Allu Arjun, Trivikram: ఆహా కోసం అల్లు అర్జున్, త్రివిక్రమ్

Allu Arjun, Trivikram for Aha: స్టైలిష్ స్టార్ అల్లు అర్జున్, డైరెక్టర్ త్రివిక్రమ్ కాంబినేషన్‌లో సంక్రాంతి కానుకగా విడుదలైన అల వైకుంటపురంలో ( Ala vaikuntapuramlo ) సినిమా బ్లాక్ బస్టర్ అయింది. గతంలో వీళ్లిద్దకి కాంబోలో వచ్చిన జులాయి, s/o సత్యమూర్తి సినిమాలు టాలీవుడ్ ఆడియెన్స్‌ని ఎంత ఎంటర్‌టైన్ చేశాయో ప్రత్యేకంగా చెప్పాల్సిన అవసరం లేదు. ఇదిలావుండగా తాజాగా వీళ్లిద్దరూ మరోసారి చేతులు కలపబోతున్నారు. ఐతే ఈసారి 70 ఎంఎం థియేటర్ కోసం కాకుండా.. ఆహా ఓటిటి ప్లాట్‌ఫాం కోసం. అల్లు అరవింద్ ( Allu Aravind ) సొంత ఒటిటి ప్లాట్‌ఫాం ఆహా ప్రమోషనల్ వీడియోల కోసం వీరిద్దరూ మరోసారి చేతులు కలిపారు.

తాజాగా ఆహాకి త్రివిక్రమ్ – అల్లు అర్జున్ ( Allu Arjun ) కలిసి ప్రమోషన్ యాడ్ చేశారు. దీపావళికి ఈ యాడ్ ప్రత్యేకంగా విడుదల కానుంది. దీపావళి స్పెషల్‌గా ఆహాలో ప్రసారంకాబోయే ఐదు షోల ప్రమోషన్లలో ఈ వీడియో ప్రత్యేకం కానుందని తెలుస్తోంది. ఈ ప్రోమో వీడియో త్వరలో ప్రసారం కానుంది అని తెలుస్తోంది.

అలాగే సమంత కూడా ఆహాలో సామ్ జామ్ ( Sam Jam on Aha ) అనే సెలెబ్రిటీ టాక్ షో చేయబోతోంది. ప్రముఖ సెలెబ్రిటీలతో సమంత సామ్ జామ్ షో షూటింగ్ ఇప్పటికే ప్రారంభమైంది అని తెలుస్తోంది. అల్లు అరవింద్ ఈ షోకి సంబందించిన అధికారిక ప్రకటనను శుక్రవారం ప్రెస్ మీట్‌లో వెల్లడించారు. ఈ షో కూడా ఈ ఏడాది దీపావళి ( Diwali 2020 ) కానుకగా దీపావళి ముందు రోజు నవంబర్ 13న ప్రసారం కానుంది. 

మెగాస్టార్ చిరంజీవి ( Chiranjeevi ), కింగ్ నాగార్జున ( Nagarjuna ), విక్టరీ వెంకటేష్‌తో ( Venkatesh ) పాటు పలువురు సినీ, క్రీడా ప్రముఖులను సమంత ఈ టాక్ షోలో ఇంటర్వ్యూ చేయనుంది. ఇప్పటికే బిగ్ బాస్ తెలుగు సీజన్ 4 దసరా ఎపిసోడ్ ( Bigg Boss Telugu season 4) హోస్ట్ చేసిన జోష్‌లో ఉన్న సమంత.. త్వరలోనే అదే జోష్‌తో సామ్ జామ్ షో కూడా హోస్ట్ చేయనుందన్న మాట.

స్థానికం నుంచి అంతర్జాతీయం వరకు.. విద్య, వినోదం, రాజకీయాలు, క్రీడలు, హెల్త్, లైఫ్‌స్టైల్, సామాజికం, ఉపాధి.. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G

https://apple.co/3loQYeApple Link -