God Father Trailer: తెలుగు సినీ ప్రేక్షకులు ఎప్పుడెప్పుడా అని ఎదురుచూస్తున్న గాడ్ ఫాదర్ ట్రైలర్ (God Father Trailer) వచ్చేసింది. చిరు యాక్షన్, పవర్ పుల్ డైలాగ్స్, సల్మాన్ ఎంట్రీ, తమన్ నేపథ్య సంగీతంతో ట్రైలర్ అదిరిపోయింది. పూరీ వాయిస్ ఓవర్ అందించిన ఈ ట్రైలర్ ఆద్యంతం ఆకట్టుకుంది. మలయాళం సూపర్ హిట్ లూసిఫర్ సినిమాకు రీమేక్ గా తెరకెక్కిన సినిమా గాడ్ ఫాదర్. చిరంజీవి హీరోగా నటించిన ఈ సినిమాలో సల్మాన్, నయనతార, సత్యదేవ్, సునీల్, సముద్రఖని తదితరులు కీలకపాత్రలు పోషించారు. మోహన్‌రాజా తెరకెక్కించిన ఈ చిత్రం అక్టోబరు 5న ప్రేక్షకుల ముందుకు రానుంది. ఈ నేపథ్యంలో బుధవారం చిత్రబృందం ప్రీ రిలీజ్ ఈవెంట్ ను నిర్వహించి.. ట్రైలర్ ను రిలీజ్ చేసింది.
ట్రైలర్ ఓపెన్ చేస్తే... 'రాజకీయాలకు నేను దూరంగా ఉన్నాను. కానీ రాజ‌కీయం నా నుంచి దూరం కాలేదు', 'నేను ఉన్నంత వరకు ఈ కుర్చీకి చెద పట్టనివ్వను' అంటూ చిరంజీవి (Megastar Chiranjeevi) చెప్పిన డైలాగ్స్ వేరే లెవల్లో ఉన్నాయి. తెలుగు నేటివిటీకి తగ్గట్టు కథలో చాలా మార్పులు చేసినట్లు కనిపిస్తోంది. కాగా ఇప్పటికే రిలీజైన ఈ సినిమా పోస్టర్స్, టీజర్, సాంగ్స్ మూవీపై భారీగా అంచనాలు పెంచేశాయి. ఈ చిత్రాన్ని కొణిదెల ప్రొడక్షన్స్ సూపర్ గుడ్ ఫిలిమ్స్ బ్యానర్ల మీద ఎన్వి ప్రసాద్, ఆర్బి చౌదరి సంయుక్తంగా నిర్మించారు. ఇప్పటికే సెన్సార్ పూర్తి చేసుకున్న ఈ సినిమా దసరా సందర్భంగా విడుదల కానుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://bit.ly/3P3R74U
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter , Facebook
