મોડી રાત્રે વરસેલા વરસાદમાં વલસાડ જળબંબાકાર, કલેક્ટરે એલર્ટ રહેવાની સૂચના આપી

વલસાડમાં ગઈકાલ રાતથી ભારે વરસાદ ખાબકી પડ્યો હતો. જેને કારણે વલસાડના અનેક તાલુકાઓમાં ઘરો, સ્ટેશનમાં પાણી ભરાયા છે. વલસાડની સાથે નવસારીમાં પણ ધોધમાર વરસાદ વરસી પડ્યો હતો.

Last Updated: Jun 29, 2019, 11:12 AM IST

મોડી રાત્રે વરસેલા વરસાદમાં વલસાડ જળબંબાકાર, કલેક્ટરે એલર્ટ રહેવાની સૂચના આપી

જય પટેલ/વલસાડ :વલસાડમાં ગઈકાલ રાતથી ભારે વરસાદ ખાબકી પડ્યો હતો. જેને કારણે વલસાડના અનેક તાલુકાઓમાં ઘરો, સ્ટેશનમાં પાણી ભરાયા છે. વલસાડની સાથે નવસારીમાં પણ ધોધમાર વરસાદ વરસી પડ્યો હતો. જેને કારણે વલસાડ અને નવસારીમાં નીચાણવાળા વિસ્તારોમાં પાણી ભરાઈ ગયા છે. વલસાડમાં ભારે વરસાદને પગલે જિલ્લા કલેક્ટર દ્વારા નીચાણવાળા વિસ્તારના લોકોને એલર્ટ કરવામાં આવ્યા છે.

2 કલાકમાં ખાબકેલા અઢી ઈંચ વરસાદથી વડોદરાના અનેક વિસ્તારો પાણીમાં ગરક

વલસાડ કલેક્ટર લોકોને એલર્ટ કર્યાં
વલસાડ જિલ્લા કલેક્ટરે જિલ્લાવાસીઓને ભારે વરસાદને પગલે એલર્ટ રહેવાની સૂચના આપી છે. જિલ્લા કલેક્ટર ટ્વિટ કરીને કહ્યું કે, અતિભારે વરસાદની આગાહીને પગલે નદીઓમાં પાણી આવી શકે એમ છે. જેને લઇને નીચાણવાળા વિસ્તારમાં રેહતાં લોકોને એલર્ટ કરાયા છે. લોકોને નદીના તટમાં નહિ જવાની સૂચના અપાઇ છે. તો જિલ્લામાં તમામ અધિકારી સરપંચો તેમજ તલાટીઓને એલર્ટ રહેવાની સૂચના આપી દેવાઈ છે. વરસાદને લઇ તમામ ગતિવિધિ પર ફ્લડ કંટ્રોલ રૂમથી ડિઝાસ્ટર મેનેજમેન્ટની ટીમને સતર્ક રહેવા આદેશ કરાયા છે.

હરિદ્વારમાં ભેખડ ધસી પડતા સુરતના 3 યુવાનો ગંગા નદીમાં ડૂબ્યા, 1નું મોત, 2 લાપતા

નવસારી મોડી રાતથી વરસાદ
નવસારીમાં મોડી રાત્રેથી ધોધમાર વરસાદ વરસી રહ્યો છે. અવિરત વરસી રહેલ વરસાદને પગલે અનેક નીચાણવાળા વિસ્તારો તેમજ માર્ગો પર પાણી ભરાયા છે. વરસાદને પગલે જનજીવન પ્રભાવિત થયું છે. નવસારી જિલ્લાના દરેક તાલુકામાં અવિરત વરસાદ વરસી રહ્યો છે. તો નવસારીના લુન્સીકુઈ મેદાન તળાવમાં ફેરવાઈ ગયું છે.