ભારતીય ટીમ માટે આ ગુજરાતી સાબિત થઇ રહ્યો છે બીજો ધોની? IPL બાદ ઓસ્ટ્રેલિયામાં પણ ધૂમ

જનક સુતરિયા/અમદાવાદ : હાર્દિક પંડ્યા પોતાની લાઈફ સ્ટાઈલ અને વિવાદોની વચ્ચે હવે ટી-ટ્વેન્ટીનો બેતાજ બાદશાહ બની રહ્યો છે. ભારતમાં ધોની પછી હાર્દિક ભારતનો ફિનિશર સાબિત થઈ રહ્યો છે. એક પછી એક મેચમાં હાર્દિક પોતાની બોલીંગની સાથે સાથે શાનદાર રીતે બેટીંગ કરીને મેચને જીતાડી રહ્યો છે.

આઈપીએલમાં પણ ધૂમ મચાવી 
હાર્દિક પંડ્યાએ મુંબઈને જીતાડવામાં પણ મોટી ભુમિકા ભજવી હતી. ઘણી એવી મેચ હતી જેમાં તેને મુંબઈને એકલપંડે મેચને જીતાડીને મુંબઈને આઈપીએલનો બાદશાહ બનાવવામાં મોટી ભુમિકા ભજવી હતી.

ધોનીની જગ્યા લઈ લીધી હાર્દિકે 
ઓસ્ટ્રેલિયામાં વન-ડે સીરીઝમાં ભારતની હાર થઈ હોય પરંતુ હાર્દિકે શાનદાર રીતે બેટ અને બોલથી પ્રદર્શન કર્યું, અને ત્યાર પછી તો ટી-20માં તો વાત જ ક્યાં કરવી. જ્યારે જ્યારેટીમ ઈન્ડિયાને મેચમાં જીતની જરૂર પડી અને લી ,રોહિત,શિખર બધા જ આઉટ થઈ ગયા છે. હવે ધોની પણ આપણી પાસે નથી..ત્યારે હવે ધોનીનું સ્થાન હાર્દિકે લઈ લીધું છે.એ હકિકત છે.

બરોડાના ઈરફાન -યુસુફ બાદ હવે હાર્દિક-કૃણાલની ધૂમ 
બરોડાના ઈરફાન અને યુસુફની એક સમયે ધુમ મચતી હતી. એજ રીતે આ બન્ને ખેલાડીઓ આઈપીએલમાં ધુમ મચાવી રહ્યા છે. હાલાકી હાર્દિકને હવે ટેસ્ટ ટીમમાં સમાવેશ કરીને ટેસ્ટમાં પણ રમાડવાની વાતો થઈ રહી છે. તો કૃણાલ માત્ર આઈપીએલમાં ધુમ મચાવી રહ્યો છે. પરંતુ બન્ને ભાઈઓ પણ ચર્ચામાં રહે છે.

હાર્દિકની લાઈફસ્ટાઈ 
ટીમ ઇન્ડીયાના ઓલરાઉન્ડર હાર્દિક પંડ્યાના ઘરે ખુશીઓ આવી છે, તેઓ હવે પિતા બની ચૂક્યા છે. તેમની મંગેતર નતાશા સ્ટૈનકોવિચે પુત્રને જન્મ આપ્યો છે. હાર્દિક પંડ્યાએ તેની જાણકારી સોશિયલ મીડિયા પર આપી છે.