RBI Governor: ఆర్బిఐ నూతన గవర్నర్‎గా సంజయ్ మల్హోత్రా నియామకం.. సంజయ్ బ్యాక్ గ్రౌండ్ ఇదే

Sanjay Malhotra: 1990 బ్యాచ్ IAS అధికారి, ప్రస్తుతం రెవెన్యూ శాఖ కార్యదర్శిగా పనిచేస్తున్న సంజయ్ మల్హోత్రా రిజర్వ్ బ్యాంక్ ఆఫ్ ఇండియా గవర్నర్‌గా నియామకానికి క్యాబినెట్ నియామకాల కమిటీ ఆమోదం తెలిపింది. ఆయన పదవీకాలం మూడేళ్లు ఉంటుంది. శక్తికాంత దాస్ స్థానంలో ఆయన బాధ్యతలు చేపట్టనున్నారు. కొత్త RBI గవర్నర్ గురించి తెలుసుకుందాం.

Sanjay Malhotra: రిజర్వ్ బ్యాంక్ ఆఫ్ ఇండియా కొత్త గవర్నర్‌గా రెవెన్యూ కార్యదర్శి సంజయ్ మల్హోత్రా నియమితులయ్యారు. ప్రస్తుత గవర్నర్ శక్తికాంత దాస్ స్థానంలో ఆయన బాధ్యతలు చేపట్టనున్నారు. మల్హోత్రా అపెక్స్ బ్యాంక్ 26వ గవర్నర్‌గా నియమితులయ్యారు. సంజయ్ మల్హోత్రా  1990 బ్యాచ్ ఐఏఎస్ అధికారి. ప్రస్తుతం రెవెన్యూ శాఖ కార్యదర్శిగా పనిచేస్తున్న సంజయ్ మల్హోత్రాను గవర్నర్‌గా నియమించేందుకు కేబినెట్ నియామకాల కమిటీ ఆమోదం తెలిపింది. ఆయన పదవీకాలం మూడేళ్లు ఉంటుంది. ఈ పదవీకాలం డిసెంబర్ 11, 2024 నుండి అమలులోకి వస్తుంది. ఆర్‌బీఐ గవర్నర్‌గా రెండు పర్యాయాలు పూర్తి చేసిన శక్తికాంత దాస్ తర్వాత ఆయన బాధ్యతలు చేపట్టారు.

ఐఏఎస్ అధికారి సంజయ్ మల్హోత్రాకు ఫైనాన్స్, టాక్సేషన్, పవర్, ఇన్ఫర్మేషన్ టెక్నాలజీ, మైనింగ్ వంటి కీలక రంగాలలో 33 ఏళ్లపాటు పనిచేసిన అనుభవం ఉంది. మంగళవారంతో పదవీకాలం ముగియనున్న దాస్ స్థానంలో ప్రముఖ బ్యూరోక్రాట్ మల్హోత్రా అపెక్స్ బ్యాంక్ 26వ గవర్నర్‌గా నియమితులయ్యారు. 2018 డిసెంబర్‌లో ఆర్‌బీఐ గవర్నర్‌గా నియమితులైన దాస్ ఇటీవలి దశాబ్దాల్లో ప్రామాణిక ఐదేళ్ల పదవీకాలాన్ని అధిగమించారు.

Appointments Committee of the Cabinet has appointed Revenue Secretary Sanjay Malhotra as the next Governor of the Reserve Bank of India for a three-year term from 11.12.2024 pic.twitter.com/4UfunEGEuH

— ANI (@ANI) December 9, 2024

సంజయ్ మల్హోత్రా రాజస్థాన్ కేడర్‌కు చెందిన 1990 బ్యాచ్ ఇండియన్ అడ్మినిస్ట్రేటివ్ సర్వీస్ అధికారి. ఐఐటీ కాన్పూర్ నుంచి కంప్యూటర్ సైన్స్‌లో ఇంజినీరింగ్ చేశారు. అమెరికాలోని ప్రిన్స్‌టన్ యూనివర్సిటీ నుంచి పబ్లిక్ పాలసీలో పోస్ట్ గ్రాడ్యుయేషన్ చేశారు. మల్హోత్రా డిసెంబర్ 11, 2024న మూడేళ్లపాటు బాధ్యతలు స్వీకరిస్తారని కేబినెట్ నియామకాల కమిటీ నోటిఫికేషన్‌లో తెలిపింది. ద్రవ్యోల్బణం నియంత్రణ, ఆర్థిక వృద్ధి మందగమనం వంటి సవాళ్లతో ఆర్‌బీఐ సతమతమవుతున్న తరుణంలో మల్హోత్రా నియామకం కీలకమైంది. మల్హోత్రా ప్రస్తుతం ఆర్థిక మంత్రిత్వ శాఖలో కార్యదర్శి (రెవెన్యూ)గా పనిచేస్తున్నారు. అంతకుముందు ఆర్థిక సేవల శాఖలో కార్యదర్శిగా కూడా పనిచేశారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూ

స్ యాప్ డౌన్‌లోడ్ చేసుకోండి. 

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter, Facebook