Nagarjuna - Anshu:విజయ్ భాస్కర్ దర్శకత్వంలో త్రివిక్రమ్ కథ, మాటలు అందించిన 'మన్మథుడు' సినిమా క్లాసిక్‌గా నిలిచిపోయింది. ఈ సినిమా విడుదలై 22 యేళ్లు అవుతున్న ఇప్పటికే ఈ సినిమాకు ప్రత్యేక అభిమానులున్నారు. ఇందులోని కామెడీ ఎపుడు చూసినా.. ఫ్రెష్‌గా కనిపిస్తుంది. కింగ్ నాగార్జున కెరీర్‌లో ఈ సినిమా ప్రత్యేకమైన చిత్రంగా నిలిచిపోయింది. ఇందులో త్రివిక్రమ్ రాసిన పంచ్ డైలాగులు పాపులర్ అయ్యాయి. ఈ సినిమాలో నాగార్జునకు జోడిగా సోనాలి బింద్రేతో పాటు అన్షు కథానాయికలుగా నటించారు. ఈ సినిమాలో మహి పాత్రలో అన్షు ఒదిగిపోయింది. ఈ సినిమాలో నాగార్జున, అన్షు కెమిస్ట్రీకి ప్రేక్షకులు ఫిదా అయ్యారు. ఆ తర్వాత అన్షు ప్రభాస్ సరసన 'రాఘవేంద్ర' సినిమాలో నటించింది. ఈ రెండు సినిమాల్లో యాదృచ్ఛికంగా చనిపోయే పాత్రల్లోనే నటించింది. ఆ తర్వాత వరుసగా అలాంటి చావు పాత్రలే రావడంతో సినిమాలకు బై బై చెప్పేసింది.
మధ్యలో ఈమెతో సినిమాలు చేయడానికి మన హీరోలు ప్రయత్నాలు చేసారు. కానీ ఆమె నో అంటే నో చెప్పేసింది. ఆ తర్వాత ఒకటి రెండు కన్నడ చిత్రాల్లో నటించిన తర్వాత సినిమా ఇండస్ట్రీకి పూర్తిగా ప్యాకప్ చెప్పేసింది. ఆ తర్వాత కొన్నాళ్లకు లండన్‌కు చెందిన సచిన్ అనే ఓ ఎన్నారైను పెళ్లి చేసుకుంది. అలా సినిమాలకు దూరమైపోయింది.
మన్మథుడు సినిమా విడుదలై 22 యేళ్లు అవుతున్న ఇప్పటికీ ఈమె గురించి గూగుల్‌లో సెర్చ్ చేసేవాళ్లు చాలా మందే ఉన్నారు. స్టార్ హీరోయిన్ అయ్యే క్వాలిటీస్ ఉన్న ఎందుకనో సినిమా ఇండస్ట్రీని ఒదిలివెళ్లిపోయింది. ఇపుడు తన భర్తకు సంబంధించిన బిజినెస్‌లో చేదోడు వాదోడుగా ఉంటుంది. తాజాగా ఈమె భారత దేశానికి వచ్చింది. హైదరాబాద్‌లోని తన స్నేహితులను కలుస్తోంది.
ఈ సందర్భంగా అన్షు స్నేహితురాలు ఇచ్చిన పార్టీకి నాగార్జున, అమల హాజరయ్యారు. ఇన్నేళ్ల తర్వాత ఈ పార్టీలో మన్మథుడు జంట నాగార్జున, అన్షు కలుసుకున్నారు.
ఈ సందర్భంగా మన్మథుడు సినిమాకు సంబంధించిన విషయాలను షేర్ చేసుకున్నారు. నాగార్జున, అన్షు వీళ్లిద్దరు కలిసి ఉన్న ఫోటోలు సామాజిక మాధ్యమాల్లో వైరల్ అవుతున్నాయి. అభి, మహి బెస్ట్ పెయిర్ అంటూ నెటిజన్స్ స్పందిస్తున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
