LAC પર ભારત-ચીન બેઠક પહેલા આવ્યા મોટા ખબર, હવે આ વિસ્તારમાં ચીની સેનાએ અડ્ડો જમાવ્યો!

નવી દિલ્હી: ભારત-ચીન વચ્ચે પૂર્વ લદાખ (Ladakh) માં ચાલી રહેલા તણાવને ઓછો કરવા માટેની કોશિશો વધી ગઈ છે. આ જ કડીમાં આજે ભારત-ચીન સરહદ મામલા (India-China Border Affairs)ની પરામર્શ અને સમન્વય સમિતિ (Working Mechanism for Consultation and Coordination -WMCC) ની બેઠક થઈ રહી છે. આ બેઠકમાં પૂર્વ લદાખના એલએસી(LAC)થી ચીની સૈનિકોને પાછળ હટાવવા અને ઐન્ય સૈન્ય દળો વચ્ચે તણાવ ઓચો કરવા પર વાતચીત થશે. આ બધા વચ્ચે  એવા પણ અહેવાલ છે કે લિપુલેખની પાસે પોતાના સૈન્યની તૈનાતી વધારી દીધી છે. જે ભારત માટે ખુબ ચિંતાજનક વાત છે. 

WMCCની 17મી બેઠક ગત મહિને જ થઈ હતી જેમાં બંને દેશોના સૈનિકોને આમને સામનેની તૈનાતીથી હટાવવા પર સહમતિ બની હતી. આ બેઠકમાં LACથી બંને દેશોની સેનાઓને પાછળ હટાવવાની હતી અને શાંતિ બહાલ કરતા બંને દેશો વચ્ચેના સંબંધોને સારા બનાવવાના હતાં. 

WMCCની બેઠકમાં બંને દેશોના સચિવ સ્તરના અધિકારીઓ સામેલ હોય છે અને વાતચીતનું નેતૃત્વ કરે છે જો કે ગત વાતચીતમાં સહમતિ આપવા છતાં પણ ચીને ફિંગર એરિયા (Finger Areas), દેપસાંગ (Depsang) અને ગોગરાથી પોતાના સૈનિકોને હટાવ્યાં નથી. ફિંગર એરિયામાં છેલ્લા 3 મહિનાથી ચીની સૈનિકો અડ્ડો જમાવીને બેઠા છે અને આ બધા વચ્ચે ચીની સૈનિકોએ સ્થાયી નિર્માણ પણ કરી લીધા છે જેમાં બંકર બનાવવા પણ સામેલ છે. 

ભારતે કહ્યું કે છે ચીને એલએસીથી સૈનિકોના જમાવડાને હટાવવો પડશે અને વિસ્તારોમાં શાંતિ ત્યારે જ સ્થપાઈ શકે છે. જ્યારે પૂર્વ લદાખના એલએસીથી ચીની સેના પાછળ હટે અને ડિએક્સેલેશનની પ્રક્રિયા પૂરી થાય. 

આ બધા વચ્ચે એવા અહેવાલો આવી રહ્યાં છે કે ચીને લિપુલેખની પાસે પોતાની સેના તૈનાતી કરી લીધી છે. આઈએએનએસના એક રિપોર્ટ મુજબ લિપુલેખથી ફક્ત 10 કિમી દૂર પાલામાં ચીને 150 લાઈટ કમ્બાઈડ આર્મ્સ બ્રિગેડ ( 150 Light Combined Arms Brigade)ને તૈનાત કરી લીધી છે. 

લિપુલેખ એ વિસ્તાર છે જેને લઈને હાલમાં જ ભારત અને નેપાળમાં તણાવ પેદા થઈ ગયો હતો. તે ભારત-નેપાળ-તિબ્બત વચ્ચે ટ્રાઈ જંકશન તરીકે કામ કરે છે. જે ઉત્તરાખંડના કાલાપાની ઘાટીના ઉપરના ભાગમાં પડે છે. ચોંકાવનારી વાત એ છે કે ચીની સૈનિકોની તૈનાતી અંગે ભારતીય અધિકારીઓને બે સપ્તાહ પહેલા ખબર પડી ગઈ છે. (IANS Input)