தமிழக அரசின் வேண்டுகோளுக்கு இணங்க, தெற்கு ரயில்வே மாநிலத்திற்குள் செயல்பட நான்கு சிறப்பு ரயில்களை ரயில்வே வாரியத்திற்கு முன்மொழிந்துள்ளது.
மே 22 தேதியிட்டு ரயில்வே வாரியத்திற்கு எழுதிய கடிதத்தில், கோயம்புத்தூரில் இருந்து மயிலாடுதுறை, மதுரையில் இருந்து விழுப்புரம், திருச்சி முதல் நாகர்கோயில் மற்றும் கோயம்புத்தூர் முதல் காட்பாடி வரை என நான்று சிறப்பு ரயில்களை இயக்க மண்டல ரயில்வேயின் தலைமை பயணிகள் போக்குவரத்து மேலாளர் பரிந்துரைத்துள்ளார்.
கோயம்புத்தூர் மற்றும் மயிலாதுதுரை இடையே (ரயில் எண் -12083/12084) ஜான்ஷதப்தி ரயிலாக இயக்க மண்டலம் பரிந்துரைத்துள்ளது. கோயில் நகரத்தையும் விழுப்புரத்தையும் இணைக்கும் இன்டர்சிட்டி எக்ஸ்பிரஸாக சென்னை -மதுரை வைகை எக்ஸ்பிரஸ் என்ற ரயிலை (எண் 12635/12636) அதிகாரிகள் பரிந்துரைத்துள்ளனர், எனினும் இந்த ரயில் கொரோனா ஹாட்ஸ்பாட் சென்னையுடன் இணைவதைத் அதிகாரிகள் தவிர்த்துள்ளனர்.
ரயில் எண் 22627/22628 திருச்சி- திருவனந்தபுரம் இன்டர்சிட்டி எக்ஸ்பிரஸ், திருச்சி மற்றும் நாகர்கோயிலை இணைக்கும் இன்டர்சிட்டி ஸ்பெஷலாக செயல்பட முன்மொழியப்பட்டுள்ளது.
ரயில்களை இயக்குவதற்கு வாரியத்தின் ஒப்புதல் கோரிய மண்டலத்தின் தலைமை போக்குவரத்து மேலாளர், ரயில் எண் 12679/12680 கோயம்புத்தூர் - சென்னை இன்டர்சிட்டியை திருச்சி நகரத்தை காட்பாடியுடன்(வேலூர்) இணைக்கும் சிறப்பு ரயிலாக இயக்க பரிந்துரைத்துள்ளனர்.
வாரியத்திற்கு அனுப்பப்பட்ட முன்மொழிவு கடிதத்தில், தமிழ்நாட்டிற்குள் சென்னையில் (எக்மோர், மத்திய மற்றும் தம்பரம்) மூன்று தவிர மற்ற முக்கியமான நிலையங்களை இணைக்கும் ஏசி அல்லாத சிறப்பு ரயில்களை இயக்குமாறு முதலமைச்சர் மத்திய ரயில்வே அமைச்சருக்கு மே 21 அன்று கடிதம் எழுதியுள்ளார்.
அண்மையில் கொரோனா வைரஸ் வழக்குகள் அதிகரித்ததால், பிற மாநிலங்களில் இருந்து குறைந்தபட்சம் மே 31 வரை தமிழகத்திற்கு ரயில்களை இயக்க வேண்டாம் என்று முதல்வர் எடப்பாடி பழனிசாமி மத்திய அரசிடன் கேட்டுக்கொண்டார். தமிழக அரசின் கோரிக்கை ஏற்றக்கொண்ட மத்திய ரயில்வே அமைச்சகம், ஜூன் 1 முதல் நாடு முழுவதும் 200 சிறப்பு ரயில்களை இயக்குவதாக அறிவித்தபோதும் தமிழகத்தை இந்த பட்டியலில் இருந்து விலக்கியது.
இது தொடர்பாக மண்டலத்துக்கும் ரயில்வே வாரியத்துக்கும் இடையிலான கடிதத் தொடர்பை உறுதிப்படுத்திய தெற்கு ரயில்வே மூத்த அதிகாரி ஒருவர் இந்த சிறப்பு ரயில்களை இயக்கத் தயாராக இருப்பதாகக் கூறினார். “ரயில்களின் செயல்பாடு நம்பத்தகுந்ததாகும். நாங்கள் ஏற்கனவே ஷர்மிக் மற்றும் சிறப்பு ரயில்களை இயக்குகிறோம். எனவே சில சிறப்பு ரயில்களை இயக்குவது பெரிய பணி அல்ல. (ஆனால்) ரயில் நடவடிக்கைக்கு வாரியம் ஒப்புதல் அளிக்க வேண்டும்,” என்று அந்த அதிகாரி தெரிவித்துள்ளார்.
