தமிழகத்தில் பெட்ரோல் பங்க் செயல்படும் நேரம் நீட்டிப்பு: தமிழக அரசு!!

சென்னையில் காலை 6 மணி முதல் மாலை 6 மணி வரை மட்டுமே பெட்ரோல் பங்க்குகள் செயல்படலாம் என தமிழக அரசு அரசாணை வெளியிட்டுள்ளது!!

Updated: May 9, 2020, 08:47 PM IST
தமிழகத்தில் பெட்ரோல் பங்க் செயல்படும் நேரம் நீட்டிப்பு: தமிழக அரசு!!

சென்னையில் காலை 6 மணி முதல் மாலை 6 மணி வரை மட்டுமே பெட்ரோல் பங்க்குகள் செயல்படலாம் என தமிழக அரசு அரசாணை வெளியிட்டுள்ளது!!

 தமிழகத்தில் டீக்கடைகளை திறக்க அனுமதி வழங்கியுள்ள தமிழக அரசு, பார்சல் மட்டுமே வழங்க வேண்டும் என நிபந்தனை விதித்துள்ளது. மேலும் சில சலுகைகளையும் மக்களுக்கு வழங்கியுள்ளது.

இது குறித்து தமிழக அரசு வெளியிட்டுள்ள அறிக்கையில் குறிப்பிட்டுள்ளதாவது.... தமிழகத்தில் கொரோனா பரவுவதை தடுப்பதற்காக மாநில பேரிடர் மேலாண்மை சட்டத்தின் கீழ், மார்ச் 24 முதல் ஊரடங்கு அமலில் உள்ளது. கடந்த மே 2 ஆம் தேதி அன்று தமிழக அமைச்சரவை கூட்டத்தில் எடுக்கப்பட்ட முடிவுகளின் அடிப்படையிலும், மத்திய உள்துறை அமைச்சகம் வெளியிட்ட அறிவுரைகளின் படியும், சென்னை காவல்துறை எல்லைக்கு உட்பட்ட பகுதிகள் மற்றும் தமிழகத்தின் பிற மாவட்டங்களில் பல்வேறு பணிகளுக்கு வரைமுறைகளுடன் அனுமதி அளிக்கப்பட்டுள்ளது. இதையடுத்து, தமிழகம் முழுவதும் (நோய் கட்டுப்பாட்டு பகுதிகள் தவிர) கீழ்காணும் பணிகள் திங்கள் கிழமை முதல் குறிப்பிட்ட நேரத்தில் செயல்பட அனுமதி வழங்கப்படுகிறது.

> அத்தியாவசிய பொருட்களான காய்கறிகள், மளிகைப் பொருட்கள் விற்பனை செய்யும் கடைகள் பெருநகர சென்னை காவல்துறை எல்லைக்கு உட்பட்ட பகுதிகளில் காலை 6 மணி முதல் இரவு 7 மணி வரை செயல்படும். பிற தனிக்கடைகள் காலை 10:30 மணி முதல் மாலை 6 மணி வரை செயல்படும்.

> அத்தியாவசிய பொருட்களான காய்கறிகள், மளிகைப் பொருட்கள் விற்பனை செய்யும் கடைகள் சென்னை காவல்துறை எல்லைக்குட்பட்ட பகுதிகளை தவிர்த்து தமிழகத்தில் உள்ள அனைத்து பகுதிகளிலும், காலை 6 மணி முதல் இரவு 7 மணி வரை செயல்படும். பிற தனிக்கடைகள் காலை 10 மணி முதல் இரவு 7 மணி வரை செயல்படும்.

> சென்னை மாநகராட்சி உட்பட தமிழகத்தின் அனைத்து பகுதிகளிலும்( நோய் கட்டுப்பாட்டு பகுதிகள் தவிர்த்து) டீக்கடைகள் பார்சல் சேவைக்கு மட்டும் காலை 6 மணி முதல் இரவு 7 மணி வரை செயல்பட அனுமதிக்கப்படுகிறது. இந்த கடைகளில் சமூக இடைவெளியை தவறாமல் கடைபிடிக்க வேண்டும். 

மேலும், தினமும் 5 முறை கிருமிநாசினி தெளித்து, கடையை சுத்தமாகவும் சுகாதாரமாகவும் வைத்து கொள்ள வேண்டும். கடைகளில் வாடிக்கையாளர்கள் நின்றோ, அமர்ந்தோ, ஏதும் உட்கொள்ள அனுமதியில்லை. இதை முறையாக கடைபிடிக்காத டீக்கடைகள் உடனடியாக மூடப்படும்.

> பெட்ரோல் பம்புகள், சென்னை காவல்துறை எல்லைக்குட்பட்ட பகுதிகளில் காலை 6 மணி முதல் மாலை 6 மணி வரை செயல்படும்.

> பெட்ரோல் பம்புகள் சென்னை காவல்துறை துறை எல்லைக்குட்பட்ட பகுதிகளை தவிர்த்து தமிழகத்தில் உள்ள அனைத்து பகுதிகளிலும், காலை 6 மணி முதல் இரவு 8 மணி வரை செயல்படும். தேசிய மற்றும் மாநில நெடுஞ்சாலைகளில் உள்ள பெட்ரோல் பம்புகள் 24 மணி நேரமும் செயல்படும்.

> சென்னை காவல்துறை எல்லைக்குட்பட்ட பகுதிகளில் உள்ள அனைத்து தனியார் நிறுவனங்கள் 33 சதவீத பணியாளர்களுடன் காலை 10:30 மணி முதல் மாலை 6 மணி வரை செயல்படும். சென்னை காவல்துறை எல்லைக்குட்பட்ட பகுதிகளை தவிர்த்து தமிழகத்தில் உள்ள அனைத்து பகுதிகளிலும், அனைத்து தனியார் நிறுவனங்கள் 33 சதவீத பணியாளர்களுடன் காலை 10 மணி முதல் மாலை 7 மணி வரை செயல்படும்.

அரசால் அறிவுறுத்தப்பட்ட தனிநபர் இடைவெளியை பின்பற்றுவதையும் போதுமான கிருமி நாசினிகளை பயன்படுத்தி பணிபுரிவதையும், பணியாளர் மற்றும் தொழிலாளர்கள் பாதுகாப்பாக பணிபுரிவதையும், அரசால் வெளியிடப்பட்டுள்ள நிலையான செயல்பாட்டு வழிமுறைகளை தீவிரமாக கடைபிடிப்பதையும், கண்காணிக்குமாறு SP-க்கள், கலெக்டர்கள், கமிஷனர்கள் மற்றும் காவல்துறை அறிவுறுத்தப்படுகிறார்கள். அரசால் ஏற்கனவே அனுமதிக்கப்பட்ட அனைத்து தளர்வுகளும், தடைகளும் மறு உத்தரவு வரும் வரை தொடர்ந்து முழுமையாக கடைபிடிக்கப்படும்" என அந்த அறிக்கையில் குறிப்பிட்டுள்ளது.