Bank FD Vs Small Savings Schemes: இன்னும் இரு நாட்களில் இந்திய ரிசர்வ் வங்கி நிதிக் கொள்கை குழு மதிப்பாய்வு கூட்டத்தின் அறிக்கையை சமர்ப்பிக்கும். இதில் RBI MPC ரெப்போ விகிதத்தை மாற்றாமல் இப்போது இருக்கும் விகிதத்திலேயே வைத்திருக்கும் என்று எதிர்பார்க்கப்படுகிறது. இதற்கிடையில், பிபிஎஃப் (PPF), மூத்த குடிமக்கள் சேமிப்புத் திட்டங்கள் (SCSS), செல்வமகள் சேமிப்புத் திட்டம் எனப்படும் சுகன்யா சம்ரித்தி யோஜனா, தபால் அலுவலக நேர வைப்பு உள்ளிட்ட பெரும்பாலான சிறு சேமிப்புத் திட்டங்களுக்கான வட்டி விகிதங்களையும் அரசாங்கம் அதிகரிக்காமல் அப்படியே வைத்துள்ளது. 5 வருட தொடர் டெபாசிட்டுகள் (Recurring Deposits) மட்டுமே 20 அடிப்படை புள்ளிகள் அதிகரித்து 6.5 சதவீதத்தில் இருந்து 6.7 சதவீதமாக உயர்த்தப்பட்டுள்ளன.
2023-24 நிதியாண்டின் மூன்றாம் காலாண்டுக்கான பல்வேறு சிறுசேமிப்பு திட்டங்களுக்கான வட்டி விகிதங்கள் அக்டோபர் 1, 2023 முதல் தொடங்கி டிசம்பர் 31, 2023 வரை மாற்றியமைக்கப்பட்டுள்ளன” என்று நிதி அமைச்சகம் அறிவிப்பில் தெரிவித்துள்ளது.
அக்டோபர்-டிசம்பர் 2023க்கான சிறு சேமிப்புத் திட்டங்களுக்கான சமீபத்திய வட்டி விகிதங்கள்:
சேமிப்பு வைப்பு (Savings Deposit): 4 சதவீதம்
1-ஆண்டு போஸ்ட் ஆபிஸ் டைம் டெபாசிட்கள்: 6.9 சதவீதம்
2-ஆண்டு போஸ்ட் ஆபிஸ் டைம் டெபாசிட்கள்: 7.0 சதவீதம்
3-ஆண்டு போஸ்ட் ஆபிஸ் டைம் டெபாசிட்கள்: 7 சதவீதம்
5-ஆண்டு போஸ்ட் ஆபிஸ் டைம் டெபாசிட்கள்: 7.5 சதவீதம்
5 ஆண்டு தொடர் வைப்புத்தொகை: 6.7 சதவீதம் (6.5 சதவீதம் முன்பு)
தேசிய சேமிப்புச் சான்றிதழ்கள் (NSC): 7.7 சதவீதம்
கிசான் விகாஸ் பத்ரா: 7.5 சதவீதம் (115 மாதங்களில் முதிர்ச்சியடையும்)
பொது வருங்கால வைப்பு நிதி: 7.1 சதவீதம்
சுகன்யா சம்ரித்தி கணக்கு: 8.0 சதவீதம்
மூத்த குடிமக்கள் சேமிப்புத் திட்டம்: 8.2 சதவீதம்
மாத வருமானக் கணக்கு: 7.4 சதவீதம்.
எனவே, சிறு சேமிப்பு திட்டங்களின் வட்டி விகிதங்கள் 4 சதவீதம் (அஞ்சல் அலுவலக சேமிப்பு வைப்பு) முதல் 8.2 சதவீதம் (மூத்த குடிமக்கள் சேமிப்பு திட்டம்) வரையிலான வரம்பில் இருக்கும்.
