Pawan Kalyan Sai Dharam Tej Pics Leaked : సముద్రఖని తెరకెక్కిస్తున్న వినోదయ సిత్తం సినిమాలో పవన్ కళ్యాణ్‌ సాయి ధరమ్ తేజ్ నటిస్తున్న సంగతి తెలిసిందే. ఇక ఇందులో పవన్ కళ్యాణ్‌ దేవుడి పాత్రలో కనిపించనున్నాడు. గోపాల గోపాల సినిమాలో చేసినట్టుగానే పవన్ కళ్యాణ్‌ మరోసారి దేవుడిగా కనిపించబోతోన్నాడు. అయితే ఈ సినిమా షూటింగ్ ఇప్పుడు శరవేగంగా జరుగుతోంది. ఈ సెట్ నుంచి పవన్ కళ్యాణ్‌, సాయి ధరమ్ తేజ్‌ల స్టిల్స్ లీక్ అయ్యాయి.
అసలు ఈ రీమేక్‌లే వద్దని అభిమానులు కూడా దండం పెట్టేస్తున్నారు. అయినా కూడా వినని పవన్ కళ్యాణ్‌ చకచకా సినిమాలు పూర్తి చేయాలనే ఉద్దేశంలోనే ఇలా రీమేక్‌లను ఎంచుకుంటున్నట్టుగా కనిపిస్తోంది. ఈ క్రమంలోనే ఈ వినోదయ సిత్తం సినిమాను కూడా ఎంచుకున్నాడు. గోపాల గోపాల సినిమా చేసినట్టుగానే ఉంటుందని, మళ్లీ ఆ సినిమానే ఎందుకు చేయడం అంటూ అభిమానులే పెదవి విరుస్తున్నారు.
ఇలాంటి రీమేక్ నుంచి తాజాగా లీకైన ఫోటోలను చూసి నెటిజన్లు షాక్ అవుతున్నారు. పవన్ కళ్యాణ్‌, సాయి ధరమ్ తేజ్‌ల లుక్స్ మీద ట్రోలింగ్ జరుగుతోంది. ఇదంతా అవసరమా? ఇలాంటి లుక్ అవసరమా? అంటూ జనాలు నెగెటివ్ కామెంట్లు పెడుతున్నారు. ఇక ఈ ఉగాదికి ఈ మూవీ టైటిల్‌ను ప్రకటిస్తారని, అప్పుడే రిలీజ్ డేట్ కూడా అనౌన్స్ చేస్తారని తెలుస్తోంది.
uff..... avasarama raa eee remake #PKSDT 🙏🙏 pic.twitter.com/alq5vB0yQv
— Movie Monster (@movie_monsterz) March 16, 2023
వినోదయ సిత్తం సినిమా కోసం పవన్ కళ్యాణ్‌ ఇరవై రోజులు కేటాయించిన విషయం తెలిసిందే. ఈ ఇరవై రోజులకు గానూ పవన్ కళ్యాణ్‌కు నలభై కోట్లు వచ్చాయట. అంటే రోజుకు రెండు కోట్ల రెమ్యూనరేషన్ అంటూ జనసేన ఆవిర్భావ సభలో పవన్ కళ్యాణ్‌ చెప్పిన మాటలు సోషల్ మీడియాలో ఎంతగా వైరల్ అయ్యాయో అందరికీ తెలిసిందే.
#PKSDT 🥵🥵❤️🔥❤️🔥
Babu Lake BaBu 🥵 Kalyan Babu pic.twitter.com/j94Dmqgi4Z— Siddhuu (@orribabumushayo) March 16, 2023
పవన్ కళ్యాణ్‌ ప్రస్తుతం ఎన్ని కమిట్మెంట్లతో ఉన్నాడో అందరికీ తెలిసిందే. అన్నింటికంటే ముందుగా హరిహర వీరమల్లు సినిమాను పూర్తి చేయాల్సి ఉంది. ఆ తరువాత హరీష్‌ శంకర్ మైత్రీ మూవీస్ పట్టాలెక్కించాలి. ఆ తరువాత సుజిత్ దానయ్య సినిమాను కంప్లీట్ చేయాల్సి ఉంది. ఇక మధ్యలో వినోదయ సిత్తం రీమేక్‌ను కూడా పూర్తి చేయాల్సిందే.
Also Read: Shruti Haasan : నెటిజన్ల తిక్క ప్రశ్నలు.. శ్రుతి హాసన్‌ సమాధానాలివే.. ఛీ ఛీ ఇదేం దరిద్రం!
Also Read: Nidhhi Agerwal : జోరు పెంచేసిన నిధి అగర్వాల్.. అదరహో అనాల్సిందే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook
