த விநியோகத்தில் ஏற்பட்ட பிரச்சனைகள் இன்று இல்லை என்பதால், உக்ரைன் பயனுள்ள ஏற்றுமதி கட்டுப்பாடுகளை கடைப்பிடிக்கும் வரையில் கட்டுப்பாடுகளை விதிக்க மாட்டோம் என ஐரோப்பிய ஒன்றியம் தெரிவித்துள்ளது.
மேலும் படிக்க | பெருமைப்பட ஒன்றும் இல்லை... G20 பிரகடனத்தினால் கடுப்பில் உக்ரைன்..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
