Live Blog
CM Chandrababu Oath Ceremony Live Updates: ముఖ్యమంత్రిగా చంద్రబాబు నాయుడు ప్రమాణ స్వీకారానికి సర్వం సిద్ధమైంది. మంత్రివర్గ కూర్పు కూడా పూర్తవ్వడంతో చంద్రబాబుతోపాటు మంత్రులు కూడా ప్రమాణం స్వీకారం చేయనున్నారు. కేబినెట్‌లో ఎనిమిది మంది బీసీలు, 17 మంది కొత్త వాళ్లకు అవకాశం కల్పించారు. మొత్తం 24 మంది మంత్రులు ఉండనున్నారు. జనసేన అధ్యక్షుడు పవన్ కళ్యాణ్ ఉప ముఖ్యమంత్రిగా బాధ్యతలు చేపట్టనున్నారు. 1978లో 28 ఏళ్ల వయసులో తొలిసారి ఎమ్మెల్యేగా ఎన్నికైన చంద్రబాబు.. 45 ఏళ్ల సుదీర్ఘ రాజకీయ ప్రస్థానంలో నాలుగోసారి ముఖ్యమంత్రిగా ఎన్నికైయ్యారు. బుధవారం ఉదయం 11.27 నిమిషాలకు చంద్రబాబు చేత రాష్ట్ర ముఖ్యమంత్రిగా గవర్నర్ అబ్దుల్ నజీర్ ప్రమాణం చేయించనున్నారు. చంద్రబాబు పట్టాభిషేకం లైవ్ అప్డేట్స్ కోసం ఇక్కడ ఫాలో చేయండి.
