TRS MLAs Case: టీఆర్ఎస్ ఎమ్మెల్యేల కొనుగోలు కేసులో పోలీసులకు షాకిచ్చిన ఏసీబీ కోర్టు

TRS MLAs Case: టీఆర్ఎస్ పార్టీకి చెందిన పైలట్ రోహిత్ రెడ్డి, బీరం హర్షవర్ధన్ రెడ్డి, గువ్వల బాలరాజు, రేగ కాంతారావులను డబ్బు కట్టలతో, కాంట్రాక్టులు, పదవులతో ప్రలోభపెట్టి పార్టీ ఫిరాయింపులకు బీజేపి కుట్ర చేసిందంటూ టీఆర్ఎస్ పార్టీ ఆరోపించిన సంగతి తెలిసిందే.

TRS MLAs Case: నలుగురు టిఆర్ఎస్ ఎమ్మెల్యేల కొనుగోలుకు యత్నించారన్న వ్యవహారం రాష్ట్రంలో సంచలనం సృష్టించిన సంగతి తెలిసిందే. తాండూరు ఎమ్మెల్యే పైలట్ రోహిత్ రెడ్డి, కొల్లాపూర్ ఎమ్మెల్యే బీరం హర్షవర్ధన్ రెడ్డి, అచ్చంపేట ఎమ్మెల్యే గువ్వల బాలరాజు, ఖమ్మం జిల్లాకు చెందిన పినపాక ఎమ్మెల్యే రేగ కాంతారావుల పేర్లు ఈ వ్యవహారంలో పాపులర్ అయ్యాయి. ఈ నలుగురు టీఆర్ఎస్ ఎమ్మెల్యేలతో ముగ్గురు వ్యక్తులు భారీ మొత్తంలో డీల్ మాట్లాడే క్రమంలో సదరు టీఆర్ఎస్ ఎమ్మెల్యేలు ఇచ్చిన సమాచారం మేరకే ఘటనా స్థలానికి చేరుకుని వారిని అరెస్ట్ చేసినట్టు బుధవారం రాత్రి సైబరాబాద్ స్టీఫెన్ రవీంద్ర మీడియా ఎదుట చెప్పిన సంగతి తెలిసిందే. 

ఇదిలాఉండగా తాజాగా టీఆర్ఎస్ ఎమ్మెల్యేల కొనుగోలు కేసులో కీలక పరిణామం చోటుచేసుకుంది. ఈ కేసులో అరెస్ట్ అయిన రామచంద్ర భారతి, నందకుమార్, సింహాచల రిమాండ్ చేయడాన్ని ఏసీబీ కోర్టు న్యాయమూర్తి తప్పుపట్టారు. ముగ్గురు వ్యక్తులు టీఆర్ఎస్ ఎమ్మెల్యేలను ప్రలోభ పెట్టారనడానికి సరైన ఆధారాలు లేనందున ప్రివెన్షన్ ఆఫ్ కరెప్షన్ పీసీ యాక్ట్ ఈకేసులో వర్తించదని ఏసీబీ న్యాయ స్థానం వ్యాఖ్యానించింది. 

లంచం ఇచ్చినట్టుగానూ ఎమౌంట్ లేకపోవటంతో ఆ ముగ్గురుని ఎలా రిమాండ్ చేస్తారని ఏసీబీ న్యాయమూర్తి ప్రశ్నించారు. ముగ్గురు అనుమానితుల అరెస్ట్ విధానాన్ని తప్పుపట్టిన ఏసీబీ కోర్టు.. వారిని తక్షణమే విడుదల చేయాలని పోలీసులను ఆదేశించింది.  41crpc ప్రకారం నోటీస్ జారీ చేసి కేసు విచారణ జరపాలని ఏసీబీ కోర్టు న్యాయమూర్తి అభిప్రాయపడ్డారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.