வங்கி FD -களுக்கான சமீபத்திய வட்டி விகிதங்கள்
எஸ்டிஎஃப்சி வங்கி (HDFC Bank), 2 கோடி ரூபாய்க்கும் குறைவான நிலையான வைப்புகளுக்கு (Fixed Deposit) 7.75 சதவிகிதம் வரை வட்டி விகிதங்களை வழங்குகிறது. இது முதலீட்டின் கால அளவு மற்றும் முதலீடு செய்பவரின் வயதைப் பொறுத்து இருக்கும். ஐசிஐசிஐ வங்கி (ICICI Bank) ஆண்டுக்கு 7.60 சதவீதம் வரை எஃப்டி விகிதங்களை வழங்குகிறது. பிஎன்பி ஆண்டுக்கு 7.75 சதவீதம் வரை வழங்குகிறது. SBI ஆண்டுக்கு 7.50 சதவீதம் வரை FD விகிதங்களை வழங்குகிறது.
மேலும் படிக்க | NPS: ஜாக்பாட் ஓய்வூதிய திட்டம்.. மாதா மாதம் ரூ.50,000 ஓய்வூதியம் பெறலாம்
இந்தியாவில் தற்போதைய பணவீக்க விகிதம்
ஆகஸ்டில் பணவீக்கம் ரிசர்வ் வங்கியின் உயர் சகிப்புத்தன்மை வரம்பைத் தாண்டி 6.83 சதவீதமாக இருந்தது. ஆனால் இந்த அளவு ஜூலையில் அதன் உச்சமான 7.44 சதவீதத்தை விட கணிசமாகக் குறைவாக இருந்தது. உலகளாவிய கச்சா எண்ணெய் விலை அதிகரிப்பு மற்றும் அதிக உணவுப் பணவீக்கம் ஆகியவற்றின் பின்னணியில் இது பெருமளவில் இருந்தது.
சிறு சேமிப்புத் திட்டங்கள் என்றால் என்ன?
சிறு சேமிப்புத் திட்டங்கள் (Small Savings Schemes) அரசாங்கத்தால் உத்தரவாதம் அளிக்கப்படும் நிலையான வருமான சேமிப்பு திட்டங்களாகும். அவை மூன்று வகைகளாகப் பிரிக்கப்பட்டுள்ளன - சேமிப்பு வைப்புத்தொகை, சமூகப் பாதுகாப்புத் திட்டங்கள் மற்றும் மாத வருமானத் திட்டம்.
சேமிப்பு வைப்புகளில் 1-3 வருட கால வைப்பு மற்றும் 5 வருட தொடர் வைப்புகளும் அடங்கும். தேசிய சேமிப்புச் சான்றிதழ்கள் (NSC) மற்றும் கிசான் விகாஸ் பத்ரா (KVP) போன்ற சேமிப்புச் சான்றிதழ்களும் இதில் அடங்கும். சமூக பாதுகாப்பு திட்டங்களில் பொது வருங்கால வைப்பு நிதி (PPF), சுகன்யா சம்ரித்தி கணக்கு (SSY) மற்றும் மூத்த குடிமக்கள் சேமிப்பு திட்டம் (SCSS) ஆகியவை அடங்கும். மாதாந்திர வருமானத் திட்டத்தில் மாதாந்திர வருமானக் கணக்கு உள்ளது.
அவற்றின் வட்டி விகிதங்கள் எப்போது, எப்படி திருத்தப்படுகின்றன?
சிறு சேமிப்பு திட்டங்களுக்கான வட்டி விகிதங்கள் ஒவ்வொரு காலாண்டின் முடிவிலும் மதிப்பாய்வு செய்யப்பட்டு அதற்கேற்ப அடுத்த காலாண்டிற்கு முடிவு செய்யப்படுகின்றன. வட்டி விகித மதிப்பாய்வு முந்தைய காலாண்டின் (சமீபத்திய வழக்கில் ஜூலை-செப்டம்பர் 2023) G-Sec ஈல்டின் அடிப்படையில் செய்யப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
