வங்கி லாக்கர் விதியின் சமீபத்திய புதுப்பிப்பு: இந்திய ரிசர்வ் வங்கி (ஆர்பிஐ) சமீபத்தில் அனைத்து முன்னணி வங்கிகளும் அதன் வாடிக்கையாளர்களுக்கு லாக்கர் ஒப்பந்தத்தை ஜனவரி 1, 2023 க்கு முன் வழங்க வேண்டும் என்று கூறியது. புதிய லாக்கர் விதிகள் அந்த தேதியில் இருந்து செயல்படுத்தப்படும். முன்னதாக, ரிசர்வ் வங்கி 2021 ஆம் ஆண்டு ஆகஸ்ட் 8 ஆம் தேதி திருத்தப்பட்ட வழிகாட்டுதல்களை அறிவித்தது. இது ஜனவரி 1, 2022 முதல் நடைமுறைக்கு வந்தது. இப்போது, அனைத்து லாக்கர் உரிமையாளர்களும் புதிய லாக்கர் ஏற்பாட்டிற்கான தகுதியை வெளிப்படுத்தி, ஜனவரி 1, 2023க்கு முன்னதாக புதுப்பித்தல் ஒப்பந்தத்தில் கையெழுத்திட வேண்டும்.
“எந்தவொரு நியாயமற்ற விதிமுறைகள் அல்லது நிபந்தனைகளும் அவற்றின் லாக்கர் ஒப்பந்தங்களில் இணைக்கப்படவில்லை என்பதை வங்கிகள் உறுதி செய்யும். மேலும், ஒப்பந்தத்தின் விதிமுறைகள் வங்கியின் நலன்களைப் பாதுகாப்பதற்காக வழக்கமான வணிகப் போக்கில் தேவைப்படுவதைக் காட்டிலும் கடுமையானதாக இருக்காது. ஜனவரி 1, 2023க்குள் வங்கிகள் ஏற்கனவே இருக்கும் லாக்கர் வாடிக்கையாளர்களுடன் தங்கள் லாக்கர் ஒப்பந்தங்களை புதுப்பிக்க வேண்டும்.” என ரிசர்வ் வங்கியின் திருத்தப்பட்ட வழிகாட்டுதல்களில் கூறப்பட்டுள்ளது.
வழிகாட்டுதல்களில், புதிய விதிகளின் கீழ் அனைத்து வங்கிகளும் தங்கள் பாதுகாப்பு வைப்பு லாக்கர் வைத்திருப்பவர்களுக்கு புதிய லாக்கர் ஒப்பந்தத்தை விநியோகிக்க வேண்டும் என்று ரிசர்வ் வங்கி கூறியது. மத்திய வங்கியின் கூற்றுப்படி, அனைத்து கடன் வழங்குநர்களும் IBA ஆல் டிராஃப்ட் செய்யப்பட்ட மாதிரி லாக்கர் ஒப்பந்தத்தைப் பயன்படுத்தலாம். இது புதுப்பிக்கப்பட்ட அறிவுறுத்தல்கள் மற்றும் உச்ச நீதிமன்றத்தின் உத்தரவுகளுக்கு இணங்கி இருக்க வேண்டும்.
பெட்டகங்களில் சேமித்து வைக்கப்பட்டுள்ள விலைமதிப்பற்ற பொருட்கள் கொள்ளையடிக்கப்பட்டாலோ அல்லது தீ விபத்து, கட்டிடம் இடிந்து விழுந்து விபத்து ஆகியவற்றால் பாதிக்கப்பட்டாலோ, வங்கிக் கட்டணத்தை விட 100 மடங்கு வரை வங்கி வாடிக்கையாளர்கள் பெறலாம்.
மேலும் படிக்க | குடும்ப தலைவிகளுக்கு மகிழ்ச்சியான அப்டேட்!..எல்பிஜி விலை விரைவில் குறையும்
சமீபத்திய வழிகாட்டுதல்களில், லாக்கர் அறைகளைக் கண்காணிக்க வங்கிகள் சிசிடிவி பொருத்துவது கட்டாயம் என்று ரிசர்வ் வங்கி கூறியுள்ளது. இது தவிர, சிசிடிவி தரவுகளை 180 நாட்களுக்கு வைத்திருக்க வேண்டும் என்றும் வங்கிகளை ரிசர்வ் வங்கி கேட்டுக் கொண்டுள்ளது. ஏதேனும் முரண்பாடுகள் உள்ளதா என்பதைச் சரிபார்க்க இது உதவும்.
எஸ்எம்எஸ் எச்சரிக்கைகள்
வங்கி மோசடிகளில் இருந்து வாடிக்கையாளர்களைப் பாதுகாக்க, வாடிக்கையாளர் தனது லாக்கரை அணுகும் ஒவ்வொரு முறையும் அந்தந்த வங்கிகள் எஸ்எம்எஸ் மற்றும் மின்னஞ்சல்களை அனுப்ப வேண்டும் என்று ரிசர்வ் வங்கி உத்தரவிட்டது. இந்த எச்சரிக்கை வாடிக்கையாளர்களை மோசடியில் இருந்து பாதுகாக்கும்.
லாக்கரின் வாடகை
ரிசர்வ் வங்கியின் வழிகாட்டுதல்களின்படி, வங்கிகள் லாக்கரை ஒதுக்கும் போது, டெர்ம் டெபாசிட்டை இப்போது கோரலாம். இந்த தொகை மூன்று ஆண்டுகளுக்கு வாடகையாக எடுத்துக் கொள்ளப்படும். எனினும், தற்போதுள்ள லாக்கர் வாடிக்கையாளர்களையோ அல்லது திருப்திகரமான செயல்பாட்டு கணக்குகளை வைத்திருப்பவர்களையோ வங்கிகள் அத்தகைய டெர்ம் டெபாசிட்களுக்காக வலியுறுத்த முடியாது.
வங்கி லாக்கர் வழிகாட்டுதல்கள்
வங்கி வாடிக்கையாளர்கள் லாக்கரை வாடகைக்கு எடுக்க திட்டமிட்டாலோ அல்லது ஏற்கனவே வங்கி லாக்கரைப் பயன்படுத்தினாலோ, அவர்கள் ஜனவரி 1, 2023-க்கு முன்னதாக லாக்கர் ஒப்பந்தத்தில் கையெழுத்திட வேண்டும். ஏனெனில், இந்த தேதியிலிருந்து லாக்கர் விதிகள் மாறும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
